خبيرات فينا او النمسا تعالوو

[داريني]

بنات قررنا انا و زوجي مع ولدي نروح فينا ان شاء لله على شهر خمسه

نبي احسن طيران وارخص شرايكم بالقطرية؟

جم يبي لنا ميزانية حق 12 يوم ؟

شنو المناطق الحلوة وفنادق؟

منو راحت متحف شوارفسكي ؟

فيها اماكن ترفيهيه حق اليهال ؟

عفيه بنات انا رحت لها وانا عمري 13 سنة
اكيد تغيرت عن الحين

الي عندها خبره تساعدني والله اني بدعي لها

 

[لولوهـ]

لاطوفين منطقة زيلااااااااامسي هي منطقه ريفيه يسمونها جنة الدنيا وصج هي جنه تروحين لها بالسياره تبعد تقريبا 3 ساعات عن فينا ولما تروحين لها اسكني في فندق ( سي هوتيل ) احلى فندق هناك الغرف اطل على البحيره

 

[داريني]

مشكورة حبوبه اي اتذكرها كانت حلوه وايد

بس ابي تكلفه يعني جم احط ميزانية؟

 

[3e6er alwrd]

والله شوفي اتوقع من 3500 الى 4000 مع تسوق خفيف وبالنسبه حق الطيران جكي على كل طيران وشوفي الارخص اهو على حسب الوقت والعروض وبعدين انا مع الاخت الي فوق روحي زل ام سي ويبيلها مو اقل من اسبوع واهي تبعد من فينا تقريبا خمس ساعات وفيها اماكن وايد فريتين لاند والزحلاقيه وقمه كابرون والبحيره وتقدرين تطلعين منها حق البحيرات الثلاث سانت قلقن و وولف قانق وموند سي وهم بعد اماكن ثانيه مو ذاكرتهم وبالنسبه للسكن انا افضل تسكنون بكابرون وايد اهدى واخذو شقه اشرح خصوصا ان معاكم ياهل واهي تبعد عن زل ام سي 10 دقايق وبالنسبه حق فينا اهي كلا شوبينج وتمشي على نهر الدانوب وفي ملاهي بلاتر ادري طولت عليج بس علشان تستفيدين

 

[ام مهاوش]

ارخص طيران وحلو بصراحه القطريه وعندج بعد االتركيه والهولنديه اهما ارخص شي

 

[عيمية^والقلب^كندري]

انا رحتها عالاماراتية اتزقع تذكرة لشخص 240 كانت حلوة الرحلة بس شوي متعبة من الكويت للامارات لميونخ وبتنا ليلة وحدة بميونخ والصبح خذينا القطار لزلمسي قعدت عشر ايام وبعدها رحت بادشتاين فوق الجبال بس ماعجبتني بادشتين لان خرمس مافيها وايد اوادم ولا اماكن ولا شي بس ارخص من زلمسي يعني ميزانيتج تتحدد حسب خطتج وين بتروحين ووين بتسكنين

يعني اذا انتي نفسي ماتسكنين الا بخمس نجووم طبعا مو تفلسف بس باوروبا يا تسكنين 5 نجووم يا بشري بالوصاخة والغربال وعموما زلمسي مافيها 5 نجوم كل فنادقها 4 نجوم وانا سكنت بجراند اللي عالبحيرة الليلة ب 90 دينار وسكنت بنيو بوست الليلة ب 60 دينار ومو ذاك الزوود لان اهم شي بزلمسي تاخذين فندق الفيوو ماله على البحيرة اما عندج بادشتين قعدنا بفدق 5 نجووم وايهبل وغرفته وسييعة اتينن ب 45 دينار بس وسوي حساب الرحلات اللي بتروحينها يعني يبيلج 3الاف ونص اعتقد

 

[داريني]

مشكورين بنااات

 

[بلسم جروح]

زيلامسي وسالزبورغ جنب بعضهم بينهم ساعه وربع تقريبا بالقطار

ومن محطة wein بفيينا الى زيلامسي 5 ساعات قطار

روعه وفعلا جنة الارض ابداع الهي

بس تدرين ان القطرية اسعارها بقطر نااااااااااااااار

وقبل كنت اشوف القطريات يقولون هالشي وما ادري ما دش ببالي

ولما جيت قطر واقمت فيها انا كويتيه مقيمه بقطر ادرس

وصرت احجز وااااااااااااااااااي صج صج تفرق عن اسعار الكويت !

شي غريب فعلا ! يعني توصل للدبل

بس طالما انتي بالكويت اوكي

القطرية حلوة بس اذا صادفتج الطيارات الجديده روعه لكن اذا الطيارات القديمه بتكرهين عمرج



سي هوتيل رووووعه وبعده يجي جراند

وجراند هذا كرهت عمري بسبته بسنة 2007 الفندق كان كله فيران

 

[داريني]

مشكووورين بنات وايد نفعتوني