خبيرات تركيـــــــــا 000الفزعه!!!!!!!!!!!

[!!.. غير البشر ..!!]

الفيزآ ماشالوهـآ
انا اذكر يووم رحنـآ كانت بـ 6 .. بس عقب السنه اللي وراها قالو شالوهـآ ؟

وانا اذا تبين طبيعه وسوق ووناسه خليج ببووصه لان اسطنبوول بس المتاحف ومساجد مارحنا لها
وترا كلها حراميه والله دايما اللي نعرفهم يردون من اسطنبوول مبيوقين
بس اهل بوورصه يهبلووون ..
وانا انصحج بشقه احسن من الفنـآدق
وانتي راحتج .. وان شالله تستـآنســوون =)

 

[rainbow_brite]

مشكوره rainbow-brite حبيبتى انا فى ناس قالولى بورصه احلى قعدى فيها 6 ايام واسطنبول 3 ايام لان اليوم العاشر مسافرين فما يحسب وناس قالولى العكس فانا احترت ما ادرى وين اطول فى بورصه ولا اسطنبول

انا ما احب المتاحف والمساجد لكن تعرفين مدام انى بروح تركيا فعن الحسوفه لازم امرهم لكن على السريع لان عيالى 15 سنه و13 سنه يحبون الالعاب وحمامات السباحه والملاهى والتمشى وانا احب السوقه لكن احب اكثر شى اشوف سوق الدوله نفسها يعنى الاشياء التركيه لان الاشياء العالميه موجوده عندنا واذا فى اشياء تصلح للعيد لبنتى 10 سنوات

فتكفين قوليلى وين اقعد اكثر لان باجر يمكن نحجز الفنادق واشرايج بفندق الميرا واناتوليا فى بورصه شنو افضل؟؟؟؟؟؟؟

واسطنبول فندق مرمره ؟؟؟؟؟واذا عندج اسماء فنادق اخرى ترشحينها لى مع العلم انى لازم احجز غرفتين فابى السعر يكون معقول ومشكوره حبيبتى تعبتج معاى

والله نفسنا عن الحسافه ان رايحين رحنا المتاحف انا اقولج شغله خليج في اسطانبول 3 ايام والرابع خلوه حق جزر الاميرات




يعني من الكويت روحو بورصه اول وقعدي فيها ست ايام ومن بورصه روحي يلوا وترمال والحمامات الحاره ومن بورصه لي اسطنبول يعني اريحلكم حق المطار الرده اقرب من بورصه لان الجزيره تنزل في مطار صبيجه يم بورصه اما التركيه تنزل على ما اظن يم اسطانبول فحق الرده حلاته يم المطار بس تاكدي من هالمهلومه




عندج اسطانبول 3 ايام خلي يوم حق المساجد والمتاحف وايا صوفيا ويومين خليه حق السوق عندج مجمعات وعندج شارع الاستقلال والمسقف ومجمع جواهر ووايد مجمعات ما اعرفها

ويوم خليه حق جزر الاميرات هذا الرابع يبقى خمس او ست ايام بورصه


اليوم الاول خليه رحله الشلال الكبير + مجمع كينت ميداني مثلا



اليوم الثاني خليه الشلالات الصغيره + مجمع كوتور بارك



اليوم الثالث خليه رحله الي الجبل بالتلفريك وفوق مطاعم شوي


اليوم الرابع روحو غدا بالشجره التاريخيه وانتو رادين خل يوديكم التاكسي او الباص مجمع زافر بلازا + السوق المسقف لان يم بعض


الوم الخامس الماي الحار ترمال بس جنه تاخذ يوم كامل بعيد من بورصه





يبقة عندج اوزدلم المغاره الكهف هذول عاد شوفي متى تروحيلهم اذا كفى الوقت تقومون مبجر



بس جذي يصير تعب ركضه بركضه





اذا تهتمين بالفخامه والنظافه ومكان راقي عندج مرمره باسطنبول والميرا في بورصه وما اعرف اسعارهم



اذا تبين مكان رخيص وعادي بس موقع ممتاز يخدمج حق الحديقه بالليل حق عيالج مالج الا فندق كرجي في بورصه وسعره اعتقد مناسب

 

[rainbow_brite]

بس ترا والله اذا تبين تروحين اسطنبول وترمال وبورصه والاميرات عشر ايام شويييييييه



يعني لازم ما تضيعين وقتج




تركيا اقل شي يبيلها 20 يوم

 

[rainbow_brite]

ما عندي فكره عن فندق اناتوليل في بورصه بس الميرا ممتاز خمس نجوم




كرجي في بورصه صج عادي بس تمشين للحديقه 5 دقايق وهذا المطلوب



حق عيالج





واذا تبين سوق خاص بالديره عندج المسقف سواء اللي في اسطانبوال شارع الاستقلال او السوق المصري في اسطانبول



وفي بورصه عندج المسقف واسمه اولو جامع باززار





بنتج تلقيلها بدل حق العيد في كل المجمعات



وحتى الصبيان راح تلقيلهم





انا ولدي لم رحت عمره سنه جهزتله هدوم لي عمر اربع سنين لووووووول




حتى جاكيتات مدرسه وتكرمين جواتي اشتري خخخخخ

 

[rainbow_brite]

وبسأل عن يلوا شنو فيها بالضبط واعتقد انى بروح لها يوم كامل من الصبح الى الليل فمتى اروح الساعه كم ومتى ارجع ووين اروح فيها وشنو الحمامات المعدنيه اللى فيها اشلون طريقة التاجير وبكم وهى تبعد عن بورصه بكم ساعه

يلوا فيها الماي الحار احنا رحنا مكان اجرولنا حمام في بانيو وماي حاااااار تطلعين منه باقه حمرا وطريجه بعيد


ما اذكر شكثر البعد ولا ادجري بجم انا كنت اروح مع ابوي واهوا يضبط هالسوالف




بس عقب لم اروح مع ريلي ما رحنا الماي الحار حتى اهلي



انا رايحتله مره بس ومن سنين فما اقدر وايد افيدج واليهال ترا راح يملون لان طريج بعيد واخرتها بس ماي حار



وفي مكان مثل نبع يغسلون فيه عيونهم ويقولون يشفي من الروماتيزم لان ماي حار طبيعي من الارض




فعن الحسافه روحي عشان ما تخلين في خاطرج انج ما رحتي




بس نصيحه لا تباتون مكان بغرض الماي الحار هالاماكن حدج تروحين مبجر وتردين بالليل واذا مداج باللليل استغلي الوقت وروجي مجمع او الحديقه بالليل

 

[rainbow_brite]

استفسار بسيط عن الفيزا بكم سعرها والكبير والصغير نفس السعر ؟؟؟؟؟

السنه مغلينها بس اهلي اليوم سافرو وراح يسوون الفيزا بمطار اسطانبول لم يوصلون





سوري حبيبتي طولت عالرد علق معاي المنتدى





وانتي تامرين امر لاتعب ولاشي




وان شا ء الله تستانسون

 

[البرنسيسه77]

يا بعد عمرى يا rainow-brite والله ما تقصرين وانشالله نخدمج بالافراح احنا اليوم حجزنا 6 ايام بورصه و3 اسطنبول قوليلى انتى شنو شريتى لج من تركيا ولا كله لعيالج!!!!!!

 

[البرنسيسه77]

احنا انشالله بعد يومين سفرتنا اذا ذكرتى شى لا تنسينى انا بانتظارج

 

[rainbow_brite]

قوه حبيبتي سوري تاخرت عليج بس ماكان عندي نت بالليل




المهم شوفي انا بصراحه لم اروح اكثر شي اخذ حق عيالي



والعام كنت رايحه بدون ريلي مع اهلي وعيالي الثلاث يعني سفرتي كانت حق وناستهم العاب وبرد ووتمشي ما خلوني اتسوق بس خواتي والله خذو بدلات استقباللات سوالف رسميه والله اللي يشوفونهم يسالونهم عنهم حتى اختي كانت حامل خذو بدل حق استقبالها من هناك



وانا بعد بيني وبينج متروسه مو ضعيفه واهما هناك مقاساتهم اغلبها ضعاف بس مرة حماي تقول في اسطنبول في مقاساة كبيره



وغير اليهال هدومهم اخذ من المسقف هدوم وجاكيتات وبلوفرات حق اليهال



واخذ قمصان نوم حقي حلوين التركيه في جم محل وترا عيالج الصبيان اخذيلهم فنايل وصراويل داخليه جوده بس تركي ونسيت اسم الماركه واخذي تلبيس كفرات حلو من عندهم المسقف لاين كامل كله كفرات والاوزدلك هم سوالف فوط كشخه حق بيتج وينفع حق حمامات الضيوف فوطهم عليها كرستالات وحتى شوارفسكي عليهم



وبعد شقولج ترا سوقهم حلو حوسي فيه اهم شي شوفي الماركات التركيه والمحلات التركيه واخذي منها ووخري عن اللي عندنا ترى نفسه


انا قبل كنت اخم حق عيالي من محل وايكيكي اللي علامه الشاذي بس من فتحو بالكويت ما قمت اخذ منه شي لان موجود بالكويت ماله داعي الوزن الزايد



عندج حق الصبيان في محل كوليزيون colezion
مو موجود ماشفته عندنا سوالف تي شيرتات وسبورت حق عيالج



وبس بعد والله هذا سوقهم انا اي شي غريب مو عندنا اخذه


وترا عندهم جناط ماركاتهم مو عندنا بالكويت بس مو معروفه عندنا وجلدهم وموديلاتهم حلوه



واذا تذكرت شي بقولج

 

[البرنسيسه77]

مشكوره حبيبتى وانا اليوم انشالله طيارتى بالليل ادعيلى ان احنا نروح ونجى بالسلامه وحبيت انى اسلم عليج وعلى كل البنات فى المنتدى وامانه ادعولى بيباى

 

[¤§ زيتونة §¤]

النمساوية


حبيبتي انتي

تروحين وتردين بالسلامة ان شاءالله

وان شاءالله تستانسين انتي واللي وياج



ولا تنسين تروحين الحديقة والجبل

 

[rainbow_brite]

حبيبتي والله تروحين وتردين بالسلامه وان شا ء الله تستانسين



والله ايسر اموركم ويسهل دربكم




ولم ترجعين ان شا ء الله عاد تسولفيلنا

 

[البرنسيسه77]

اشلونكم بنات شخباركم الحمدلله وصلنا بالسلامه وحبيت انى اسلم عليكم

وصلنا المطار الصبح الساعه 6 واخذنا التاكسى ورحنا للعباره وعلى طول على بورصه ونمنا وارتحنا وتونى قاعده عاد قلت لازم اسلم عليكم ياحلى كويتيات الجو حلو والفندق اناتوليا نظيف وحلو 4 نجوم ونص وفيه مكتب سياحى كل يوم رحله من الساعه 11 الصبح الى الساعه 7 المغرب والشخص 50 ليره والاطفال اقل من 10 سنوات مجانا شامل وجبة الغداء والتاكسى يودى ب120 ليره وللحين مو عارفين نختار التاكسى بروحنا وعلى راحتنا ولا الباص بيكون زحمه ونرتبط معاهم مادرى اشرايكم احنا 4 اشخاص و2 مجانا

 

[شمس الكويت85]

اتروحين وتردين بالسلامه انشالله


انا رحت العام حق بورصه وابانت واسطنبول

بورصه روحي حق لسكي مكان وايد حلو وفي عندهم حديقه حلوه سالي عنها وما انصحج تقعدين وايد بورصه لان ما فيها شي بس جوها عجــــــــــــــــــــــيب وايد حلو بالليل براد واسطنبول حاره روحي مجمع زفير ومجمع جواهر وروحي السوق الشعبي عندهم ارخيص حده اسمه كبلا جارج
وروحي ميني توركيا في كل معالم تركيا على مجسمات وروحي اخذيلج قزه باليخت حده وناسه وجو عجيب


وابانت الله على ابانت اذا رحتي راح تدعيلي اهوه المكان ما في غير بوحيره روحي حجزي بفندق تقسيم القعد بالفندق اترد الروح وجو اكثر من فظيع يعني اخذيلج يومين مدام سفرت اقصيره والفندق نفسه في العاب حق اليهال بس جوها روعه روعه وراح تستانسين لان المكان راحه واستجمام


وانشاالله ارتروحين وتستانسين

 

[¤§ زيتونة §¤]

هاااااااااااااااااي النمساوية

الحمدلله على سلامة الوصول الى تركيا



شخبارج ان شاءالله مستانسين وعسى الجو حلو مثل ما خليناه يوم ردينا غيم ومطر خفيف



المهمم لا تقاطعينا طمنينا عليج وبلغينا باخبارج




ولا تنسين بورصة والجبل والحديقة واذا في مجال مرو اوزنجول مع انها بعيدة عن بورصة بس ان شاءالله تقدرين لا تطوفينها رووووووعة




وعليكم بالعافية حبيبتي

 

[شمس الكويت85]

انا من نا حيتي بورصه روحي حق لسكي مكان حلو وروحي في عندهم حديقه حلوه وفيها العاب حق اعيالج ومن ناحيه جوها وايد حلو براد يعني باليل تلبسين شي ثقيل
والباجي كله بساتين ما فيها شي بورصه غير جوها

اسطنبول جوها حار وعندج اماكن اكثر روحي مجمع زفير مجمع جواهر السوق المسقف شعبي وروحي المني تركش مجسمات معالم تركيا وروحي متحف العثمانيين وايد حلو وكبير يبيلج يوم كامل

وروحي ابانت الله على ابانت اذا ما رحتي ما عندج سالفه جو اكثر من فظيع والمكان اينن قعدي بفندق تقسيم وروحي عند البحيره وفي تا جير قواري والفندق نفسه في العاب يستا نسون عليه اعيالج بس انتي سفرت قصير قعدي فيها يومين وراح تدعيلي

وتردين بالسلامه انشالله

 

[البرنسيسه77]

هاااااااااى زيتونه وشمس الكويت لا تحرمونى من ردودكم ومشاركاتكم صراحه الجو مو طبيعى خاصه فى لونا بارك خيال تسدحنا انا وعيالى ونسينا نفسنا بهالجو اللى يرد الروح يابختهم فى جوهم


احنا اتفقنا مع تاكسى يودينا ندق عليه ويجى بس مشكلته ما يفهم عربى عدل وابى اعرف شنو الاماكن اللى يم بعض يعنى بنفس الطريج هو ما يفهم يعنى باجر مثلا ودنا نروح التلفريك شنو اقدر اروح وياه بنفس الطلعه

 

[البرنسيسه77]

انا من نا حيتي بورصه روحي حق لسكي مكان حلو وروحي في عندهم حديقه حلوه وفيها العاب حق اعيالج ومن ناحيه جوها وايد حلو براد يعني باليل تلبسين شي ثقيل
والباجي كله بساتين ما فيها شي بورصه غير جوها

اسطنبول جوها حار وعندج اماكن اكثر روحي مجمع زفير مجمع جواهر السوق المسقف شعبي وروحي المني تركش مجسمات معالم تركيا وروحي متحف العثمانيين وايد حلو وكبير يبيلج يوم كامل

وروحي ابانت الله على ابانت اذا ما رحتي ما عندج سالفه جو اكثر من فظيع والمكان اينن قعدي بفندق تقسيم وروحي عند البحيره وفي تا جير قواري والفندق نفسه في العاب يستا نسون عليه اعيالج بس انتي سفرت قصير قعدي فيها يومين وراح تدعيلي

وتردين بالسلامه انشالله

السكى وين مكانه وشنو اسمه بالتركى والحديقه شنو اسمها مو هى اللونا بارك صراحه عيالى ذبحهم البرد وما طولنا فيها لكن باجر انشالله باخذلهم ملابس ثقيله وبنطول فيها

 

[البرنسيسه77]

واذا بغينا نروح الشلالات وين نروح معاها وشنو المولات اللى حلوه