خبيرات دار الشفا.. جنطة البيبي للمستشفى

[kukuwa]

بنات اللي ولدت بداار الشفا
ممكن بالتفصيل تقولي شنو حطت واحتاجته حق جنطة البيبي للمستشفى؟ البنات كل وحدة لها حجوة
اللي تقول حطيله شامبو وبامبرز واللي تقول ما يحتاج
وبخصوص الملابس هم شنو احتاج؟

 

[كتالونيه]

حبيبتي الحفاظات ماله داعي اكيد والشامبو
هم يعطونج
اما الملابس لازم تاخذين احسن
وتقبلي مروري

 

[&موناليزا&]

عزيزتي اذا بتولدين بمستشفى خاااااااااااااص مايحتاج

 

[كتالونيه]

انا اقولج اخذي معاج من كل شي اثنين لبس اثنين
وتبانين واهم شي اللفه للبيبي
اما الرضاعه هم يرضعونه ويسبحونه ويبدلون حفاضته

 

[ورده عنابيه]

ماتحتاجين الا الملابس باليوم دار الشفا يغيرون للبيبي مرتين

 

[مظلومة حيل]

اخذي تبديل لج ٣و للبييي ٣ او ٤
ولفة للبيبي
ملاحظة:: انا كنت ماخذة تبديل ٢ وكنت والدة العصر و بدلو البيبي و الصبح بدلوة و العصر يبيلة تبديل وبالنسبة لي لما تبدلت نزل علي دم قوي شوي و سوا على ملابسي و تبدلت الثاني و رجع علي البيبي فاخذي ٣ لج و ٣ او ٤ للبيبي الاحتياط وااجب واخذي مميات للبيبي لاني ماكنت ماخذة و كانو يرضعونة بس توهقت لما جيت بطلع من المستشفى قالو توة راضع و ارفضو يعطوني ممية يقولون ممنوع فاخذي ممة وحدة

 

[مظلومة حيل]

نسيت اقول المستشفى الي كنت والدة فية الراشد و تووووبة

 

[الملكه85]

اخذي حق البيبي ٦ تبديلة وفوطه والقبعه وتبنات وكيس البيبي للاستقبال ،، وانتي اخذي اج ٣ تبديله والله يسهل عليج ياارب

 

[ام الحلوااات]

ااااااااب

 

[kukuwa]

مشكووووورين ماقصرتوا
خلاص ماله داعب الشامبو والبامبرز
بس احط ممية وحدة
احتياط

 

[زهور المحبة]

لج تحتاجين قميصين استقبال وبجامه او ثنتين للنوم وفوطه
وملابس داخليه
وشامبو وفرشه ومعجون <<< مع انهم يكونون حاطين لج بالحمام

البيبي ٣ تبديلات و٣ تبانات وفوطه و لفتين بحال اذا رجع على وحده
عندج الثانيه وجيس للبيبي واذا تبين صدريات علشان مايوصخ لبسه
والله يسهل عليج وعلي يارب

 

[زهور المحبة]

صج على طاري المميات مايحتاج ولا بامبرز
واصلا يعطونج جم مميه جاهزه دعايه

 

[ريح قهوه]

انا اولد بالراشد اخذ ٣ بدل وكل بدله احط معاها تبان ولفه وكبوس وألفهم مع بعض عشان لابغو اعطيهم على طول ملفوفين مع بعض ولبس اول يوم اكون حاطته اول شي عشان يعرفه زوجي او امي ويعطونهم وحقي اخذ تبديلتين مع سروال طويل وباندين وملفعين ودلاغين متان لان يومين واطلع انا هذا نظامي ما اعتقد لها داعي المميه اول ماتطلعين وتوصلين بيتج بسلامه مامداه يجوع اكيد مرضعينه واكيد لفه متينه او كيس اذا طلعتي برا الطبيب تلفين
البيبي ومعجونج وفرشتج وصابونتج وفوطه صغيره للوجه وعطر عود خفيفه ريحته وشباصه صغيره عشان لادخلتي الولاده تلفين شعرج وماتضايقج وخاتم ناعم وساعه ووسمه تكشخين لاطلعتي من الولاده بسلامه واكيد راح يجونج الناس الخاصين ومعطر جو عشان تعطرين الغرفه وبس ادري طولتها وهي قصيره واتمنى فدتج لو بشي بسيط ودعواتج لي بولاده سهله وافرح بشوف البيبي

 

["Om 3AzOoZ"]

اتا ناويه اولد فيه ان شاءالله حق البيبي ماخذه 6 ستاات كامله كل واحد ملفوف بروحه عشان اعطيهم اياه كامل بس مالا داعي المميه ولا الحافاضات لانه المستشفى يوفرونهم وخذيت جيس البيبي عشان لما يحطونه بفراشه مايعور ظهره.

 

[نـعـومـه]

اخذيله ٣ تبانات و ٣ افرولات ولفه لازم

حفاظات شامبو كلشي عندهم

 

[خوخة123]

ماله داعي الحفاضات والشامبو

 

[اميرة في اخلاقي]

سؤال لاختي ( مظلومه حيل ) ليش توبه تولدين عن الراشد ؟؟؟
متى ولدتي عندهم ؟؟ واي دكتوره ؟
لاني ناويه اولد فيه وخوفتيني

 

[auoma]

اب اب