خبيرات غسالات الأوتوماتيك

[**وقفة فرس**]

أسعد الله صباحكم تكفون بنات أبي حل لهالغسالة إللي اتلفت هدومنا واعدمتها..قبل كنت أستخدم الغساله العادية اللي تتعبا من فوق وملابسنا لو شارينها من سوق شعبي ماتتغير أبد أبد..لكن من شريت هالأوتوماتيك اللي تتعبا من جدام الملابس صارت خشنة وموبرة وألوانها باهتة رغم إني أستعمل صابون زين لهالغسالة(أريال)والكمفورت مايوقف وحتى الغسالة نفسها مارضيت إلا بأحسن وأغلى نوع بس مااااكو فااايده..شنو الحل بنات؟ مو معقولة بخلي ملابسنا تخترب جذي؟ اللي عندها حل تنقذني فيه ولا بقط الغسالة

 

[**وقفة فرس**]

٢٣ مشاهدة وولا رد؟ لا تخيبون ظني كويتيات

 

[أحلى همبه كويتية]

بالعكس انا احسها تنظف اكثر
افرقت وياي الملابس وايد


يمكن انتي تختارين برنامج طويل

انا كل الملابس اغسلهم على اقصر غسلة اللي هي نصف ساعة
عشان ما تخرب الملابس

عندي ويرلبور - المانية
​

 

[الأميرة جوري]

ناويه عليها بس خوفتيني ...شنو اسمها وصناعتها

 

[**وقفة فرس**]

أحلى همبه غسالتج مثل غسالتي بالضبط بس ماأدري ليش جذي صار معاي يمكن الصابون حار على الهدوم لأني فبل كنت أستخدم بونكس ومن شريتها صرت أستخدم أريال..بغيره وأشوف شنو يصير وحتى الكومفورت بغيره الكل يمدح الداوني أكثر...جوري ياقلبي آنا للحين موعارفة العلة وين همبة مرتاحة رغم إن غسالاتنا نفس الشي!! يمكن مواد تنظيفي هي السبب؟ بس ميزتها وفرت علينا وقت كبير

 

[om deaj]

الداوني وايد ينعم

ومعاناتج نفس معاناه امي تحسين من زود النظافة الهدوم تخترب الوانها وتبهت بسرعة تهلك الملابس حيل

 

[فلافل وبطاط]

انا غسالتي اوتوماتيك .. صابوني اريال وداوني
واحط اقصر غسله .. في الغسيل اليومي .. وفي
غسيل يدوي .. وفي غسيل سريع .. وانا اختار اللي
احسه مناسب للملابس ..

والحمدلله ماشي حالي ..

 

[**وقفة فرس**]

مشكورين بنات على ردودكم..بس آنا واثقة اللي مجربه الغساله العاديه وغيرتها للأوتوماتيك وعندها ملاحظة بتعرف الفرق لأني شكثر أشوف ناس ملابسهم وعيالهم باهته وتلفانة بسبة هالغسالة ومرة صادف عند بنتي وعند بنت إختي نفس اللبس بس هي غسلتها بالاوتوماتيك وآنا بالعادية بدلة بنتي كأنها جديدة وبدلة بنتها منهرية ومن غسلتها بالغسالة الجديدة صارت مثل بدلة بنت إختي كأنها مكروفة كرف..

 

[some one waw]

اختاري برنامج بسيط مو معقد وما ياخذ وايد وقت

اريال قوي عالملابس يهريهم تايد حلو
وكومفرت عجييييب >> مادري داوني موذاك بس هم مو شرط يعني مولازم ملاطفات الملابس كل مرة

وعندج خيارات لدرجة حرارة الماي حاولي لا تتعدا ال ٦٠

 

[رووح ابووها]

غريبه انا أغسل ملابسي وملابس زوجي
ما يخربون ولا شي لان تحطمه نظام ٣٠ دقيقه

 

[**وقفة فرس**]

روح أبوها ما أدري ليش صار جذي؟ أتوقع من الأريال وأكيد بعد من كثر الغسيل لأن الغسيل عندي يومي الغسالة ما تبند كلش..وآنا قاعده أمشي على التعليمات كل شي حسب تصنيفه بالضبط والمدة نص ساعه أو أكثر حسب اللبس وشكثر محتاج تنظيف..عموما ما قصرتوا فديتكم وآنا بغير الصابون وأشوف

 

[رووح ابووها]

بس تصدقين ماحب اغسل الفوط بهالغساله احس ماينظفون

 

[قطوة@@]

فووق

 

[*kim*]

انا توني شاريه الاتوماتيك من شهر واحط فانيش وكمفورت وصابون برسيل والتوقيت 3 ساعات غسيل ودرحة الحراره 40 والدوران 800 والتنشيف كوايه تطلع الملابس نظيفه وريحه رووعه واوتي حاره اصفط واحط بالكبت بس

 

[سوسو حبيبتى]

شوفى انا من يوم ماطلعت ع الدنيا واحنا نغسل بالاتوماتيك لوول

عمري مالحظت الى بتقولي عليه .. بس يمكن لانك مجربه الاتنين حسيتي بالفرق

انا الى اعرفه ان الغسيل الحار كتير يضيع الالوان ويبوظ الملابس

ولحظت معلومه انتى قليتها وفعلا حصلت معايا

انا وصحبتي عندنا كارديغان مشترينه مع بعض

هي غسالتها عاديه وانا اتوماتيك

هي الكارديغان كانه جديد وانا لونه شووي باهت

والله اعلمممممممممم