خبيرات فيزا لندن

[وايت هارت]

السلام عليكم

ماعليكم أمر ياخبيرات لندن عندي 3 استفسارات
1- بغيت اطلع فيزا للعائلة من سفارة لندن وحبيت اعرف هل الاطفال اللي اقل من 18 سنة لازم حضورهم للسفارة
2- وكم سعر الفيزا vip للاطفال هل السعر واحد نفس الكبار
3- وشنو افضل منطقة للسكن في لندن واذا عندكم عنوان شقق فندقية ماتقصرون
ومشكورين جزاكم الله خير

 

[أم ملاك الكون]

هلا وايت هارت لازم حضور الاطفال انا ابنتي 7 سنوات وصوروها وسوت بصمات يعني اجباري كل الاعمار لازم حضورهم

بالنسبه لسعر ال vip واحد لكل الاعمار 57 دينار زوجي دفع 171 حقي وابنتي وزوجي

بالنسبه للسكن بصراحه حنا اول مره نروح علاج ما اعرف شي

وعلى فكره ترا زحمه السفاره هالايام روحو بدري

 

[أم أنور]

اللي فوق الخمس سنين يروحون السفاره وسعر الفيزا للكبار والصغار نفس الشي

 

[الجمووووح]

انا توني واصله من السفاره من الساعه 9 وانا عندهم ولي الساعه 12 يالله خلصت
هذا وانا ماخذه في اي بي

اللي اخرني تعبئه الابلكيشن تحت وااايد يطول وبعدها تروحين فوق وتاخذين رقم وتدخلين انتي وحظج اذا في زحمه فوق

بس بسرعه تدخلين لان في 4 كباين

مووفقه

 

[وايت هارت]

ماقصرتو خواتي الله يعطيكم العافية

 

[وايت هارت]

بغيت اعرف لازم قبل نطلع الفيزا يكون معاي حجز الفندق وتذاكر السفر نفس السفارات الثانية ولا مولازم ؟
ومافيه احد يعرف عنوان شقق فندقية في لندن ؟

 

[أم ملاك الكون]

حنا خذو بس صوره من التذاكر لان حنا ما سوينا حجز فندق للحين

 

[الجمووووح]

اذا علاج او دراسه اتوقع لازم السكن


احنا سياحه ماطلبو منا



موفقه

 

[$$ ام فهد $$]

هلا اختي

السياحة مايطلبون شي لاتذاكر ولا سكن

وبالنسبة للشقق انا جربت هذي الشقة امان وقريبة بس الاثاث لج عليه شوي موذاك الزود وتحتها جمعية تيسكو وقهاوي الشارع امان وما عليه خوف

www.presidentalapartment.co.uk

وان شاءالله تعجبكم في استيديو وفي غرفة وصالة