خبيرات فرنسا واوروبا ساعدوني اول مرة بسافر ومعاي بيبي

[كوكتيل عسل]

صباح الخير عليكم جميعا

الخبيرات ف السفرر لباريس واوروبا ممكن تساعدوني

قررنا انا وزوجي انه نروح جوله ف اوروبا وراح تبدي رحلتنا ف باريس وبنمر جنيف وبعدها ماذكر المناطق اللي بنمرها لكن اللي اذكره من كلام زوجي انه اخر شي بتكون ايطاليا هو رسم لي خط سير الرحله بالخريطة لكن ما ركزت معاه

وبصراحه هذي اول مرة نسافر فيها لاوروبا

المهم سفرتنا بتكون من 28-10 الى 10-11

ومعانا ولدنا وعمره سنة وشهرين وليما الحين ما مشى

نصحوني باهم الشغلات اللي لازم اخذها معاي خصوصا انه معانا بيبي
وشلون عن جنًط السفر شنو الافضل؟
ووشسوي مع البيبي بالطيارة وهذي اول سفره له
وشلون عن اللغة لانه هذا الموضوع موترني

وبالنسبه للملابس بهالوقت من السنه شنو اخذ معاي لي وللبيبي وانا من النوع اللي بسرعه ابرد



هذي اهم الشغلات االلي فبالي الحين


وبكون شاكرة لكم

 

[ريشة بيضاء]

كان الجو في شهر 9 برد ومطر 000الحين الله يعيينج أهم شي دفي الصغير

 

[M&&R]

حبيبتي الجو رح يكون بارد انا كنت باوربا من اسبوع بدا موسم الثلوج تحديدا بالنمسا انصحك تاخذين ملابس شتويه بالنسبه للغه من تجربتي بالمانيا والنمسا لغتهم الانجليزيه مكسره يعني اي واحد يقدر يمشي اموره اتوقع كمان بباقي اوربا نفس الشي خذي معاك خافض حراره احتياط لان هناك ماتقدرين تشترينها من الصيدليه بدون وصفه موفقه حبيبتي

 

[كوكتيل عسل]

مشكورين حبيابي

الله يعينه عالبرد

 

[الـفـجـر الـبـعـيـد]

لازم تاخذين احتياطج بالملابس راح يكون برد خصوصا على البيبي

والادوية المضاد والادول للياهل والبندول لكم وفيتامين سي مهههم
هذي اهم الادوية اللي قالنا عنها الصيدلي لما سافرنا

ولا تنسين غطا بلاستيك لعربانة البيبي عن المطر

راح تتأذين شوي مع العربانة والياهل بالمواصلات والمترو بس سهالات ان شالله

اي والشنط حاولوا تخففون منها اللي تكون هاندباجات واسعه سحب ضروري
لانكم بتروحون اكثر من ديرة وبتنقلون اغراضكم وجناطكم خففوا قد ما تقدرون
احنا اخذنا جنطة كبييييييرة ما تنسحب مالت اول خخخخخ وتوهقنا بالقطارات والتنقل

بس بالنسبة للغة والاشياء الثانية ماراح تضيعون لا تخافون واااايد عرب هناك
بشكل ماراح تتوقعونه ان شالله راح يساعدونكم

وتصفحي موقع العرب المسافرون وايد وايد راح يفيدج كل شي موجود فيه

وسفرة موفقه وسعيده ان شالله

 

[Ryoomaa]

فرنسا اغلبها مغاربه وتونسيين وليبيين ماراح اتضيعوون باللغه وجنيف نفسها يتكلموون فرنسي ان سويسرا فيها 3 قطاعات في مناطق يتكلمون فرنسي ومناطق الماني ومناطق ايطالي
والجو ثلج وايد برد

 

[كوكتيل عسل]

مشوووورين فديتكم ما قصرتوا يزاكم الله خير