خبيرات زيلامســي ..ممكن دقيقه من وقتكم ؟

[مرت بوعلي]

:

:





















حبايبي ..

أنا برووووح زيلامسي بإذن الله .. مع زوجي وهو ملتحي

وأنا منقبــه ..

هل بتحصل مشـــاااااكل .. فاهمين قصدي ؟؟

يعني شنو ردة فعلهم من النقــاب ؟؟؟





وشنو تنصحون فيه .. ( قطــار ولا تاكسي ولا تأجير سياره )

من مطار ميونيخ لــ زيلامسي .. أدري بتكون تقريبا أربع ساعات ..






خبرتكم خبرتكم .. أحسن أني متشتته ..بليــز
















:

:




أم علي​

 

[Samurai]

والله انا ما رحت زلامسي .. بس يقولون الوضع عادي .. واتمنى بعد احد يفيدج اكثر ..
بس على المواصلات انصحج تاجرين سياره من ميونخ وتروحين على زلامسي على طول او اذا متردده عادي روحي على القطار .. والمسافه بين ميونخ و زلامسي ساعتين بس مو 4 ساعات

 

[دانة البحيرة]

هلا حبيبتي

بالنسبة للنقاب يمكن يطالعونج باستغراب بس لا اكثر ولا اقل

مثلا انا كنت لابسه عباه وشيله من غير نقاب وبعد كانوا يطالعوني خخخخ

اتوقع لو تاجرين سيارة افضل لج

من الكويت احجزي سيارة تكون في انتظارج وقت وصولج وتوصلج مكان ماتبين ..
عشان ماتتعبين ولا تتوهقين من بداية السفرة

 

[مرت بوعلي]

:

:



ســاموراي .. بعد عمري مشكوووووووووووووووره وما قصرتي

:

دانة البحيرة .. تسلميـــــن حبيبتي ومشكوووووووووره وما قصرتي



رايكم وهداية الله ..

ثــــانكس






:

 

[Katkota_46]

روحيلها بالسياره احسن من بهذلة القطار

تقريبا الطريج ساعه ونص ساعتين

 

[بنك كوين]

توني جاية من زلمسي الوضع عادي نقابات وعبي وبراقع جنج في بلودان موزلمسي

 

[ام _خلودي]

جدا عااادى النقاب انا صادفت وااايد

سعوديات هناك منقابات وعبايه راس

والوضع جدا

وبالنسبه لى افضل السياره

 

[مرت بوعلي]

:


كتكووووتـــا

&

بنك كوين

&

ام خلوودي


ريحتوووووني الله يريحكم ..

والله يجزاكم خير حبايب قلبي




:

:

 

[نسايم عود]

رد : خبيرات زيلامســي ..ممكن دقيقه من وقتكم ؟

سؤال داش عرض شوى

بتسافرون برمضان ؟؟؟؟؟؟؟

 

[ام ساري الحلوة]

رد : خبيرات زيلامســي ..ممكن دقيقه من وقتكم ؟

زلامسي كانش بالديره

عبيات ونقابات فيها خليج اكثر

لا حد يطالع فيج ولا شي الوضع طبيعي

واحسن لكم تاجرون سيارة بتكونوا فيها على راحتكم

رحلة موفقه

 

[اعتلي يانفس]

حبيبتي اخذيها مني نقابي علي ولا حد طالعني اللي يطالعونج عز الله المنقبات نفسج جنهم يقولون ياحليلها نفس طقتنا ههههه
الوضع عادي جنج بالفروانيه كله خليجين وبراقع وعبي راس سهالات وماشاء الله اوربا هالسنه مطاوعه ومنقبات ولا احد طالعهم يمكن بفينا خز بسيط من كبار السن والجهال بس
وانصحج بالتاكسي صج اغلى بس اريح وتاخذين راحتج وتنزلين اي مكان عجبج
والله يسهل امورج وادعي دايما اللهم سهل لنا الطيبين من خلقك وتروحين وتردين بالسلامه يارب

 

[مرت بوعلي]

:

:



بعد عمري .. كلكم



جد جد .. فرحتوني .. الله يجزاكم كل خير حبايبي





أم علاوي