خبيرات الكوييت الفززززعه

[mzmz22]

مرحبا بنات انا عضوة يديده من الامارات اتمنى " القى ضالتي عندكم"

بنات انا مسافرة الكويت بعد كم يووم وابي مساعدتكم ؟ وين تنصحوني اروح ؟ شو اقدر اشتري؟؟ شو الاشياء اللي مميزه عندكم؟؟ ابي الجوده مع السعر !!
مشكوورات مقدما وبليز لا تردني:tomato2:

 

[amoon]

فديتج عندج الافينيوز مول وسوق الشرق وسوق المباركيه والكوت في الفحيحل
والمارينا مول مايتفوت وخاصه فترة المسائيه وناااااااااسه
وعندج ابراج الكويت في مطعم
المركز العلمي(الاكواريوم)
اكوابارك حديقه مائيه عدال الابراج
منتزة الشعب
بس الجو عندهم برررررررررررد انا اتثلجت معني سرت في 15/12

 

[amoon]

ومن المطاعم حق الغدا لايفوتج فريج صويلح لذييييييييذ
وميس الغانم وبرج الحمام

وشوكليت بار كوفي شوب شي في المارينا مول والافينيوز,,,, روووعه

 

[mzmz22]

مشكووره اختي اموون وبعد اباااا معلومات بليز ساعدني مابا ما استفيد من سفرتي

 

[amoon]

مشكووره اختي اموون وبعد اباااا معلومات بليز ساعدني مابا ما استفيد من سفرتي

افا عليج الغاليه بس قولي شو بالضبط تبين تعرفين؟

وانشاالله كم من يوم بتمين في الكويت؟

 

[mzmz22]

بصراحه ابا التسووووق يعني وين اتسووق والقى الجوده مع السعر

 

[mzmz22]

وبعد شو مميز في الكويت اقدر القاه من خلطات ومثل هالاشياء انا سامعه ان في وايد خلطات عند العطارين في الكويت هل هالكلام صدق ؟! بليز ساعدوني

 

[amoon]

ماعرف والله عن الخلطات

اما حق الشرا سيري المولات

 

[حمامة الرؤية]

:68_asmilies-com:هلا ومرحبا حياج الله عضوة يديدة معانا وحياج الله ببلدج الثاني الكويت اول شي ييبي معاج ملابس ثقيلة لانه برد وبعدين هذي المجمعات والاسواق على حسب المناطق ابدأ بالعاصمه
مجمع الصالحية ومجمع الراية كله ماركات -وعندج سوق شرق ومجمع العوضي- ومجمع الاوقاف كله دراريع -وسوق المباركية سوق شعبي تبين عطور اطياب مكياج ملابس كل شي باسعار رخيصة واذا تحبين الحلويات الكويتية القديمه مثل الدرابيل والرهش هم تلقينه بهالسوق
منطقة حولي مجمع المهلب - مجمع النقرة - مجمع العثمان -مجمع بيروت -مجمع البحر - البلازا
منطقة السالمية مرينا مول - الفنار -مريم - ليلى - البستان - زهرة - الثريا وهذولي كلهم يم بعض وسوق السالمية
منطقة الري الافنيوز اكبر مجمع
منطقة الفحيحيل مجمع الكوت - واجيال - والعنود - وسليمان الدبوس - بالاضافة للاسواق الشعبية وقريب منهم مجمع كويت ماجك في ابوحليفة
منطقة الفروانية مجمع مغاتير - والحمرا - والعربيد
ومناطق الترفية عندج المدينة الترفيهية وحديقة الشعب ولا تنسين تروحين الابراج
واي سؤال حاضرين لاهل الامارات