خبيرات بريطانيا دلووووني وين احلا مدينه ؟؟؟

[الاستاذة نونو]

البريطانيات تعالوا ابيكم شوي

وين تنصحوني ادرس لغة انجليزية في بريطانيا محتارة بالمدينة


اشرايكم في مانشستر ؟؟ وشلون بيكون الجو فيها من شهر 2-4 ؟؟؟ هل بيكون ثلوج ؟ لاني ماحب الثلج وهل فيها مطاعم حلال وايد ؟؟؟


من جربت معاهد لغة ابي معهد يكون قريب منه سكن او شقق واسواق

وابي مدينة حلوة ما ازهق فيها واتملل

 

[قلم شاعرة]

مرحباً أختي والله نفس السؤال بس أنا مو الحين أخلصت دراستي بس بعرف أحسن مدينه ويكثر فيها العرب

 

[بنت ابدوي]

انصح بكفانتري اخوي يدرس اهناك يقول حلوه واهلها راقين بتعامل مع العرب وفيها عرب بس مواكثر من لندن

 

[!amorra!]

مانشستر وايد حلوه ووايد فيها مسلمين

بس انصحج بلندن احلا واونس دام انج تبين تدرسين لغه

 

[الاستاذة نونو]

اهم شي الثلوج بنات انا خايفة من الثلوج

طمنوني هل ينزل ثلج وايد وكم شهر يستمر

 

[يــــارا♥]

جوفي انا افتريت بانجلترا وعشت فيها ٣ سنين ومافي اشرح واحلى من لندن
بس عيبها انها غالية شوي
وبالنسبة للثلوج نااااااادرا تنزل

بس كل ما تتجهين شمال الجو يبرد ونسبة نزول الثلج تزيد

بقولج عن ايجابيات وسلبيات بعض المدن

مانشيستر
ايجابيات
سوق حلو
عرب وايد يدرسون
مطاعم حلوة (مطاعم الحلال منتشرة)
نظيفة
وناسة
لندن الثانية (بس لندن احلى)

سلبيات
برررررررررد (بالشمال)
ساعتين من لندن
فيها اجرام ومناطق خطرة
غالية شوي بس ارخص من لندن


ليدز
ايجابيات
معظم المحلات موجودة
مطاعم حلوة (مطاعم الحلال منتشرة)
عرب وايد
فيها activities وايد مثل bowling/ice skating هالسوالف اذا تحبين


سلبيات
برررررررررد (بالشمال)
بعيدة عن لندن
حسيتها وصخة (البنايات كريهه)
جالية اسياوية محتلة المكان
مترووووووسة night clubs وباليل الشوارع كلها سكارة


نيوكاسل
ايجابيات
امان
سوق معقول
طبيعة


سلبيات
بتملييييين
برد


ريدنج
ايجابيات
المول حلو
تقريبا كل المحلات موجوودة
مطاعم حلوه عالنهر
هادية
امان
نص ساعة من لندن يعني اذا مليتي تروحين وتردين بنفس اليوم
نفس جو لندن

سلبيات
جالية اسياوية كبيرة
صغييييرة
سكن شوي غالي


رايحة ليفربول، برايتون، واريك، كنت، لفبرو وجلاسكو بس مانصحج تروحينهم

الزززززبدة.....
مافي احلى من لندن :bbbiu:
اذا ما تحبين البرد ابتعدي عن المناطق الشمالية تماما لانه في الشتا يمكن ماتشوفين الشمس = كئاااااابة :eh_s(2):
كل ما رحتي شمال كل ما تغيرت اللغة واذا بتدرسين انجليزي بتلقين نفسج ضايعة لانه لهجتهم صعبه :eh_s(1):
لا تروحيين اماكن في الضواحي وبس فيها طبيعة لانج بتمليييييييييييييين :eh_s(4):




اذا عندج اي اسئلة ثانية اناا حاضرة
وبالتوفيق :eh_s(7):
​

 

[قلم شاعرة]

مشكوووووووووين خواتي ومشكورة صاحبه الموضوع الجميل
يارا وبنت ابدوي وأمورا والأستاذة نونو بيض الله وجوهكم



أخت يارا أنا بخلص الجامعه أن شاء الله لسه للقياس فيها
بس ارم أرتب نفسي
أكون عارفه أسعارهم مناطقهم محلات ومطاعم
أماكن تواجد العرب ومن ها السوالف
بس ما أبي أكون لوحدي
تكفون والله أموت من الخوف
لسافرت لازم أكون اعرف عربيات من الأول عشان علي طول أتواصل معهم
ما ابي أضل لحالي
عاد توكلت علي الله ثم عليكم
مشكورات

 

[يــــارا♥]

انا ليحين ادرس ببريطانيا واول ما جيت ما كنت اعرف ولاااا احد بمنطقتي (ربعي اللي اعرفهم كل وحدة في صوب وكنت ازورهم بمدنهم عشان جذي عندي فكرة عنها)
بس تمر الايام وتتأقلمين وانا عن نفسي تعرفت على جم وحدة في الجامعة
فعاااادي يعني
اذا احتجتي اي شي انا حاضرة
​

 

[الاستاذة نونو]

يارا حبيبتي تسلمين وايييييييييد على المعلومات

لما قلتي اجرام في مانشستر خفت وايد

انزين وين اروح عيل

اشرايج في اكسفورد؟؟؟؟

لندن فيها شقق غرفتين بـ 600-700 باوند ؟؟؟ وتكون نظيفة؟؟؟

انزين اشرايج في كارديف؟؟؟؟

 

[قلم شاعرة]

مشكورا يارا وواستاذه نونو
بس لتنسوني لسافرت أبيكم تعرفوني علي صديقات هناك
لأني مو مره بتكوين علاقات من نفسي للأسف تستحي يردوني
لين وقت سفري أتمنى يكون باقي لكم هناك احد علي خير أو غيرهم
لي الشرف أتعرف عليهن
خلاص أن شاءالله لندن

 

[shosho26]

هلا نونو انا كنت عايشه بمانشستر مدينه حلوه فيها مطاعم وايد حلال بس كئيبه بالشتا الشمس تغيب مبكر بس مافيها اجرام يمكن الحي اللي كنت ساكنه فيه زين وانا ما اطلع بالليل هي بارده بس مو ثلوج انا مااحب البرد واذا بطلع البس الكبت كله بس المول دافي الله يوفقك