خبيرات دبي ابيكم ضروووري ضروووري

[شقره كيوت]

السلام عليكم ...
شلونكم خواتي ؟؟؟؟


بصراحه ابي من خواتي خبيرات دبي يفيدوني وانشالله كل وحده تساعدني يا رب يفتح عليها ابواب الرزق مثل ما افتحتها علي وساعدتني ...
الله يسلمكم انا و زوجي نبي نروح دبي وبنشتري بضاعه !!
ممكن اتقولون لي وين الأماكن اللي نشتري منها بضاعه وشم الأماكن ؟؟ وصج في شي اسمه السوق الصيني ؟؟ و وين مكانه ؟؟ الله يعافيكم تعلموني لأن مابي نروح اهناك ويقصون علينا الهنود ونفلس من وراهم !!
يعني احنا بنشتري جنط واكسسوارات ومكياج اللي يمشي عندنا بالكويت واذا عندكم افكار يا ريت تقولون لي انشالله تكونون فاهميني وياريت تساعدوني لان الوقت ضيق وقربنا انسافر !​

وجزاكم الله الف خير

 

[هنـــد]

وعليكم السلام

تروحين وتردين بالسلامه

السوق الصيني اسمه الدراغون سألي اي تاكسي راح يوديج له

واهو حيل حيل كبير فيه كل شي اكسسوارات وملابس وجناط وجواتي (عزج الله ) وادوات كهربائيه الخ

 

[شقره كيوت]

مشكوره وما قصرتي ربي يفتحها عليج ويرزقج
اب اب اب

 

[روحي زوجي]

دراغون مول

غالي واذا بعتي مايجيب لج فايده بس مادري عن الجمله ؟

الاكسسوارات نفس الشي هذا اذا بعتيهم بسعر خيالي!

ليش ماتروحون للمصدر نفسه ( الصين )
احس انه افضل وارخص

وفي سوق كله شنط اغلبه جلديات بس هم غالي حيل

 

[روحي زوجي]

صج اذا تبين بخور انا اعلمج ينفع بضاعه

 

[جروح ودموع]

روحي سوق مرشد ونايف عندهم بخور وعطور شرقيه رووووعه والسوق الصيني عنده اكسسوارات عجيييييبه بس كاسريهم وروحي سوق عكاظ عندهم ملافع وشيلات خاماتهم تهبل ورخيصه والجناط التقليد الدرجه اولى بسوق الكرامه بس للاسف ولا مره رحت له بس شفت وحده بالدوام يايبه منهم واذا تذكرت شي راح اقول لج ان شالله

 

[๓ίşś зśŏłả..!]

اي السوق الصيني سألي اي تاكسي واينن كل شي فيه
ملابس واكسسوارات وجناط وحتى كفرات للسرير بس يتعب وايد كبير
وسوق مرشد بعد فيه خامات حلوين والبخور بعد يشبه المباركيه تقريبا
مركز ساره في الشارجه انصحج فيه عليكم اكسسوارات وجواتي تكرمين وجناط

 

[شقره كيوت]

مشكورين بنات
اب اب اب

 

[بنت السليل]

بنات مرة عمي راحت السوق مال الامارات
مال الجمله حيل رخيص مو السوق العادي
جابت شغلات حلوه وباعتها رخيصه
بس مايعلمون بسر المهنه اتمنى لج التوفيق

 

[كويتيه مذهله 87]

تري اسعارهم مثل الكويت

روحي الصين - اليابان- تايلند

اي هذوا حق بضاعه تشترين شغلات بنص دينار وبالكويت تلاقينها ب دنانير <<<< عن تجربه

اما دبي تري مثل الكويت راح يفرقون بالسعر اذا بعتيهم

 

[law love]

التجاره بشي موجود بدول الخليج شي ما يسوى لانه الروحه لهم جنج رايحه شاليه الكل يروح كل ويكند تقريبا

و الاسعار حيل مقاربه اذا. مو اغلى