خبيرات سويسرا دشو بليز !!

[الريادة]

السلام عليكم ..
بنات خبيرات و رواد سويسرا, أبي أحلى المناطق بسويسرا و أحسن فنادق سكن جودة و سعر أو شقق فندقية مو مشكلة:eh_s(15):

 

[الريادة]

شدعوة بنات محد رد علي

 

[Samurai]

وعليكم السلام ..

والله رحلتي 2009 اللى سويسرا كانت من احلى السفرات الحمدلله .. اول ليلتين سكنت في لوزيرن في فندق مونوبول وكان موقعه ممتاز يم البحيره ويم محطة القطار بالضبط وفيه ستاربكس وماكدونالدز.. والغرفه زينه مرتبه بس يمكن الاثاث قديم شوي ..
وباقي الرحله كلها في انترلاكن كم ليله في فندق قولداي .. نفس الشي فندق حلو وصغير والاثاث قديم شوي .. وشوي تمشين للسنتر يمكن 4 او 5 دقايق .. وبعدها اجرنا شقه والحمدلله ارتحنا فيها واجرنا سياره .. وكل يوم منطقه .. يوم منترو حلوه قعده على البحيره وسوقها حلو .. ويوم لوزان انا ما عجبتني بعد بس تمشي على البحيره .. وجنيف تمشينا على البحيره وكلينا في المطاعم اللي يمها بس بعد ما ارتحت فيها
اللي عجبتني انسي و شاموني في فرنسا بس على الحدود السويسريه .. انسي روعه و رومانسيه ومطاعمها وقعداتها والناس بعد ودودين انا استانست منها و منطقة شاموني فيها قمة مونت بلانك بس ما رحنا للقمه لانا كنا رايحين لقمة اوروبا في انترلاكن قبلها .. سوقها حلو والتمشي والجو تمنينا نقعد فيها ليله ..
واخر منطقه رحنا لها لوقانو بس رحنا متأخر و ما مدانا نتمشى في المنطقه رحنا على طول مجمع الفوكس التاون بره المنطقه تمشينا في المجمع وشرينا كم شغله وردينا انترلاكن وكل زياراتنا يوم واحد الا ديفون قعدنا فيها ليلتين

اي شي ثاني .. حاضرين

 

[الريادة]

حياتي ساموراي انتي الوحيدة اللي عبرتيني .

 

[^^ام ميمي^^]

انا بعد مفكره ان شاء الله اروح سويسرا

وبحثت وايد بالنت وبفيدج باللي استفدت منه

اول شيء

عندي ملف نوعة وورد بس مو عارفة اشلون انزلة لان وايد حجمه كبير يعني يشمل تقريبا 90 صفحة لجميع مناطق سويسرا و الاماكن السياحيه .

وثاني شيء بحطلج ردود اقتبستها من مشاركات سواءا من المنتدى او من خارجه


2 يوم زيورخ
مدة الاقامة : ليلة واحدة فقط
السكن :
Central Plaza
السعر : 1125 ريال بدون فطور
الاماكن السياحية
اليوم الاول:التجول في زيورخ
اليوم الثاني :شلالات الراين + قرية هايدي (لايمكن الجمع بينهما)
اليوم الثالث :الاستعداد للمغادرة الى انترلاكن بالقطار
From Zurich to Interlaken
Train : 1:51 minutes
5 أيام انترلاكن وضواحيها
مدة الاقامة : 4ليالي
السكن:
Hotel Krebs
السعر : 2832 ريال مع الفطور
الاماكن السياحية
[استكشاف انترلاكن+ هارديركولم ||قمة جونفراو ||بحيرتي بلوسي وأوشن سي ||كهوف بيتوس+ شلالات ترمل باخ ||لوزيرن ||مفتوح]
الاماكن السياحية :
اليوم الاول :التجول بالمدينة - ركوب قارب بالبحيرة
اليوم الثاني :زيارة القمة الثلجية
اليوم الثالث :زيارة لوزرين السويسرية
اليوم الرابع :الذهاب الى الشلالات وزيارة بحيرة اوشن سي وزيارة جرين والد فيرست
اليوم الخامس :مفتوح وحر ضع ما يناسبك ..!!
اليوم السادس :الذهاب الى ميلانو عن طريق القطار

From Interlaken to Milano
Train : 3:29 minutes
5ايام في ميـلان Milano
مدة الاقامة : 4 ليالي
السكن: )
AC Milano
السعر : 4500 ريال مع الفطور
الاماكن السياحية
اليوم الاول : جولة في الدومو +تسوق
اليوم الثاني : الذهاب للسانشيرو وبعده جوله في الاسواق
اليوم الثالث :زيارة بحيرة كومو + احد اسواق الاوت لت
اليوم الرابع : الذهاب الى لوجانو
اليوم الخامس : التوجه بالقطار ومغادة ميلانو الى جنيف

From Milano to Geneva
Train : 3:53 minutes
5 أيام جنيف وضواحيها " ممكن ازيدها ليلة وانقص من باريس ليلة .. وش رايكم ؟ "
مدة الاقامة: 4 ليالي
السكن:
Auteuil Manotel
السعر : 3242 ريال بدون فطور
الاماكن السياحية [جولة في جنيف ||آنسي ||مونترو + لوزان ||مفتوح ]
اليوم الاول -تمشية في جنيف السويسرية
اليوم الثاني -الى مدينة انسي الفرنسية وزيارة مصنع الشكولاته (لايمكن الجمع بينهما )
اليوم الثالث- الذهاب الى منترو السويسرية ولوزان السويسرية والتمشية هناك
اليوم الرابع :الاستعداد والذهاب الى باريس عن طريق القطار

From Geneva to Paris
Train : 3:32 minutes
7 أيام باريس
مدة الاقامة : 6 ليالي
السكن:
Helzear Saint Honoré Apartments
+
Magic Circus Hotel at Disneyland® Paris
السعر : 1964 + 2946 = 4910 ريال بدون فطور
السعر : 523 ريال مع الفطور
الاماكن السياحية [اللوفر+باص سياحي+نهر السين||دزني لاند ||متحف الشمع+الهضبة+برج إيفل ||يوم مفتوح (ممكن قصر فرساي)]
اليوم الاول :تمشية في ربوع باريس وزيارة شارع الشانز
اليوم الثاني :متحف اللوفر والباص السياحي
اليوم الثالث :ديزني لاند
اليوم الرابع :متحف الشمع + برج ايفل
اليوم الخامس :الذهاب الى بروكسل "بلجيكا"
اليوم السادس :يوم مفتوح
اليوم السابع : العودة الى الوطن من باريس

مجموع تكاليف السكن : 16283 ريال تقريبا
المجموع 19 ليلة
20 يوم

منقول من اماكن مختلفة

 

[الريادة]

ما قصرتي ام ميمي
متى سفرتكم ان شاء الله؟

 

[Love \ Hate]

وايد حلو الجدول يعطيج العافيه بس مايبيله يهال يبيله ناس خفاف

 

[^^ام ميمي^^]

الله ييسلمكم

السفرة ان شاء الله اخر شهر 6 ...,,,,

وابي اسكن بشقق فندقيه


ومدتها 14 يوم انا وزوجي بس تقدرون تقولون تجديد لشهر العسل

 

[الحلا^^مبتليني]

انا انشالله بد نص سته بنروح سويسرا انا زوجي 14 يوم تقدرين تقولين شهر عسل متأخر
بنروح انترلاكن نقعد فيها اربع ليالي وعقبها بنطلع لجنيف بنقعد فيها اربع ليالي منها نروح لانسي وشامونيه ومونترو وديفون عقب بنروح المانيا اروربا بارك نقعد فيها ليلتين عقب نرجع لانترلاكن نقعد فيها 3 ايام منها نطلع حق لوزيرن وزيوريخ وعقبها نرد للكويت قولو انشالله الله يسهل علينا يارب

 

[^^ام ميمي^^]

الحلا مبتيليني ليش اطبين بسويسرا وعقب تروحين المانيا وترجعين حق سويسرا خلي بالروحة اطبين بسويسرا وبالرده تردين من المانيا او العكس لان ما يسوى تروحين للديرة وتردين لها مره ثانيه تصير تعب عليج

 

[الحلا^^مبتليني]

الحلا مبتيليني ليش اطبين بسويسرا وعقب تروحين المانيا وترجعين حق سويسرا خلي بالروحة اطبين بسويسرا وبالرده تردين من المانيا او العكس لان ما يسوى تروحين للديرة وتردين لها مره ثانيه تصير تعب عليج

حياتي المنطقه اللي بنروح لها في المانيا هي مدينة رسيت بينها وبين انترلاكن ساعتين بس يعني ماكو تعب ولا شي

 

[اميرة-الاحجار]

انا بعد بروح سويسرا بعد اسبوعين ان شاء الله
بنات شنو ارقى فندق اهناك ابي شي راقي مابي فندق عادي
وشلون على اسوقتهم اهناك يعني اكثر شي الدوله مدنيه ولا طبيعه وريف ؟؟

 

[يازمان العجايب]

مرحباااابنات
بالنسبة لي انا رايحة حق جنيف مرتين بس اسكن بديفون منطقه حلوة وكلها خليجيين وبالاخص بيوت الكويتيين بس سنعه وفيها العاب اتونس حق اليهال يعني اذا ماطلعتوا تقعدون عللى البحيرة واليهال ياجرون قواري اوبالنطاطيات والمكان شرح ويرد الروح وفيها سوق الاحد وااايد حلو ونظيف وسوبرماركت وتبعد عن جنيف 10 دقايق بالسيارة بس وفيها مول حلو يونس وهالمنطقه باوسط يمينها جنيف يسارها انترلاكن ومونترو ومونتانا

 

[sfe55435]

Goods2010-4-5-six-104

nvdghm4pmnmof6dhuazhaozviut80uksvztjoscm

 

[soso7elwa]

منو تعرف شقق بانترليكن تاجر لمده شهر؟؟؟؟
وصج تصلح للرجيم والمشي؟؟؟