خبيرات امريكا ياليت تدخلون ساعدوني

[حلمي تحقق]

السلام عليكم. حبيبتاتي خبيرات امريكا ياليت تفيدوني ابي اروح امريكا بصيف انشالله بس ماني عارفه شي عنها. ابي ارخص. طيران شنو وبجم وأحسن الفنادق وأرخصها والسوق والمناطق الحلوه تكفون اعتبروني أختكم وفيدوني الله يخليييييييكم. ويعطيكم الف عافيا*

 

[أزهار البنفسج]

حبيبتي حددي بالضبط اي ولاية بتروحين واي شهر واحنا بالخدمة .. اذا بتروحين لوس انجلوس اقدر اساعدج بكل شي تبينه

 

[حلمي تحقق]

بصراحه مادري اي ولايه اروح اوكي قوليلي عن لوس انجلوس وجم تكلفتهاااا فدييييتج

 

[أزهار البنفسج]

شوفي الرسائل الخاصة

 

[manhattan girl]

روحي نيويورك و تحديداً منهاتن وايد حلوة على شهر اربعه فيها سنترال بارك و منهاتن فيها كل الشوبينغ مول حتى الماركات و عندج تايم سكوير هذا مكان فيه تسوق و مطاعم و معروف بالاعلانات و عندج منطقه اسمها كويينز هذي فيها عرب من الجنسيه المصريه و المغربيه و الجزائريه حلوة بسيييييطه و الحياه فيها بسييييطه بس منهاتن وايد غاليه يبيلج فلوس فلوس لانها غاليه الصراحه و فيها بعد ابل ستور المشهور بتلفونات ايفون في فايف آفينو و سلامتج حبيبتي اي انا عن نفسي كنت اسافر عالخطوط القطريه و مرات الخطوط الاماراتيه اشوف العروض و اللي ارخص اطير عليها و موفقه حبيبتي

 

[awashamen7asha]

الطيران لازم تحوسين و تقارنين بالاسعار . الاتحاد يونايتد القطرية . نيويورك سكني بكوينز يم السبواي و يوديج منهاتن و اول ماتوصلين حجزي تذاكر للمسرحيات الي في برود واي( لايون كينج - ويكيد - فنتوم اوف ذا اوبرا - ماماميا - ميري بوبينز - ) و هم تحجزين حق عروض لاس فيغاس (نفس المسرحيات ممكن تحضرينها بنيويرك او لاس فيغاس - سيرك سيركس دي سوليه "او شو " " كا" ) بس ترا هالاماكن ماتسمح بدخول الاطفال من سن معين.
منهاتن : تحجزين تذكرة لي تمثال الحرية- ناطحة سحاب. اكو باص للسياح تركبين الدور الثاني و يفر فيج و تنزلين أي مكان. تايم سكوير تمشين و تصورين . فيفث افنيو هذا شارع الماركات ماشجعج تتسوقين منه و انصحج اي وقت تكونين فاضية تتسوقين من النت وو يوصله لفندقكم الي بكون باخر رحلتج . طبعا نيويورك لبسها بارد موووت ! و اذا عندج وقت تروحين شلالات نياجرا بس ما تدخلين كندا لأن فيزتها بروح ( 5 ساعات بالسيارة ) و تنامين ليله هناك لأنها شي اعجاااااز
عندج ديزني و يونيفيرسال و سي وورلد اما فلوريدا او كاليفورنيا لأنهم متشابهين
و اكة اوتليت بكل ولاية اعتقد اسمه بريميوم اوتلت كله ماركات بربريز جوسي ارماني برادا.......
لاس فيغاس حيل تونس و اهي اصلا بس شارع واحد و بس تتمشين بفنادقها و اكو نافورة بيلاجيو الموسيقية
كالفورنيا جو حار الصبح و برد باليل فيها هوليوود ستريت فيه مدام تسود و لوس انجليس و بفرلي هيلز و روديو درايف.
فلوريدا حر و عائلية أكثر و ممكن تروحين كروز للبهاماز و البحر الكاريبي.
اذا بغيتي اي شي انا حاضرة