خبيرات سالزبورغ وزل ام سي وميونيخ

[fat]

السلام عليكم واخيرا حجزت ورحلتي ان شاء الله بتكون 4 ايام سالزبورغ وزل ام سي 3 ايام و6 ايام ميونيخ

والقايد عطاني جدول الرحلات وحابه اوريكم وتنصحوني هل اماكن حلوة ولا لا ء ونبي الكل يستفيد

في سالزبورغ بنروح مغاره الملح + الزحلاقيه الصيفيه

قصر هلبرون ونشوف الخدع المائيه

وبهل يوم راح نروح زل ام سي جبل كابرون وشلالات كيرمل

رحله الى سدود كابرون البحيرات المعلقه sigmund _thun+klamm

رحله الى مدينه بليد (سلوفانيا )

رحله متحف شوارفسكي (انسبورغ )

مغاره زل ام سي

اميونيخ

رحله الى جارمش (جبل الثلج +بحيره ابيسي )+سنتر جارمش

المدينه الاولمبيه +ملعب بايرون ميونيخ +اوت لت ميسغين


وبعدين في ايام للتسوق في ميونيخ

وهذي رحلتي انا ودي باماكن اكثر انا خابره في مدينه ملاهي تشبه اليونيفيرسان الي في امريكا بس موعارفه شسمها الي عندها اي معلومات واماكن احلى عشان اتفق مع القايد وودينه له واكون شاكرتكم


وبالنسبه للمخابر والمطاعم شنو احسن واحد اوربا معروفه بالكرواسون والبساكيت والكاكاوات وسمعت ان صناعه المانيه للجناط وايد حلوه ورخيصه تكون صناعه المانيه معروفين بجلدهم وين القي هسوالف وشنو احسن المجمعات والاوت لت وشنو المحلات المميزه يعني اشتري حق العيد من المانيا ولا ما حصل

 

[fat]

وينكم 20 وحدة تدش ولا وحدة ردت

 

[ريحة الكويت]

هلا اختي فات

حلوه رحلتكم الله يسهلها لكم ان شالله
انا السنه الي طافت كانت نفس رحلتي بس انا زياده عليها فيينا
وتقريبا نفس الاماكن رحنا لها ولما وصلنا ميونيخ حسينا ان خلاص مافينا شده ع الرحلات فاخذناها كله تسوق

 

[ريحة الكويت]

بالنسبه للاوت ليت احنا رحنا الي في سالزبورغ وميونيخ حلوين والله
وعندج التسوق اكثر شي خليه حق ميونيخ خصوصا عند ساحه الكارل بلاتز او المارينا بلاتز

 

[ريحة الكويت]

احلى رحلات هي الي تطلعون من زلمسي مثل قمه كابرون هذي ثلج وناااسه وعندج شلالات كرايمل هذي تهبل بعد لاتطوفينهم اما الزحلاقيه الصيفيه احنا كل مارحنا مدينه رحنا زحلاقياتهم هم بعد وناسه والاستمتاع بطبيعتهم هو بحد ذاته وناسه

 

[fat]

ماقصرتي حبيبتي على تعاونج معاي اشرايج في القصر ورحله مدينه الاولمبيه تستاهل ولا لاء

 

[كويتيه cool]

خوش رحلة وخوش جدول

بالنسبة لمدينة الملاهي وايد حلوة بس بعيدة شوي

عندج كافهوف ومكاسيميلان متخصصين بسوالف الجناط والجلد الالماني وقراب من السنتر

 

[محتاره حيل]

مرحبا اختي انا محتاره ابي اسفار اروبا ااا
بس للحين ماحددت الاماكن بس اللي ابيه مونيخ وزلمسي

والكل نصحني بالسفريات القايد متي رحلتهم واي تاريخ وكم يوم ابي قروب لاني ماعندي. خبره باروبا

 

[ريحة الكويت]

رحله القصر حلوه تشوفين حديقتهم والقصر والماي الي يطلع فجأه من فتحات السقف والارضيه اما الاولمبيه لا مارحت لها

 

[qarooob]

حبيبتي تميت سنتين عايشه في ميونخ في مدينه العاب اسمه يوروب باروك Europa-Parkقريبه من الحدود السويسريه تبعد عن ميونخ 4 ساعات عجيبه حاولي تسكنين في شتوت غارد ولو تاجرين سياره وايد اوفر لج وتقدرين تروحين سويسرا كلها 3 ساعات وشوي عندج لوغانو عالم من الخيال
وتذكرت عندج ملاهي قريبه تاخد ساعه اسمها سكاى لاين بارك بعد هذوي وايد ممتعه
وموفقه

 

[اخت خالتهم]

اختي على فكرة زلمسي حلوة حق الاسترخاء يعني حاوولي لو يوم تقعدين استرخاء
و خل يوديكم الزحلاقية اليديده بكابرون وايد حلوه

 

[_زينه_]

حبيبتي ترا ترتبيبج للايام مو عدل يعني 6 ايام ميونخ وايد عليها ترا بس فيها سوق و قارمش وايد عليها 3 ايام ترا لان سوقها بس شارع وايد اللي اهوا مرينا بلانتس و الشارع الثاني يمه مال الماركات اسمه ماكس ميليم

وساالسبورغ اصلا المفروض ما تنامين فيها بس يوم وتردين تخلصين كل هالاماكن بيوم واحد انا اذكر السنه اللي طافت رحتلها بس يوم رحت قصر الماي و السوق مالها كفانه

وزل ام سي المفروض اهيا اطولين فيها

هذا رايي حبيبتي وان شالله اكون فدتج

وبالعافيه مقدما

 

[fat]

حبيبتي زينه مشكوره على ردج واهتمامج انا بروح مع سفريات ولقروب هذي رحلته حاجزين الفنادق يعني ما اقدر اغير وقارمش رحله يوم على ما اظن وارد بنفس اليوم كان ودب اني اسكن في فندق باوربا بارك بس حسافه ما اقدر