خبيرات الطبخ عقدني الكمون

[STAR FAR]

بنات انا عليمية بالمطبخ ومدحوا لي ناس وايد الكمون بالطبخ قالوا يعطي نكهة وخاصة مع الدياي بس استخدمته طلع مرورة بالأكل أفيدوني شنو فائدته وشلون الكمية

 

[جارة القمر]

هلا حبيبتي


أنا الكمون ما أكثره بالاكل للأنه صج يعطي مروره




انا احط طرف القفشة الصغيره


والحين قمت احطه بالملاحه الصغيره وارش رشة بسيطه

 

[ام الدرر]

انا ما احب الكمون واايد
استعمله مع البقوليات مثل شوربه العدس
الفول نص قفشه صغيرة وبس
للدياي حق المجبوس مثلا فركي بطن الدياية ببهارات مخلوطة جاهزة مثل مجدي او قيشاوي
وطبخيها بتظل البهارات داخل وتقلل الزفرة​

 

[STAR FAR]

مشكورين وجزاكم الله خير الظاهر انا فعلا اكثر الكمية

 

[ركووزه]

تقدرين تستغنين عنه يعني مو ضروري للطبخ

 

[أحلى همبه كويتية]

انا احبه واحطه بالأكل
بس مو ايد ربع قفشة صغيرة


لكن مع الفول والعدس مثل ما قالت ام الدرر
نص قفشة متوسطة عشان الغازات



واراه مفيد يقولون يمحي الكرشة
ويخفف الغازات



مرت اخوي اتسوي صينية دياي بالكمون
اتهبل نااااااااااطعة

 

[أم عزيـز]

بصراحه الكمون عجيب يستخدم في التتبيلات والحمسات يعطي نكه حلوه
يعني حمسه تونه او حمسة فوف وعندج حمسه بطاط هالسوالف كلها مع الكمون تطله الذ حتى الفول

وحق تتبيل اللحم والدياي هم يطلع نكه وريحة خنينة
وانا حق الكشري ما استغني عنه احط قفشه صغيره مع العدس الاسمر وافوحه بماي حار وبعدين الماي نفسه اصبه فوق العيش المصري
امبيه ريحته وطعمه تينن حق الكوشري

 

[high style]

مشكورين وجزاكم الله خير