خبيرات تركيـــــــــا 000الفزعه!!!!!!!!!!!

[البرنسيسه77]

اشلونكم بنات تكفون يا خبيرات تركيا طلبتكم لا تردونى سفرتى انشالله الاسبوع الجاى انا وزوجى والعيال وزوجى مخلى جدول السفره على:0bee2e8d89: فتكفون ابى كل خبيره بتركيا تسويلى جدول على ذوقها ويكون مناسب لليهال السفره مدتها 10 ايام اسطنبول + بورصه ويمكن (يلوا او ابانت) انتوا اشرايكم اى احلى وتسوى الروحه وكم يوم اقعد فى كل منطقه وشنو اهم الاماكن اللى تنصحون بزيارتها وشنو الفنادق اللى تصلح للعائلات


والله يجزى كل وحده ترد على الف خير

 

[rainbow_brite]

تروحين وتردين بالسلامه واجازه سعيده




انا بالنسبه لاسطنبول مو وايد خبيره وما احبها بس فيها مجمعات وايد راقيه وكبيره


وفيها متاحف ومساجد عجيبه وانا شبعت منهم فلما اروح تركيا نروح بس بورصه فراح افيدج عنها



المجمعات التجاريه از مركز


زافر بلازا



كنت



كارفور



كوتور بارك يهبل يديد



في حديقه حيوانات



في حديقه لونارارك هذي ملتقى الكويتيين يسهرون للصبح




في حديقه ثانيه بس فيها بحيره تونس ما ادري شسمها


وعندج الرحلات الشلال الكبير الجبل مطاعم وشوي



جبل اولداغ بالتلفريك



في الشجره التاريخيه ومطاعم


في الشلالات الصغيره


وعندج الاولو جامع مسجد اثري ويمه السوق المسقف وايد حلو



عندج الاوزدلك اليديد وفي القديم


قوليلهم ييني اوزدلك


yeny qzdeleck

هذا حق الفوط وسوالف ارواب وتكتبين اسمج على الروب اتنقين اللون اللي تبينه



وبعد شنووو



امممممم



الوجبه المفضله عندهم اسكندر



واذا تبين اعطيج رقم الريال التركي اللي نتعامل معاه هناك وينظملنا الرحلات في بورصه او اسطنبول ويتكلم عربي عموما يم حديقه لونابارك مجموعه مكاتب كلهم يتكلمون عربي




وهذي كلمات بسيطه مني



ييني يديد



باشكا رنج لون ثاني




باشكا موديل موديل ثاني





اندريم تنزيلات




عربه تاكسي




دايره شقه






كوجيك يهال





بير واحد




ناكادار بجم هذا






واااااي ذكرتيني بهالتركيا اللي اموووووت عليها وما اشبع منها لو اروح كل سنه

 

[rainbow_brite]

اباند حلوه وبارده بحيره يعني ما يبيلها اكثر من يومين

 

[rainbow_brite]

انا بالدوام وبسرعه بسرعه كله بدليات



تذكرت شي بقولج

 

[البرنسيسه77]

جزاج الله الف خير ومشكوره وما قصرتى بس شنو ترشحيلى اسامى الفنادق الزينه وباليوم شنو الاماكن اللى اقدر اروحلها مع بعض

 

[rainbow_brite]

شوفي حبيبتي احنا عندنا شقه في شارع اسمه التي بارماك موقع هالشارغ عجيب وحيوي



واغلبيه الكويتيين ياخذون شقيق لان فيها مطابخ ويحبون احيانا يطبخون




بس اذا اتفضلين فنادق عندج في بورصه فندق الميرا هذا خمس نجوم ويمه مجمع كبير وتوه فاتح ما عليه كلام وانتي مغمضه النظافه والغرف حلوه


بس عيبه ان ماكو شي يمه تروحينه مشي ما عدى المجمع اللي فاتح وباجي الاشياء والحديقه تاخذين تاكسي



بس ترا المجمع يديد وفي مطاعم




وترا اي رحله تروحينه اذا طالعه من الصبح الشلال تقدرين وانتي راجعه تقولين للباص يوديج اي مجمع



يعني تروحين في اليوم رحله وتختمونها بالمجمعات وبالليل روحو الحديقه الناس تقعد لي الساعه 12 و1 فيها





وعندج بعد فندق كرجي هذا موقعه حيوي لم تنزلين تمشين سوق سوق سوق ما يخلص ومطاعم على امتداد الشارع لم توصلين مجمع زافر بلازا وتكملين المسقف


ميزة الفندق الموقع عجيب مقابل الحديقه اللونابارك



بس عيبه ان مو خمس نجوم قولي ثلاث نجوم انا نزلت فيه مستواه عادي جدا وقديم


ومره حماي بعد نزلت فيه



والحين رفيجه امي حاجزه فيه



يعني ميزته الموقع

وهذا الريال التركي اللي قتلج نتعامل معاه محترم ويضبط خوش رحلات ويوصل من المطار الي الفندق ويتكلم عربي



وايد محترم


00905324541359 محمود نقال شركة نجم الخليج

 

[rainbow_brite]

واذا اتحبين كفرات عمليه تلبيس راح تلقين في اوزدلك



الوان واشكال يطيرون العقل وملوت اليهال ايننون




واذا تبين سوالف راقيه نفس اللي بالمسلسلات التركيه عندج بالمسقف في مكان مخصص حق الكفرات في جاهز وفي تفصيل شغل ايد ومشكوك شك والله ان كفراتهم جنها نفنوف عروسه


اختي خذنالها حق النفاس طلع ب80 والناس عبالهم ب 400 وطالع


وفي اقل بعد من هالسعر انا ماخذه وحد ب 40 هم راقي ومشكوك





اذا تبين محلات حق اليهال عندج زيلاند zayland وعلامته فقمه ومحل كنز kanz هذول بظاعه تركيه وتعمر معاج وجوده وفي محلات وايد يهال بس ما اعرف اساميهم بس عموما اي محل مو موجود بالكويت اخذي منه البظاعه التركيه حلوه



وبعد اذا ت\كرت شي راح اقولج



بس مو معناته اني امدح في بورصه ان اصطنبول مو حلوه



وايد ناس يشوفون ان بورصه مو حلوه ويقعدون شويه فيها بس احنا متعودين عليها وجوها حلو وتعامل الناس فيها حلو يعني ا\ا انتي رايحه اسبوعين واتحبين رحلات وشلالات يبيلج اسبوع في بورصه



اما اذ كنتي تبين تسوق ومتاحف مالج الا اسطنبول

 

[rainbow_brite]

صج بعد احنا رحنا جزر الاميرات بالباخره وايد حلوه الجزر وركبنا العربات اللي تدزها الخيول واحلى شي بهالجزر ان تروحينهم بالباخره وداخل ما كو سيايير وكله كافيهات صج عجيبه بس احنا احنا ما بتنا فيهم بس جوله وبالليل ردينا



فيها فنادق ومنتجعات بس ما عندي فكره عنهم بس اذا اول مره تروحين تركيا لازم تروحين هالجزر

 

[البرنسيسه77]

جزاج الله خير وما قصرتى صراحه بيضتيها انا مدة سفرتى 10 ايام برايج اشلون اقسمها وابى المحلات اللى ذكرتيهم ملوت اليهال وين موجودين اى صوب ومحل الكفرات بعد وين موجود وجزيرة الاميرات الساعه كم اروح لها

 

[فطووومة]

اختي النمساوية على طيران بتسافرين ؟؟
وجم تذكرة تركيا ؟؟

والسلامة ان شالله

 

[فطووومة]

http://www.q8yat.net/showthread.php?t=372527

اختي هذا رابط فيه اشياء وايد حلوة

 

[rainbow_brite]

الله يسلمج



بس انتو شنو اتحبون بالضبط





طبيعه تسوق متاحف



عشان المده 10 ايام شويه

 

[براكي]

مشكوره حبي

 

[البرنسيسه77]

اختي النمساوية على طيران بتسافرين ؟؟
وجم تذكرة تركيا ؟؟

والسلامة ان شالله

احنا بنسافر انشالله على الخطوط التركيه والتذكره للكبير 170 والصغير 137 دينار
لكن بنت اختى حجزت على الجزيره ب110 دنانير

 

[زهوور الريف]

الله يسهل امووووووووووووووووووركم

 

[البرنسيسه77]

الله يسلمج



بس انتو شنو اتحبون بالضبط





طبيعه تسوق متاحف



عشان المده 10 ايام شويه

مشكوره rainbow-brite حبيبتى انا فى ناس قالولى بورصه احلى قعدى فيها 6 ايام واسطنبول 3 ايام لان اليوم العاشر مسافرين فما يحسب وناس قالولى العكس فانا احترت ما ادرى وين اطول فى بورصه ولا اسطنبول

انا ما احب المتاحف والمساجد لكن تعرفين مدام انى بروح تركيا فعن الحسوفه لازم امرهم لكن على السريع لان عيالى 15 سنه و13 سنه يحبون الالعاب وحمامات السباحه والملاهى والتمشى وانا احب السوقه لكن احب اكثر شى اشوف سوق الدوله نفسها يعنى الاشياء التركيه لان الاشياء العالميه موجوده عندنا واذا فى اشياء تصلح للعيد لبنتى 10 سنوات

فتكفين قوليلى وين اقعد اكثر لان باجر يمكن نحجز الفنادق واشرايج بفندق الميرا واناتوليا فى بورصه شنو افضل؟؟؟؟؟؟؟

واسطنبول فندق مرمره ؟؟؟؟؟واذا عندج اسماء فنادق اخرى ترشحينها لى مع العلم انى لازم احجز غرفتين فابى السعر يكون معقول ومشكوره حبيبتى تعبتج معاى

 

[البرنسيسه77]

وبسأل عن يلوا شنو فيها بالضبط واعتقد انى بروح لها يوم كامل من الصبح الى الليل فمتى اروح الساعه كم ومتى ارجع ووين اروح فيها وشنو الحمامات المعدنيه اللى فيها اشلون طريقة التاجير وبكم وهى تبعد عن بورصه بكم ساعه

 

[البرنسيسه77]

زهور الريف مشكوره يا عمرى وجزاج الله خير

 

[البرنسيسه77]

استفسار بسيط عن الفيزا بكم سعرها والكبير والصغير نفس السعر ؟؟؟؟؟

 

[البرنسيسه77]

rainbow-brite تكفين وينج ردى على