خبيرات امريكا محتاجه مساعدتكم

[QATAR2]

مراحب صبايا

محتاجه خبرتكم ياخبيرات امريكا .....انا انشاءالله بسافر نيويورك لاول مره ومحتاجه مساعدتكم وين احسن الاماكن لسكن والمطاعم بالعربي وين اروح ومن وين اجي :eh_s(2):

 

[الأماكن]

...

أنصحج بفتدق الماريوت لأنه بقلب التايمز سكوير تتمشين بالشارع وتتسوقين ومطاعم ووناسة

وبكل فندق اخذي منهم خريطة نيويورك

و هناك الكل يعرض عليج عروض و مسرحيات

لا تطوفين الباص المكشوف يفتر فيج بنيويورك كلها

أو اخذي اللي احلى منه باص The Ride باص مكشوف بس زجاج و من داخل ليتات و عروض ووناسة حلو و اغاني ومكانه

بفندق الماريوت انصحج فيه بقوه لإني استناست فيه اكثر من الباص العادي المكشوف دشي موقعهم و شوفيه

روحي تمثال الحرية بس روحي مبجر لإن 4:30 العصر يسكر شباك الحجز للعبارة اللي توديكم الجزيرة اللي فيها التمثال

روحي المباير ستيت .. و هو اطول مبنى في نيويورك كلها تروحون للطابق 86 ومفتوح هالمبنى للساعة 2 الفجر

انصحج بمطعم هارد رووك و اوليف جاردن

تسوقي في مايسيز ... و جباله بتشوفين فيكتوريا سيكريت وااااو عذاب

للمكياج عندج سيفورا .... يجنن

وع العموم نيويورك ما تضيع كلها حلوة وونيسة و المحلات يم بعض ... ولو بعيدة اخذي لج تاكسي

وهذا اللي حاضر في بالي الحين
والبنات ما يقصرووون بعد

رحلة سعيدة

 

[لولوة الكويتية]

للرفع

 

[QATAR2]

مشكوره اختي الاماكن

 

[QATAR2]

بس بغيت اسال وين الاماكن اللي يفضل الواحد مايروحها او تكون خطره

 

[QATAR2]

وينكم خبيرات امريكا الله يسعدكم.....ساعدوني

 

[QATAR2]

وينكم خبيرات امريكا ..تراني شاده الظهر فيكم وطالبه فزعتكم

 

[فرحه عمر]

حبيبتي احسن موقع هو الماريوت ماركيز بالتايم سكوير وديري بالج وايد ماريوت لكن هذا اسمه ماريوت ماركيز وانا اكلمج الحين ساكنه فيه
بخصوص الاماكن كلهم حواليج والاكل العربي وايد مصريين بكشك يبيع الهوت دوق والكباب ومبينين اشكالهم وفي بعد اتراك وفي هنود بكشك يبيعون برياني تيك اوي بعضهم كاتبين حلال بالعربي بعد محل هندي اسمه اوستاف قريب من الفندق بس بشارع داخلي
وبخصوص الاكل يجوز تاكلين اكلهم وفي فتاوي وايد لكن لازم تنتبهين مايكون فيها بورك او هام لانهم لحم خنزير والمطاعم الهنديه عادي اكلي ربيان ولا سمج هذا حلال مايبيله
الاسواق كلها مطشره بالشوارع عندج سيفورا قريب منه اليوم طلعت منه بحدود 560 دولار كله مكياج ماشريت عطور كلهم متوفرين عندنا
واحلى تشيز كيك عذااااااااب مطعم اذا طلعتي صوب ستاربكس اللي بالفندق مطعم اسمه جونيورز مخطط برتقالي بابيض مقسوم قسمين مطعم وبيكري مخبز للتيك اوي عذااااااااااااااااااااب
الاسواق هذي تحتاج لتكسي مثل ميسي حلو وكويس واسعاره متفاوته ,, بلومنقديل ماركات عالميه غالي (( للامانه ماحب اشتري من هالماركات بره الا اذا هالماركه مالها وكيل عندنا او التشكيله حصريا عندهم ))
في مجمع صغييييييير قريب البلومنقديل اسمه دافيز غريب مادري شلون صاير كانه ستوكات ماركات معينه انتي وحظج والبضاعه فوقه فوقه اخذت لبناتي جاكيتات للمدارس وبلايس عاديه حق زواره وعصاري
وفي تي جي ماكس وتارقت وول مارت هذولا للحين مارحت لهم

ودعواتج يالحلوه
اي في فندق قريب منا اسمه رينيسانس شوفي وقارني الاسعار

 

[بحر_83]

قوه حبيبتي
بالنسبه حق NEW YORK
انا سكنت ب Crowne Plaza Times Square
كان مودرن ومرتب
جدامه M&M's
وهو على شارع NY Broadway
تقدرين تروحين الاماكن التاليه:
central parkحديقه حلوه
sarabiths مطعم ريوق خيالي
5thavinuo تسوق
niagra fallsرحلة شالاات نياقرا
red lopesterمطعم ربيان seafoodعجيبعلى نفس الشارع

 

[QATAR2]

فرحه عمر

الله لايحرمني منج والله يوفقج ويحفظكم وعسى ربي يسعدج يالغاليه

 

[QATAR2]

بحر_83

مشكوره وماقصرتي حبوبه

 

[QATAR2]

والله يسعدكم ويسر امركم .....مشكورين وماقصرتوا

 

[بحر_83]

حياج الله باي وقت

 

[ذرابه]

مرحبااال

انا سكنت بالشيراتون غرفه حلووه ووسيعه ويديده اقل من ٤ دقايق مشي للام اند ام ستور

بس نيويورك قعدت فيها ٥ ايام من اسوأ سفراتي كانت حييييييييييييل حييييييل حاااااره

حتى ماقدرنا نروح لتمثال الحريه وتوور الباص حاجزينه ل ٣ ايام ماقدرنا نروح الا يوم وتعبنا من الشمس فعلاا ذا رااايد الباص المغلق عجيب نشوفه يمر عليناا

وسيفورااا صج عندهم ماركااات مكياج وااايد مو موجوده عندنا واتينن

وفيه كولمبس سيركس عند السنترال بارك اهناك حناطير ومجمع صغير مسكر ومكيف حلييو وتحت بالدور الارضي فيه جمعيه اسمها فود ماركت فيها شغلات حلوه لقيت جواتي تومس فيها طبعااا من الحر قمنا نرد بالقواري 



يمدحون وودبيري اوتليت بعيد فيه باصات تودي الشخص بحدود ال٤٠$


وبالنسبه للمطاعم
انا حبيت baba gump اكله بحري بس حيل حلووو
وايلف غاردن جدام الام اند امز
وعندج رد لوبستر

وفيه كافيه مجابل الماريوت ريوقه حلووو
وكافيه برتز نفس لندن بس بالويك اند مسكر

 

[eman84]

السلام عليكم

انا سكنت في ميلينيوم برودواي يم محل تويز ار اس بالضبط وخطوات بو 5 دقايق انتي بقلب التايم فعلا فندق حلو وراقي

ويمه بالضبط من الباب الخلفي ستاربكس

المطاعم كلهاا اتينن بالتايم سكوير روحي مطعم الهاردروك وروحي بلانت هوليوود و bubby gump حده عجيييب و olive garden ايطالي هم عجيب

و الاوت لت لاتطوفينه الوودبيري تمشين و تلقين الكل يبيع التذاكر مالوت الرحله بس انصحج تشترينهم من المحطه نفسها ارخص من اللي يبيعون بالشارع اسم شركة النقل بالمحطة coach

و نيويورك كلها حلوه لاتطوفين منها شي اخذي رحله بالباص السياحي المكشوف لمدة يومين و كل مكان يعجبكم نزلوا فيه عندج السي بورت حلو بعد فيه مطاعم و جم محل داخل المجمع

وهذا اللي يحضرني الحين و شكرا

 

[زيـن الوصـايا]

افييييه امريكا ايااااااااااام اخييه بس
فديتش انا بؤؤسطن نيؤيؤرك معرف فيها شي

ان شاءالله البنات يفيدونش​

 

[QATAR2]

مشكورين وماقصرتوا اختي ذرابه واختي eman84

عساني ماخلا منكم والله يوفقكم ولايحوجكم لاحد ياربي