خبيرات لندن عففففيه تعالوا ؟؟؟؟

[عالية2012]

السلام عليكم ..



ان شاء الله ناوين نروح لندن انا وريلي وخالتي ام ريلي وعيالي 3 بسن مراهقه



اولا الرحلة سياحة وفحوصات حق خالتي ام ريلي اهيا الكلى شوي تعبانه عندهافأبي منكم احسن مستشفى فحوصات ومختص بالكلى وطبعا ابي اعرف جم يبيلها يعني تفحص وجذي !!



ثانيا نبي شقة حلوة ونظيفة وتكون بالسنتر بس اهم شيء قريبه من الهايدبارك يعني تقدر خالتي تروحلها مشي بريولها ؟؟ لان الكل يقول تكاسي لندن نار مشعلله





انا وعيالي اذا بمشيهم نبي نروح كل المعالم ونبي نروح شوارع ثانيه غير شارعالعرب ابي شارع فيه قهاوي حلوة وتكون قعدته تشرح الصدر كل هذا شنواختار وسيلة النقل باص ميترو ولا شنو وابي اعرف الطريقة بالتفصيل اخاف اضيع اناحدي خوافه واول مرة ازور لندن ؟



اذا بسوي شوبنق حقي بروحي ماركات وغيره جم يبيلي ميزانيه مع العلم بنقعد 20يوم الا 25 يوم تقريبا جم بالظبط يبيلنا من شقة ومصرف ومشترى



شنو احلى اوت لت ؟



ابي مدينة العاب للعيال تكون حلو نفس ديزني وقريبه ؟



واذا بطلع برا لندن وين اروح مانشستر ولا برايتون ؟ ابي اماكن كلها طبيعة؟؟؟

وشلون طريقة القطار من وين ايب التذكرة وجم سعرها ؟



مطاعم مو سريعه يعني حلوة ومو حيل غالية ؟؟ ابي شيء يديد وحلوه ابي الف لندن لف بس مشكلتي ماعرف وقاعدة اقرا تقارير هالبنات ولافهمت المحطات ولاشيء وايد صعبة



والماجله ايب وياي ولا اشتري من هناك ؟ وبليزز عفيه شنو سالفة التاكس فري



ابي الذ ايسكريم بلندن ؟؟ انا شفيني على الاكل ههههههههههههه


بنات واللي يعافيكم انا اخاف ماتكفي فلوسنا ونتوهق ابي نسبة تقريبيه يعني اذا بنقعد 20 يوم واحنا 6 3 كبار وعيالي 3 مراهقين بنتين 15 و16 وولدي بو 13 سنه ؟ 5 الاف تكفي

الشقة والمصرف اكلنا وتمشيتنا حدود جم ؟ وام ريلي الفحص بس الف تكفي ولالا

مالي غيركم ياكويتيات شوروا علي ؟؟؟؟

ومشكورين ناطرتكم :yaaaaaarb:

 

[!amorra!]

20 يوم بلندن وحزه الاولمبياد الخمسه ماتكفي!!

الشقه قبل الاولمبياد تطلع عليج باردى مكان بـ700 دينار بالاسبوع!

التمشي والالعاب يبيلها ميزانيه لانها غاليه وراح تصير اغلى وااايد لان حزة الاولمبياد

مو بس السياح اللي برا راح اييون لندن كل بريطانيا راح تروح لندن تخيلي الزحمه والاسعار

انا هذا رايي وان شالله البنات يفيدونج اكثر

 

[عالية2012]

وييييي حبطتيني بس شكو الاولمبياد احنا نبي شهر سته والاولمبياد يبدون برمضان خلاص عيل 15 يوم حلو ؟؟؟

 

[!amorra!]

والله مادري

بس يتراوالي شهر سته اهون بس يقولون زحمه لان في ناس هم جدموا سفرهم عشان الالولمبياد

بس نصيحه شارع العرب زباله ماانصحج فيه

خليج عالاكسفورد معروف كله كويتيين كله كافيهات ومطاعم ووافلز وكوكيز وايسكريم على كيف كيفج

وفيه السلفردجز اللي اهو نفس الهارودز بالضبط فوق تلقين فيه كافيهات ومطاعم هنديه وغيره

تقدرين تروحين برايتون وحتى مانشستر موطبيعيه

وفي الـ lake district

اللي اهي منطقه البحيرات بس موطبيعيه تقدرين تروحين لها بالقطار

ولا تنسين حديقه الحيوانات مالتهم موطبيعيه


الاوت لت ببستر فيلج تطلعين لها بالقطار

انصحج طلي على منتدى سفاري ومنتدى المسافرون العرب وشوفي تقارير الناس انا وايد فادوني يعطونج كل شي بالتفصيل

وموفقه وياليت البنات يفيدونج اكثر مني

 

[نـعـومـه]

انا موخبره بلندن بس اللي اعرفه مايكفي ٥٠٠٠ حق

اعتقد ٥٠٠٠ تكفي واحد ومرته بس هذا تذاكر وسياحه وحجوزات مو تسوق تسوق بعد لان حلاته الميزانيه زينه موحلو مسافرين وفلوس حده حده

 

[عالية2012]

نعومه اختي لا طبعا بدون التذاكر والفيز كلها برا ال5000 انا اقصد ان تكفي لسكن والتمشي ولالا لان ميزانية التذاكر والمشترى بروحهم فهمتي علي ؟

 

[نـعـومـه]

اذا جذي زين ان شاءالله تكفي

 

[jen2n]

لما ارجع من الدوام اقول لج عن كل شي

بس بنات بفهم الأجانب عندهم فلوس يقعدون بالفنادق شهرين علي ما تبدي الالومبياد !!!؟*

 

[عالية2012]

صاجه جنان شيقعدهم هذيلا شهرين قبل الاولمبياد مستحيل وناطرتج يلا

 

[jen2n]

اولا الرحلة سياحة وفحوصات حق خالتي ام ريلي اهيا الكلى شوي تعبانه عندهافأبي منكم احسن مستشفى فحوصات ومختص بالكلى وطبعا ابي اعرف جم يبيلها يعني تفحص وجذي !!

بصراحه بخصوص الفحوصات والمستشفيات ما اعرف عنها شي


ثانيا نبي شقة حلوة ونظيفة وتكون بالسنتر بس اهم شيء قريبه من الهايدبارك يعني تقدر خالتي تروحلها مشي بريولها ؟؟ لان الكل يقول تكاسي لندن نار مشعلله


شقة حلوة ونظيفة عندج شقق الكبرلاند الفندقية غرفتين وحمامين وصاله 274 باليوم على موقع بوكينق




انا وعيالي اذا بمشيهم نبي نروح كل المعالم ونبي نروح شوارع ثانيه غير شارعالعرب ابي شارع فيه قهاوي حلوة وتكون قعدته تشرح الصدر كل هذا شنواختار وسيلة النقل باص ميترو ولا شنو وابي اعرف الطريقة بالتفصيل اخاف اضيع اناحدي خوافه واول مرة ازور لندن ؟

شوارع عندج كينقستون وبيكاديلي ونايتس بيردج واكسفورد سيرسكس بوندستريت مالتون ستريت سالون ستريت كوفنت جاردن بس شرط تروحين له يوم الاحد شبردبوش
افضل شي الميترو والباصات بس عن نفسي الميترو لان يقطج بالمحطه اللي تبينها والمكان اللي تبينه وطبعا ارخص بوايد من التكاسي

اما عن الطريقة سهلة لما تنزلين بالدرايات من المحطة تروحين ورا الناس عاد يصير بويهج لوحتين تدورين المكان اللي تبينه وتروحين صوبه عاد ايي القطار وياخذكم لما تسمعين اسم المحطه اللي تبينها تنزلين وتروحين ورا الناس لما تطلعين بالمحطه وبالرده نفس الشي



اذا بسوي شوبنق حقي بروحي ماركات وغيره جم يبيلي ميزانيه مع العلم بنقعد 20يوم الا 25 يوم تقريبا جم بالظبط يبيلنا من شقة ومصرف ومشترى

يبيلج مصرف 5 الاف دينار



شنو احلى اوت لت ؟

بيكستر فيلج عن طريق ماربليون ستيشن



ابي مدينة العاب للعيال تكون حلو نفس ديزني وقريبه ؟

عندج التن تاور او ثورب بارك وتاخذين من مكاتب موجوده باجوردرود يكونون حاجزين لج كل شي


واذا بطلع برا لندن وين اروح مانشستر ولا برايتون ؟ ابي اماكن كلها طبيعة؟؟؟

الاثنين حلوين لا يطوفونج بس مانشستر قعدي فيها 5 ايام وبرايتون خليها يوم واحد
وعندج بلاك بول بعد راح يستانسون فيها اليهال

وشلون طريقة القطار من وين ايب التذكرة وجم سعرها ؟

سعر التذكره تقريبا على عدد الاشخاص 100 دينار



مطاعم مو سريعه يعني حلوة ومو حيل غالية ؟؟ ابي شيء يديد وحلوه ابي الف لندن لف بس مشكلتي ماعرف وقاعدة اقرا تقارير هالبنات ولافهمت المحطات ولاشيء وايد صعبة

مطاعم وايد موجودة باجورد رود وعندج بسلفردج ويست فيلد وهارودز وبشبرد بوش مطاعم حلال



والماجله ايب وياي ولا اشتري من هناك ؟ وبليزز عفيه شنو سالفة التاكس فري

لا كل شي متوفر اهناك ولافيها وايد منتجات عندنا بأجورد رود بالبقالات



ابي الذ ايسكريم بلندن ؟؟ انا شفيني على الاكل ههههههههههههه

برد فوقه فليك لذيذ هههههههههههه وتلقينه وايد يبيعون منه بالشارع


بنات واللي يعافيكم انا اخاف ماتكفي فلوسنا ونتوهق ابي نسبة تقريبيه يعني اذا بنقعد 20 يوم واحنا 6 3 كبار وعيالي 3 مراهقين بنتين 15 و16 وولدي بو 13 سنه ؟ 5 الاف تكفي

ايه تكفي ان شاء الله

الشقة والمصرف اكلنا وتمشيتنا حدود جم ؟ وام ريلي الفحص بس الف تكفي ولالا

5 الاف دينار بس من غير الفحوصات

 

[عالية2012]

يعطيجج العافية جنان ماقصررتي

بس مو جنا ال270 حق اليوم الواحد غالية شوي انا ابي الحجز بالاسبوع ويكون ارخص من جذي ؟

وبالنسبة حق الميترو ليش الباصات احس اسهل بوايد اركب الباص اللي يوديني واي منه وااي مادري احترت هههههههه

انا لما بروح مدينة ثانيه بروحلها من الصبح وبرد باليل يعني حدنا يوم واحد ابي اللي طبيعتها تينن شنو ؟ الاغلب يمدح برايتون

بس ماعرفت جم سعر التذكرة حق الشخص الواحد بس ؟؟

مدينة الالعاب ايهم الاقرب التن تاور اوالثورب بارك ؟ مابي بعيدة حيل



بليز خبيرات نبي خبرتكم

 

[jen2n]

مو تعتبر احسن شقه كموقع ومن ناحية النظافه يعني الشقه تكون بالوسط يمينج شارع اكسفورد ويسارج شارع اجورود طبعا كله مشي

الباص لازم تعرفين ارقامها يعني مثل باص رقم 9 يوديج هارودز وتاخذينه مثلا عند باب محل اسمه بريمارك

وكل شوي لازم تسألين راعي الباص احنا وين لان يوقف بكذا مكان

وبالرده ما توقفين عند المكان اللي حدرج منه الباص

لا تاخذين الجهه المقابله

فأحسه وايد لويه من جذي افضل الميترو

مانشستر تبعد عند لندن ساعتين ونص يعني لو بتاخذين قطار من الصبح وترجعين العصر حلو بس ما يمدي تروحين كل مكان

اما برايتون كافي يوم واحد وفيها طبيعه حلوه

يعني تقريبا 20 دينار اذكر احنا كنا 7 اشخاص كبار طلع علينا 140 دينار كلنا

يبعدون مدن الالعاب 50 دقيقه لان اهم قراب على المطار مو برا لندن

 

[عالية2012]

ابي شقة خطوتين من الهايد بارك ؟؟

 

[jen2n]

مو هالشقه تكون جبالج الهايد بارك

 

[عالية2012]

اي بس وايد غاليى باليوم 270 عيل جم بالاسبوع انا ميزانيتي للسكن حدها الفين ؟ وانا بودي اقعد 20 يوم بس على جذي ماقدر حدي اسبوعين

ماكو غيرها شقق ارخص مو شرط تكون جبالها البارك يعني قريب شوي واذا كلش كلش مشي ثلاث دقايق

ابي شقة نظيفة بس مو حيل غالية وموشرط فندقيه يعني سعرها بالاسبوع بحدود 500 ؟؟؟؟؟؟؟

 

[jen2n]

اخذي لج اسبوعين بفندق واسبوعين بشقه

اما 500 دينار شقه بلندن وبالصيف ماكو

اردا شقه 700 دينار بالاسبوع وتكون آخر اجورد رود

ويبيلها تنظيفات بعد

 

[لندنية]

الاخت جنان كفت ووفت بالرد ع كل الاسئلة والاستفسارات
من الحين بدت التحضيرات للاولمبياد وخاصة شركات المواصلات بدت تطرش لنا
ايميلات ورسايل بخصوص الازدحام الي بيصير توه وصلني هالايميل منهم
I am writing to advise you that during the Olympic and Paralympic Games, London will be turned into a massive sporting and cultural venue.

With tens of thousands of Olympic athletes, officials and media and millions of visitors and spectators here, this means that roads in central London, around venues and on and around the Olympic and Paralympic Route Networks (the ‘ORN’ and ‘PRN’)

يقولون ان هالفتره راح تكون ازدحامات خاصة اكيد سمعتوا في ناس بتنصب خيم وكرفانات بالشوارع وبالنسبة للاسعار تخيلو ابسط شي شركات الاتصالات بدت تطرش مسجات وتقول انها خلال الاولمبياد تتزيد اسعار المكالمات من هني وقيسوا

وانشاءالله الله يرد لكم خالتج بالسلامة ويشافيها لكم

 

[jen2n]

عادي خل تصير زحمة المهم نسافر ونغير جو ويقولون الجو هالايام برااااد ومطر حلووووو

 

[حنانك سر حبي]

متي تنتهي هالاولمبياد

 

[عالية2012]

ويييي ضيقوا خلقي على الزحمة والاسعار ناااااااار عيل شنسوي احنا شحقه يطيرون قبل الاولمبياد بشهرونص هذيلا شفيهم