خبيرات جروبات الكويت 2011 والافاده للجميييع

[miele]

السلام عليكم بنات

ودي اروح جروب لاوروبا 3 دول او 3 مناطق بالنمسا
* ملاحظه ميزانيه التدكره الشامله طيران للسكن والمواصلات 2 كبار و1 طفل 4 سنين هي 1000 دينار والمصرف 1500 مع الشوبينغ تكفي ولا لأ ..؟؟

الأسئله كالتالي:

1- متا تبدأ عروض القروبات بالكويت نهاية شهر 4 ولا 5 ؟

2- جم الحد الأدنى للرحله هل هي 15 يوم او 21 يوم لني بحط ولدي عند اختي وماقدر اهده ايام وايد ؟

3- جم تكون التدكره للشخص الكبير والطفل الي عمره 4 سنين ؟

4- المكتب المقترح لأني اول مره اخوض هالتجربه وما اعرف ولااا شي عن نظام القروب؟

ودمتم سااالمين

 

[~Ms. elegant~]

1- اتوقع هالاسبوع تبدأ العروض لان قبل جم يوم نزلت عروض سفريات الفصول الاربعه
2- الحد الادنى 15 او 14 يوم
3- تقريبا بحدود ال600 للكبار والصغار بحدود 300
4- سفريات السيد انا مجربتهم شخصيا خوووووش سفريات , الدبوس , الوسيط , المستقبل اسمع عنهم انهم زينين

اتمنى اني ساعدتج حبيبتي وموفقه خير بسفرتج
​

 

[miele]

مشكوووره يا مس اليجنت عالافاده

بليييز ادا شفتي اي عرض عن جروب للنمسا او اي كويتيه من كويتياتنا الحلوات حطو موضوع ( نزلت عروض الصيف ) عشان الحق لان ما عندنا لا شهر 7 قبل رمضان انشالله

ومشكوره حبيبتي

 

[~Ms. elegant~]

ابشري انا قاعدة انطر العروض مثلج لاني ناويه اروح النمسا وسويسرا هالصيف
​

 

[miele]

خوووووووش

انزين سوال شلون عالفيزا منو الي الي يسويها احنا ولا لالسفريات وجم تاخد بيزات ووقت قتلج ما اعرف شي بالمرره
متعوده علا تايلند نسوي الفيزا بالطياره وببلاش وتركيا الفيزا بالمطار عندهم

 

[~Ms. elegant~]

القروب يسويهاااا
واذا انتي تبين تسوينها من الحين براحتج
احنا سفره القروب سواها لنا والسفره الثانيه احنا رحنا السفارة البريطانيه وسويناها
حدها اسبووووووع وتطلع اذا مو اقل بعد​

 

[أم*سلمان]

آب


آب

لعيونكم

 

[*وردة نرجيسية*]

انا بعد ودي اشوووف السفريات وعروووضهم هصيييييييييييف

 

[زعفران العتاب]

الوسيط مسوين عروض حلوة حق أوروبا

 

[miele]

هلا حبيبتي زعفران العتاب
يا قلبي وين اقدر اشوف عروض الوسيط بشوف الاسعار والاماكن انتي شفتيه بجريده ؟؟

 

[زعفران العتاب]

هلا ياقلبي

لا والله مشفتها باالجريد أنا رحت لهم وشفة العروض عندهم راح أكتبهم لج إن شاء الله بس أعذريني انا شوي مشغوله أول ما أفضي راح أدزهم لج يمكن نصير انا وياج بقروب وااااااحد .

 

[سنـــابل]

زعفرانه العتاب
وين مكان العماره بالظبط؟ انا ودي اروح بقروب وياهم

 

[كويتيه cool]

احسن قروب حق اوربا اهيا سفريات الفضاء وخاصه النمسا في قائد اهناك عندهم عايلتهم عبدالهادي ينظم لج رحلات بالنمسا روعه والكبار بحدود 700 والصغار نص القيمه

 

[~Ms. elegant~]

زعفرانه بليز كتبيلنا العروض اهنيه خل نستفيد انا كل يوم ادور بالجرايد مو محصله​

 

[ام حمني@@]

انا تقريبا اغلب سفراتي قروبات وعلى طول مع الفضاء بس ودي هالسنه اغير مادري شرايكم بالدبوس؟

 

[زعفران العتاب]

هلا بنات

آسفة علي التأخير هذي عروض الوسيط للقروبات أنا ما حجزت لحد ألحين بس إن شاء الله راح أستخير وأحجز

وعلي فكرة عوضهم مثل العام بس زيادين الأسعار عن العام تقريبا 20 أو 30 دينار أنا راح أكتب الأسعار مثل العام

وأنتم عليكم الحسبة ok .

وعلي فكرة الأسعار شاملة الإقامة- تذكرة – إفطار مواصلات

بروكسل - امستردام – باريس 14 يوم السعر 625

مدريد – فلنسيا – برشلونة 14يوم السعر 665

فيينا – كابرون –ميونخ 15 يوم السعر 655

جنيف – لوزان –لوغانو –زيوريخ 15يوم السعر 695

جنيف –باريس – لندن 15 يوم السعر 775
هذي الرحلة حيل بخاطري بعد الزيادة صار الشخص795

برشلونة – جنيف –باريس 15 يوم السعر 695

فيينا –سلوفينيا –زلمسي –زيوريخ 15 يوم السعر 685

فيينا – زلمسي –ميونخ 15 يوم السعر 675

ميلانو – زيوريخ -ميونخ 15يوم السعر 675
مانشستر –بلاك بول – لندن 15 يوم السعر 665

زيوريخ – لوغانو –ميلانو 15 يوم السعر 675

ميلانو – جنيف – باريس 15 يوم السعر 695

ميلانو- زلمسي -ميونخ 10يوم السعر 565

جنيف –بازل –زلمسي – ميونخ 15 يوم السعر 685

 

[miele]

تسلم ايدج اختي زعفران العتاب

ويا هلا ومرحبا بكل من شرف موضوعي انشااله كلنا نستفيد ونمشي علا خطى زعفران العتاب بكتابة العروض الجديده علأقل لي بداية 5 نكون قررنا

انا عجبني ميلانو زلمسي ميونيخ ابو 10 ايام السؤال شلون طريقة الدفع يعني اذا المبلغ مو متوفر الحين كامل اقدر احط اسامينا ونص المبلغ عشان اضمن مقاعدنا ومتى السفره اي تاريخ ؟؟؟؟؟

الي تعرف تفيدنا بليز

 

[miele]

وبنات حبيباتي
انا شوي مضيعه بهالأماكن ابي الديره شنو مثلا كابرون=== النمسا

فلنسيا===
لوزان===
لوغانو===
سلوفينيا===
بازل===

وشكراااااااااا

 

[miele]

اب اب اب

 

[بنت عطا 24]

بنااااااااات شلوون السفر مع القروبات
احس ماتاخذون راحتكم
تكونون مرتبطييين فيهم صح


منو جربت قرووووب وشرايكم فيهم؟؟