خبيرات انترلاكن

[red flower]

صباح الخير
اللي عندها خبره في انترلاكن ممكن تفيدنا بالاماكن السياحيه --------------------
لا حظت الاماكن السياحيه وايد فيها
حبيت اعرف شنو الاماكن اللي ممكن نروحلها في يوم واحد عشان الواحد يستفيد من الوقت ولايضيع اليوم على مكان واحد :eh_s(10):

 

[sweet lady]

انا رحت لها من سنتين بس والله ناسيه
اللي اتذكره ان فيها محطتين قكار غربيه وشرقيه
وفيها حديقه كبيره وقبالها شارع كله مطاعم وكافيهات القعده ترد الروح
كنا نشوف البراشوت لمن يطير من فوق الجبل حوالج كله جبااال وخضااار الطبيعه خيال
رحنا حجزنا بالياخره افترت فينا بالبحيره انترلاكن كلها وكانت كل شوي توقف محطه تقولج اسم المناطق اللي قريبه واللي يبي ينزل وكان فيها مطعم تغدينا فيه ومرينا من شلال كان عجيييب قعطنا فووق بالسطح شفنا المناظر الرحله كان لها اوقات باليوم اكثر من رحله
ثاني يوم رحنا القمه الثلجيه حجزناها من مكتب الرحلات عند فندق متربول في مكتب لحجز الرحلات وتقدرين تحجزين اللي تبينه واكثر من رحله
وتغدينا بمطعم هندي وكان بوفيه مفتوح
رحنا الغابات السودا المانيا بالقطار صج الرحله متعبه بس وناسه كنا نروحوالصبح ونرجع المغرب كان عندهم نهااار الشمس ماتغيب الا متاخر مو نفسنا
وااايد رحلات والله صرت انسى في مطعم هندي اكلنا فيه كااان حلووو وايد
سوي سيرج بمنتدى العرب المسافرون شوفيه وايد يفيدج
حيييل فادني كل شي اخذته منهم

 

[sweet lady]

ان شاءالله اكون فدتج
بس حدي ناااسيه صايره انسى

 

[ام خوووخه]

انتي بس عندج يوم واحد ماراح توفين حقها بس عندج قمة الثلج تروحين حقها الصبح لي بعد الغدا وبعدها البحيره والسنتر ومنطقة الباراشوتات

 

[red flower]

صباح الخير مشكوره سويت ليدي ماقصرتاي
ام خوخه مشكوره على الرد انا بكون 7 ايام في انترلاكن قصدي ان ا\ا اماكن تكون قريبه من بعض ازورها نفس اليوم

 

[ام خوووخه]

اسفه حسبتج بس يوم بتقعدين فيها عندج منطقة لوزيرن بسويسرا روووعه هالمنطقه لازم تروحيلها وعندج اليوروبارك بالمانيا انا رحتلها الصبح من انترلاكن ساعتين او ساعتين ونص بالسياره

 

[red flower]

مشكوووره ام خووخه على ردج
جان زين اتفيدووونا بجدول سياحي بانترلاكن

 

[دانه الخليج]

يسلمووووووووووووو

 

[قلبي تركواز]

رد فلاور
انا مارحت انترلاكن بس راح اروح لها هالصيف ان شاء الله
ودورت بالنت اماكن وحاطتها في بالي عشان اروح لها

عندك انترلاكن بين بحيرتين
بحيره تون وبحيره بيرنز
وفي شلال حلو ومميز اسمه جيس باخ
تروحين في رحله بالباخره من بحيره بيرنز تاخذين جوله فيها ويوقفج عند كل منطقه وتنزلين لمنطقه الشلال جيس باخ وتصعدين للشلال
وبعد ماتخلصين في فندق هو وحيد مافي غيره يطل عالشلال وعنده مطعم وقعدات حلوه تتغدين فيه واذا خلصتي ترجعين وتركبين الباخره اللي تكون راحت وردت

في اكثر من شلال بس اللي شفت صوره احلى واحد هو جيس باخ

وفي بعد بحيرتين اوشن سي وبلو سي
برا شوي انترلاكن لكن قريبين بالسياره او القطار
البلوسي احلى مميزه انها صافيه و شفافه حيل تقدرين تشوفين قاع البحيره والسمج بوضوح وفيها قوارب تركبينهم
في عند البحيره شوايات تقدرين
تاخذين حطب وتكونين جايبه معاج الدجاج او اللحم وتشوفين فيها او تسوين شاي


بعد عندج قمه اليونفراخ هي الثلح وفيها اعلى قمه جبل بأوربا
بس هذا اللي عندي واتمنى اكون نفعتج *

 

[جنوني نور عيوني]

قعدت العام بانترلاكن 6 ايام وبلوزيرن 4 ويوروبارك 2---> فيها 3 قمم ثلجيه يونيفراوخ اعلى قمه يبيلها يوم كاااامل من الصبح لانه مشوارها متعب وممراتها طويله بس ممتعه والالعاب فيها تونس بس اهم شي يكون صني دي يبين عندج من الفندق الجو هناك والقمه الثانيه اللي فيها المطعم اللي يدور نسيت اسمها هم حلوه خليها مع الشلالات وعندج البلوسي روعه مع الزحلاقيه الصيفيه المسافات مو قريبه بس كلهم بانترلاكن مو برا وباجي الايام لوزيرن يوم ويوروبارك يوم--->انشالله اكون فدتج بشي

 

[محروس قلبي]

دام انتي صعدتج في انترلاكن يوم واحد روحي حق شلالات جس باخ لا تطوووووفج اهي احلا شي تقصين تذكره الباخره من مكتب قريب حيل من محطه القطار الشرقيه وتاكدي انج حجزتي التذكره اللي علي السطح عشان تشوفين كل المناظر وتنزلين عند الشلالات وبجذي راح تكونين شفتي اكثر قدر ممكن من انترلاكن لان الباخره راح تمشي فيج مده ساااعه كامله والشلال اكثر من روووعه واذا عندج وقت روحي حق البلو سي

 

[red flower]

صباح الخير ماقصرتاو حبيباتي عالافاده
اخت جنوني بالنسبه لقمه يونيفراو يقولون ثلج ما تقدرين تلعبين لان متحجر مونفس قمه تتلس

 

[Patcholli]

انا العام رحتلها علبو انه يوم ونرد زيورخ

الصراحه المنطقه ترد الروح .. بس للاسف رحنا متاخر وكانت كل الرحلات مسكره

بس والله كافي منظر البحريه والبيوت الي تطل عليها وكافي الجو الي يرد الروح كلينا بيتزا وتمشينا فيها وبعدين ردينا زيوريخ

اهي فيها كافيهات وشوية محلات اذكر كان برد وانا لابسه صيفي دشيت محل تمبرلاند خذيت جاكيت وجوتي رياضه عزج الله كان مطر وانا لابسه فلات خام كله نقع لوووووووووول

ويوم سالناهم عن الرحلات قالو ان فيها رحلة القارب بالبحيره وعندهم كهف وعندهم قمة الجبل تصعدينلها وعندهم قلعه اتوقع
وبراشوتات ..

وايد حلوه نصيحه قعدي فيها يومين ثلاث مو يوم وتردين مثلنا حدنا تحسفنا هالسنه ان شاء الله بروح اقعد فيها

 

[عزاااه]

حبيبتيانا الحين انترلاكن بروح زلمسي انترلاكن فيها قمه تتلس وهايدي تروحين لوزرين شلالات تروميب باخ

 

[red flower]

درب السلامه عزاااه
لماتردين ان شالله قوليلنا ااماكن اللي قريبه من بعض ونقدر نروحلها بنفس اليوم

 

[جنوني نور عيوني]

هلا حبيبتي قمة تتلس بلوزيرن انا مارحت لها لانه يونيفراوخ احلى واعلى اكتفيت فيها بس موصحيح متحجره انا رحت بشهر مايو اللي فات استانست فيها ولما رحت لسويسرا شهر نوفمبر العام كانوا معانا ناس راحوا لها وهم قضوا يوم ممتع فمابالج بالصيف اكيد اونس واحلى!!! وانصحج بيت هايدي لاتمرين صوبه كلش مايسوى وانترلاكن حرام تمرينها مرور اقل شي 5 ايام وبالتوفيق

 

[دانه الخليج]

صباحكم ورد بنات صدق يعطييييكم العافيه ماقصرتوا علي هالمعلمومات .

 

[tota-tears]

رفع للفائدة

 

[Samurai]

هذا الموضوع راح يفيدج بإذن الله ..

خريطة انترلاكن التفاعلية من صنعي بجميع الاحداثيات "رابط الخريطة"