موضوع حلو و يعطيج العافيه
انا ادرس بالامارات و والصراحه دبي فيها وايد اماكن حلوه
عندج الفنادق في فناد يم مكان اسمه جميراا الي يسمون the walk او جميرا او GBR
ها مكان واايد حلوه حق قعده عشا كله مطاعم و كفيهاات بس القعد واايد حلوه و ابنفس المكان الفنادق يمهم يعني مجرد ما تمشين من الفندق للمطاعم
هذا الي صوب جميرا و اهو داخل دبي و انا رحتله بالمترو طبعا مو كل الاماكن المترو يوصلج بالضبط يعني جميرا المترو ينزلج بشارع و تاخذين تاكسي و في اماكن يووديج المترو بالضبط المكان الي تبينه و سعر المتر يترواح ما بين 6 لي 9 دراهم بس الصراح ارخص ابوايد من التكاسي اصلا التكاسي طاح سوقهم بدبي بعد المترو و في عندج المترو الي مثلا يودي دبي مول ما يقطج بالضبط دبي مول لا تنزلين من المترو تشترين تذكره الباص و اتروحين المول هم ارخص من تكاسي
طبعا مولات عندج وايد دبي مول في محلات و في سكيتينق و وايد اشياء يعني دبي مول يبيلها يومين بالكثير اتسوقين و اتمشين
وعندج امارات مول في الثلج هناك ونااسه وجذي
وفي عندج سيتي سنتر المردف هذا ايدد سيتي سنتر عندهم
و في عندج مول يونس اسمه فستيفال هم حلوو و قعده حلوه
و عندج غير المولات اذا اتحبين المغامرات و جذي بالفندق الي تقعدين فيي سأليهم عن رحله سفاري طبعا سفاري رحله مثل بر و جذي يمدحونه تقدرين تسالين الفندق يعطونج نبذه عنا
و عندج بعد مكان اسمه مركز الدلافين واايد حلوو حق الصغار و الكبار تقدرين اتشوفين عرض الدلافين و تقدرين بعد تتسبحين معااهم عندهم احواض و احواض سمكيه واايد حلو انصحج اتروحينله
و في عندج عالم فراري طبعا عالم فراري اب ابوظبي تبعد عن دبي سااعه اذا تبين اتروحينله بمواصلات رخيصه سالي الفندق عن الباصات طبعا الباص شغل نظيف يعني انا وايد اركب الباصات عندهم عالم فراري عشان تستانسين عدل يبيله ميزانيه و اعتقد في حجز لازم من قبلها لان طريقه مثل العاب الترفيهيه بس احلى طبعا فزحمه عليه لازم تحجيزين
و في عندج سوق مرشد و عندج سوق نايف هذيل مثل المباركيه سوق مرشد و ايد حلو امي اتروح تشتري زعفران و شغل بخوور و حتى عبايات بتلاقين و اذا اتحبين اتفصلينلج عبايه احسن مكان مجمع الهيل عندهم تشكيله من العبايات و باسعار معقوله
لحد الان هذيل الاماكن الي اعرفهم بدبي و انشالله افدتج بالمعلومات و حياااج الله بدبي دار الحي و انشالله بتستاانسين واايد
