خبيرات القطاوة بليييز ساعدوني

[G!RLY-PAci]

صباح الخيـــــــــــــــــــر يا احلى كويتيات​

انا الصراحه هذا اول موضوع لي بهالقسم
بلغني امس اخوي ان اليوم راح اييب عندنا بالبيت قطوة من نوع هملايا عمرها 5 او 6 شهور
وانا عمري ما تعاملت مع قطوة او ربيت اي نوع من القطاوة​

يعني ربيت هامستر وكنت اعطيهم من قلبي
بس القطوة ولا عمري ربيت قطوة
اهوا حتى مسويلها انشورنس برويال حياة وكل شي موجود لها,, وعلى كلامه انها تعرف تروح عزكم الله الحمام بروحها​

ياريت تفيدوني باي معلومه
بنات تكفه ترا يمكن معلومه صغيرة بعينكم بس تصير كبيرة ومفيده بالنسبه لي
لاتبخلون علي فيها​

انا ساكنه بشقه مع اخوي وعندي بنت عمرها 5 سنين ومن امس وانا اوصيها لا تاذي القطوة​

ابي اعرف شلون اخليها تتعود علي وماتخاف وشلون اتعامل معاها ؟؟؟
ماني عارفه حتى شنو اسألكم لان مادري شسوي معاها بس بقعد اطالعها لوول ​

بليز بنات اللي تعرف اي شي تدش وتكتبه او ترفعلي الموضوع :yaaaaaarb:
ومشكورين وماقصرتو ادري فيكم ماراح تبخلون علي بشي فديتكم​

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):​

 

[زوزو الحلوه]

لاتحاتين انا اول مره اربي قطوه..بس من يبتها الشقه عندي اول شي تخاف لانه مكان يديد وما اخلي اليهال ياذونها لانه عندي ولدي كبر بنتج الله يخليها كان يحوس وراها ..كان عمرها شهرين ..تعودت علينا اللحين وتنام مع اليهال بالغرفه وماتحب اخليها بغرف بروحها تبي وين احنا قاعدين تقعد وتلعب واللحين عمره 5 شهور تعود علينا الصبح بروحه بالشقه اليهال بالمدرسه وانا دوام من نرد ..يصير نشاط اليهال وياالقطوه..وبس.. اذا تبين تسالين اي شي ثاني حياج الله

 

[G!RLY-PAci]

زوزو الحلوة

مشكورة حبيبتي,,, انشالله بنتي تتعود عليها وما تاذيها
والله خايفه استاثم فيها


ابي اعرف شلون اتعامل معاها ,, يعني عادي اخليها لما نتعود عليها بروحنا ولا في اسلوب تتبعينه معاها ؟؟؟

 

[G!RLY-PAci]

اب اب اب اب اب

 

[a7la-86wa]

هاتيها الشقه وتفرجي عليها ..وانتي راح تستكشفينها حطيلها اكل وماي وللتربوكس<حمامها ولعبه او خيط واستمتعي معاها

 

[a7la-86wa]

ترا يخافون من الاصوات العاليه والمفاجأه

 

[G!RLY-PAci]

لا انا ماعندي ازعاج بالشقه
بس انا مستانسه عليها بس متخوفه من الشي لان يديد علي

 

[زوزو الحلوه]

حبيبتي
خليها عادي تحوس حوالينكم..والاكل عطيها كوجبات لاتترسين صحنها وتخلينها .. خلي اغراضها نظيفه علشان تتعود على النظافه..وما في اسلوب ولا شي اهي تعودت وقت اللي اشيل جيس الاكل بحطلها تشوفينها تنط يم الصحن تنطراكلها ..ووقت نومكم اهي تنام وجذي لي من تتعود عليكم وتتعودون عليها...اول ما تييبونها شقتكم تماااااوووو ماااااااووو شوي بعدين تعرفكم يصير عادي

 

[زوزو الحلوه]

انا صار فيني نفس احساسج ..مستانسه ونفس الوقت خايفه لانه اول مره اييب قطوه..بس عمي يابها لي قالي راح تتعودين وصج تعودت جنها واحد من اليهال

 

[G!RLY-PAci]

انزين عادي اخليها تنسدح عل فرشنا واغراضنا ؟؟؟
ماكو شي عالياهل او عليها
يعني شعرها وهالسوالف
لان فيني اكزيما وربو
عادي ما ياثر ؟؟



وااي ياربي شكثر اوسوس....

 

[زوزو الحلوه]

والله انا اول ما يت عندي كنت اوسوس..بعدين رحت طعمتها واجيك عليها وانظفها ..اللحين عادي تحوس كل مكان على القنفات السرير ..ماكو شي الحمدالله والشعر مايطيح وايد قليل حييييييل..بس مادري اذا فيج ربو شلون ؟انتي شوفي يوم يومين اذا عادي توكلي على الله وخليها تعبتي رديها مكان اللي يت منه

 

[G!RLY-PAci]

مشكورة زوزو حياتي ما قصرتي
انشالله اليوم بتشرف عندنا البيت
وبشوف شصير معاي واقولكم
انشالله تتوالم معانا ياربي
لان صج بخااااااااااااااااطري

 

[زوزو الحلوه]

مادام بخاطرج عيل راح تحبينها وراح ترتاحين ..ان شاءالله تتوالم بس انتوا لاتستعيلون عليها باللعب معاكم اول شي تتعرف عليكم بعدين تطيح الميانه

 

[7alom]

عليج بالعافية عاد وناسة القطاوة وان تبين تتعلمين اي شي عنها مالج الا موضوع كاتبته الاخت يا حلاتني
http://www.q8yat.com/t921391.html


وايد فادني قبل ما اييبلي قطوة قريته ووايد وااااااااااايد فادني بلا مبالغة يعطيها الف عافية ماقصرت

 

[G!RLY-PAci]

اي قريته
وحطيته بالفيفرت بعد