خبيرات الطبخ عقدتني ريحة اللحم بالطبخ

[STAR FAR]

حبايبي ذبحني اللحم كل ماطبخته اشم فيه ريحة الخروف مع اني اغسله عدل واشيل الشحم منه وانقعه بليمون وخل نص ساعة وبعدين اغليه مع بصل وثوم ودارسين وهيل ولما تطلع الرغوة اكت الماي كله واحط ماي حار يديد مع قفشة كبيرة بهار مشكل وفلفل وملح ليما ينضج يعني اكثر من جذي شسوي يظل 30%فيه ريحة غنم يعني احط دهن عود بعد :rgewrg: على فكرة لحم عربي من الجزار بالجمعية مااقدر اييب لحم خروف صغير لانهم قالوا مافيه ريحة. ساعدوني الله يساعدكم وجزاكم الله كل خير

 

[أحلى همبه كويتية]

العربي فعلا مييز بريحته القوية بالطبخ
انا ما احبه


قمت اشتري المهجن او الاسترالي من شركة المواشي

 

[أحلى همبه كويتية]

انا اغسل اللحم واحطه مع ماي بس و اعواد دازسين
10 دقايق بس تطلع للرغوة
اغسل اللحم واغير الجدر بكبره
واحمس بشوية زيت بهارات صحيحة مثل اعواد دارسين وقرنفل وبهار لحم قفشة وكزبرة شوية ورشوية كركم وحبات هيل
كله وشويه شرايح زنجبيل طازج لما تطلع الريحة احط اللحم واقلبهم
بعدين اغمره بماي
بدووووووون اضافة الملح لان يأخر استوااء اللحم
وااحط عليه نص بصله وطماطة اقصها نصين تشيل الزفر
بجدر الضغط
20دقيقة اللحم مستوي

بعد ما يبرد الجدر افكه شوي شوي عشان البخار واخليه مفتوح بدون غطاء
اضيف الملح واخليه يطبخ 10 دقايق
بسسسسسس
وتعالي شمي ريحته اتهبل
*

 

[دموع الوادي]

انا عني حبيبتي اذا طبخة اللحم احط معه زنجبيل شرايح كبار وفلفل بارد واكثر البصل وصدقيني مايطلعله ريحه

 

[جارة القمر]

مشكووووورييييييييييييييييييييييين



وانا نفس طريقة الهمبه

 

[STAR FAR]

جزاكم الله كل خير بجرب الزنجبيل وياه واشوف

 

[ام الدرر]

حبوبة تقدرين من اللحام تاخذين نوعية ثانية
مهجن - استرالي
او حتى قولي ابي عربي بس حجمه صغير جم كيلو​

 

[jolie_q8]

اتوقع نوع اللحم,,

احنا ناخذ خروف صغير عربي ,, ويهبل ترف ولحمه ابيض ماشاءالله

وما يطول بالطبخ اصلا

 

[حمامة الحرم]

زنجبيـــــــــــــــــــــــــــــل ممتاز

 

[سيدة بيتي]

حطي ورق غار