خبيرات لندن تعااااالواا

[ام لجووونه]

مرحبا بنات...
اللي عندهم خبره بلندن عندي سؤال ماعليكم امر ...
انا ناويه اروح لندن شهر 9 ودي اعرف جم يكفيني مصرف عشان ارتب ميزانيتي انا بروح مع ريلي وعيالي 3 نبي سياحه وتسوق بس ماني عارفه اشكثر لازم تكون ميزانيتي ؟؟؟؟؟؟!!!!



عطوني رااااايكم

 

[الدلال]

اول شي لازم تحجزين مبجرعلشان كل ما حجزتي مبجر كان ارخص

حددي الطيران والفندق اختاريه وهذا بروحه له ميزانيه

وتالي حطي ميزانيه للاكل والتشري والرحلات

ترى لندن مكلفه خصوصا اذا معاج يهال وتبين تسكنين بالعاصمه

 

[ام لجووونه]

مشكوووره حبيبيتي بس انا اول مره اروح عشان جذي ابي اعرف بحدووود جم ؟؟؟؟

 

[زهرة البرتقال]

جوفي حبيبتي اول شي المدة جم يوم
واذا تبين تحجزين فندق دخلي على موقع وايد حلو راح يساعدج حق الفنادق اسمه booking.com
اسئلج ريلي عن الاماكن السياحية لان كان يدرس هناك وان شاءالله ارد عليج باقرب وقت

 

[دلوعة أبوهآ]

اهم شي خلصي من حجوزات الطيرآن والسكن
لآن هذول اغلى شي وهم اللي رآح يكلفونكم كثير ..


والمصاريف اليوميه تعتمد عليكم !!

 

[الشوق يجيبك؟؟]

شوفي أغلى شي بلندن السكن والباقي يهون سوقهم ومطاعمهم أرخص من عندنا في بعض المطاعم العربية غالية شوي وفعلا ميزانيتك على حسب المدة اللي بتجلسينها ومصاريفك ومشترياتك انتي اخلصي من التذاكر والسكن والباقي سهالات
واي سؤال أنا حاضرة عشت في لندن سنين​

 

[om l3yal]

حبيبتي انتي اذا حجزتي التذاكر من الحين تكون ارخص واااايد وحجزي ليلة بفندق ودوري شقة من هناك اذا حابة تقعدين بشقة
والميزانية حبيبتي تفرق من شخص لي شخص انا لو تعطيني ميزانية مفتوحة هم ماراح تكفيني غيري تعطينها الفين تزيد معاها فهمتيني
عموما حطيلج مصرف اكل وسياحة الفين وتكونين رااااهية فيها وشوفي انتي شنو ميزانية سوقج

 

[ام لجووونه]

مشكوووورين ماقصرتوا كلكم *

 

[زهرة البرتقال]

السلام اشلونج جبتلج الاماكن السياحية الي بلندن:
1-قصر بيكهام
2-متحف الشمع
3-لندن اي
4-لندن zoo
5-ريجنت برك
6-هايد بارك

وان شاءالله تنبسطوووون

 

[krkosha]

انا قعدت اسبوع صرفت ٣٠٠٠ وشخصين انتو معاكم يهال ولحد يقولج رخيصه كل شي غالي اذا بطل الماي بدينار وشي

 

[MissChoco]

اول شي حبيبتي حجزي سكن وطيران وراح يكلفج يعني الفندق حق 10 تيام غرفه وحده اذا فندق زين وبدون ريوق على حد الـ1000 للغرفه الوحده
وفي فنادق تلاقينها ابـ500 بس شوي بعيده
عندج فنادق مادري ماجربتهم الي بشارع الكنزوي عالهايد بارك بس بعيده عن الاكسفورد تقدرين تركبين باص وتروحين الاكسفورد
والتكاسي مستحيل تركبينها لانه مشوار بو دقيقتين يرصج ابـ5 باوند وايد غالي

نيي الحين حقج انتي وعيالج يعتمد جم يوم بتقعدون؟ ,, يعني انتي نوعد تشترين او عادي عندج والرحلات جم رحله بتروحون وجذي
مانقدر انحددلج