خبيرات ماليزيا تكفون سااعدوني ما عندي وقت

[مزون203]

السالفه اني بروح ماليزيا لاول مره انا وزوجي وبنتي وحماتي اخت زوجي
بروح على القطريه يعني مو دايركت بعدين بطير من كوالالمبور لبينانغ على طول بقعد فيها من 16\6 الى 19\6 يعني اربه ايام بعدين بنروح كوالالمبور لين تاريخ 28\6 يوم الرجعه من السفر اللي ابيه 0000000
شسوي ببينانغ وين اروح يعني عطوني جدول بكل ما فيها وكوالالمبور بعد
بنات انا اختصرت السفره على هالمنطقتين عشان استانس فيهم عدل دلوني على كل مافيهم
وفيه استفسار بالنسبه لصن وي لاجون شفت له صور ومت عليه اقدر اروحله وانا بكوالا وارد بنفس اليوم وكم المسافه بينهم ولا اروحله قبل كوالا
تكفون بنات ساعدوني انا اول مره اسافر

 

[حـلا و ذوق]

بخصوص كوالالمبـور ..

اول شي نبدي بالسكن :

انصحج تسكنين بـ شارع العرب :

من ناحية الفنادق ارشح لج افضل 3 .. اولهم ( الملينيوم ) اللي سكنت فيه كموقع ممتااااااز وحلو ونظيف ومعاملة ومن كل النواحي ..

وعندج هم ( الماريوت ) و ( الويستن ) ماجربتهم لكن ناس وايد تمدحهم بس اقدر امدح لج اياهم كموقع لانهم تقريبا قبال الملينيوم

.

.

بخصوص المجمعات :

فيه مجمع وايد راقي على يسار الملينيوم ( البافليون ) اموووت عليه ودايما نسهر بالليل فيه بالسينما .. فيه محللات ماركات وايد .. ويعتبر من المجمعات الراقية ..

قبال الملينوم هم فيه مجمع بي بي .. مجمع صغير ورخيص ..

وبعد بي بي تاخذين لفه يسار وبعدين يمين بتشوفين مجمع التايم سكوير .. هم مجمع كبير وايد فوق ال 6 طوابق ويعتبر رخيص ..

وهم فيه مجمع وانتي راجعه من مجمع التايم سكوير تشوفيه اظن اسمه سانغ وانغ .. كلهم يم بعض وقراب تقدرين تركبين تاكسي وتقولين له يوريج كل المجمعات اللي بهالمنطقة .


وفيه السوق الصيني الـ chaina town كله تقليد ماركات من ملابس وجواتي وشنط ... والخ ..
يعني تقريبا ربع ساعه الى ثلث ساعه من شارع العرب لين عنده ..

عندج مجمع سوريا .. مجمع بالقرب من البرجين يعتبر من المجمعات الراقية وفيه سينما ..وقريب منه الاكواريوم ( عالم ماتحت الماء ) حلو للياهال يشوفون الكائنات الحية بالبحر ..
واذا تبين فندق قريب منه عندج فندق تريدرز ..

من ناحية المطاعم :

وعلى يمين الملينيوم فيه مطعم الطربوش .. ومطعم ايراني جربيهم اثنينهم انصحج فيهم ..

وقبال الملينيوم فيه مطعم بلانيت هوليود هم انصحج فيه ..

وفيه مطاعم الفاست فود مثل كنتاكي ومكدونالدز وبيتزاهت .. بنفس الشارع ..

وفيه مطعم اسمه خيمة الصحراء شوي يبيله تدورينه وايد حلو .. جربي البرياني اللي عنده
.

.


بخصوص صن وي لاقون

يااااعمري عليها فاتتني .. رحت لها بالليله قبل الاخيرة .. وماكنت ادري عنها وانها حلوة جذي :krkrkr:

انا رحت ليله وحدة هناك نمت فيها .. ( مو شرط تنامين تقدرين لو تروحين كل يوم وترجعين تقريبا ثلث ساعه من شارع العرب بس قررريبة حيل
قعدت بالمسابح من الصبح لين المغرب .. ورجعت ابدل ورحت بعدين المجمع تعشيت وباخر نص ساعه لحقت ع السوق يااحلووووه احلى مجمع بماليزيا كلها ..
يعني اقل شي يبي لها يومين مبيت او انج تروحين لها كل يوم .. لانها تعتبر من ضمن كوالالمبور ..



.

.
ولو تبين منطقة باردة وحلوة ومرتفعه تشوفين الغيم حولج .. عندج جنتج .. فيه ناس تروح لها وترجع بنفس اليوم ..
بس انا هم نمت فيها ليله .. روووعة واهي تعتبر منطقة العااااب
ياخذ لج الدرب ساعتين من كوالالمبور لحد جنتــج


.

.


بخصوص بينانج ..

ماعندي فكرة عنها لاني مارحت لها كونها بحر .. لاني كنت رايحة بوكيت ومن بوكيت لماليزيا

.

.


اي استفسار انا حاااضرة وان شاء الله اكون افدتج :eh_s(6):

 

[مزون203]

يعطيج العافيه حبيبتي والله يوفقج افدتيني حيل مو شوي الله يبارك فيج

 

[حـلا و ذوق]

الله يعافيج
وحاضرين دايما

 

[bant_q8]

يسلمووووووووووووو

 

[lolo6688]

بيننغ فيها مجمع كبير قد الافنيوز واكبر بعد مو ذاكره اسمه عدل اعتقد كوينزي شي جذي بس اهم يعرفونه لان يديد
وفي مجمع ثاني اسمه جيرني بلازا ويم المجمع فيه مجموعة مطاعم حلوه منها شيليز وستاربكس واايد بعد
ومناك قعدت بفندق باي فيو بيتش بس الغرفه باايخه وقديمه بس القعده بره عالبحر والمناظر حلوه - بس في فنادق يديده واحلى منها سألي عنها
وعندهم مناك السوق الليلي تقريبا يكون قبال الفنادق اكثرهم وهالسوق فيه اكشاك يبيعون سوالف وفي مطاعم عربيه

اما كوالا
فأحسن شي تقعدين بشارع العرب كل شي قريب منج مجمعات ومطاعم
وسن واي لاقون نفس اكوابارك ومدينة ملاهي كبااار وفي فندق فيها بعد اهي مو بعيده ربع ساعه طريج من شارع العرب يعني تقدرين تروحينلها الصبح وتردين بليل بس ديري بالج لايكون يوم عطله لان زحمه موت
وروحي جنتنغ تهبل منطقه جبليه تبعد ساعه من شارع العرب ويصير تروحينلها بتكسي او باص او تلفريك
الجو مناك وايد حلوو المدينه بنص الغيوم والجو بارد وفي فندق انا انصحج تنامين يوم مناك عادي نفس الوقت الي تروحين حجزي
المدينه عباره عن ملاااهي كبييييير ومجمع وسوق ومطاعم وسينمات
بس الجو مناك حلوو ويستاهل الزياره
واي سؤال حاضرين

 

[@احلى عسوله@]

اول ماتنزل الطيار وتنزلون القاعه بتلقون مثل مترو النفاق يمشي
ركبوه على طول لانه يطول لين يجي مره ثانيه عشان تروحين لمطار ثاني تخلصين فيه كل امورك
وانا انصحك اول ماتوصلين المطار تاخذين تاكسي المطار لاتاخذين ليموزين لان السيارات
مو جديده ومو مريحه
واشتري على طول من المطار شريحه اتصال وتقدرين تشحنينها من اي بقاله
لانه ارخص من استخدامك الجوال حقك
بالنسبه لكولالمبور انا انصحك بالسكن بالمليينيوم لانه روعه
وخدمتهم ممتازه
وحوله اكثر من اربع مجعات ماتضيع وتروحين لها مشي
مايحتاج سياره
وكل شي حولم بقاله وصيدليه بس يبيلك تمشين شوي
حتى الكلينك موجود وقريب على الفندق يعني موقع مريح
وفي اذا طلعتي من الفندق ومشيتي يمين مطاعم حلوه
في مطعم مغربي اسمه طاجن مره لذيذ اكله
ويطلع من الفندق تور اتوقع اسمه21 بعد حلو
ولازم تروحين ستي تور لانه حلو تروحين اهم الاماكن في كوالالمبور وقصر الحكم
وفي بعد معبد يسمونه باتو كيف مره حلو وروحي بعد الحي الصيني عنده بضاعه مخفضه حلوه
واذا تحبين الشنط اللي مصنوعه من الجلد الطيبعي روحي لفاكتوري الشنط مره حلو واسعاره مناسبه
والشلالات بعد بس انتبه تمشون داخل الشلال لانها مره زلقه
وحديقة الحيوانات والزهور حلوه اذا تذكرت شي بقولك
واذا جيتو بترجعون طلعي من الفندق قبل 3 ساعات لاته بعيد
انشاء الله تستانسين....
وترجعين بالسلامه..

 

[ترووفه]

اي والله بنااااات ساعدونا

نبي نحجز بس للحين ماعرفنا شنو احسن شي بالضبط من فنادق ومطااعم

 

[مزون203]

لولو واحلى عسوله يعطيكم الف عاافيه والله استفدت منكم
تروفه اشاء الله نتوفق كلنا بسفرتنا خليها عالبركه احسن
انا بروح بيننغ 3ايام حجزت بفندق براديس من مكتب سفريات ولما شفته بحجز النت طلعوا ناصبين علينا بس انا ادور المضمون لاني بوصل هلكانه من الطيارات اما بكوالا بحجز مناك ارخص باخذ ليلتين بصن وي لاجون ويله بجنتنغ وللحين مو مرتبه افكاري
يعطيكم العافيه بنات

 

[معلمة انجليزي]

الله يهنيك ياعمري و تروحون وتردون بالسلامة
البنات ماشاء الله ماخلوا شي بردودهم
في بيننغ عنك جزيرة القرود او شاطيء القرود انا صراحة اعجبتني بس اختي راحت قبل سنة و ماأعجبتها و انتي و كيفك يعني شي مو ضروري.
و عنك سوق الليل وأنا كنت ساكنه بالهوليدي ان اللي هو بنص سوق الليل فية اكثر شي الاكسسوارات ( تراكي ال4 ب10 رنجت) و اساور رخيصة و تحف و شمعدانات رهيبة و ملابس رخيصة بس عادية و الساعات و الجناط غالية في بيننغ.
انا صراحة مارحت لا لحديقة الفواكهة و لا البهارات و لا غيرها لان اختي قالت ماتسوى!!!!!!! أنا عني قعدت يوم كامل بالفندق و بنتي شبعت حمام سباحة........
و عندك بكوالالمبور تقدرين من الفندق تروحين لسن وي لاقون من الصبح لي المغرب و بعدين تروحين مجمعهم ( سن واي براميدا) و ترجعين بالليل ( من شارع العرب لسن واي لاقون يمكن نص ساعة بس)
تقدرين هم بيوم ثاني تروحين ماينز وندر لاند ( فيه النافورة الراقصة و عرض الليزر و رقصة السكان الاصليين اكثر من مدهش) و ماينز شوبنغ فير فيه محلات حلوة ورخيصة و بالطابق العلوي فية كشكات حلوة
و اليوم الثالث روحي klcc البرجين التوأم بس لازم زوجك يروح الساعة 8 او 8:30 عشان يحجزلكم تذاكر للجسر اللي بين البرجين و التذاكر مجانية.
وتقدرين بهاليوم تروحين لاي مجمع تمشي فية لحد مايجي وقت تذكرتكم بعدين اصعدوا البرجين ولما تنزلون تمشوا بالمجمع وبعدين روحوا خلف المجمع فيه بحيرة صناعية او نافورة كملوا معاها للجسر اللي يمر فوق النهر و عدوه تلقون وراه حمام سباحه للجهال و ايضا مدينة العاب (زحلاقيات و ديارف و تسلق مجانية تلعب بنتك لحد ماتزهق)
ترى كنتاكي و بيتزاهت يوصلون اسألوا عن رقمهم و اذا تعبانين دقوا عليهم.
خلي يوم كامل لجنتق و يوم ثاني لأفاموسا
خلي يوم تروحين ميجا مول الصبح و العصر السوق الهندي و سوجو( يبعد عن الهندي شارعين)
اكثر مشترواتي من البي بي بلازا ( فيه احسن محل أحذية بحياتي دخلته vincci السعر تراب وكانت اغلى شحاطة ب 59 رنجت بس جودة والكعب ثابت و مايخترب بسرعة يعني مال كرف و الالوان طبعا غريبة عجيبة) و البي بي بلازا مفتوح من وراء على سوناي وانغ واللي فية يمني يبيع انظف بخور بماليزيا
و طبعا عندك التايم سكوير رهيب وفيه ماركة sembonia و carlo rinno اللي الحين هابين فيهم خصصوصا الاخيرة اما ماركة bonia ماانصحك فيها لان تقليدها انتشر بالكويت و غالية ماتسوى اما الماركتين اللي قلت عنهم من نفس الشركة بس نا يجون الخليج احتكار بشرق آسيا. و طبعا عندك الصيني china town فية ساعات رهيبة تصلح هدايا ب 10 رنجت و انا اخذت للبنات على باربي و للاولاد بولغري! و هدايا فكاسرته و اخذته ب 7 رنجت و ايضا عنك الجناط التقليد بس اذا قال 100 قولي 40 و اذا مارضى امشي و راح يناديك مثلا يقول 70 قولي انا قلت 40 وراح يرضى وكلش كلش زيدي 5 رنجت بس اكسريهم بالسعر لانهم نصابين و في عندهم تي شيرتات ماركات و جواتي و غيرها بس لاتهاوشين معاهم و لاتتفقين على سعر و تكاسرين وبعدين تقولين خلاص هونت لانه احتمال يطقونك انا بالسوق الصيني ما واجهت اي مشاكل بس مرة مريت على واحد وقال come come Look و لما سمعت السعر قلت لا و مشيت بأدب فعصب و رحت للمحل اللي جنبة و ظل يتحلطم فرديت له و قلت له Why do you say that? you said come and look and that what i did why do you say come and then you become angry فطبعا لما شافني اتكلم اجليزي عدل و بكل ادب رديت علية خق و خاف وسكت.

 

[gardenia.79]

اي والله بنااااات ساعدونا

نبي نحجز بس للحين ماعرفنا شنو احسن شي بالضبط من فنادق ومطااعم

شوفي يا عمري بالنسبة للفنادق ارشح لج بكوالالمبور وستن والماريوت والميلينيوم - وبالنسبه حق صن واي لاجون سكني بالفلل حدها روووووعه وهذه صورتها - في 3 انواع حمام سباحه خارجي وداخلي وداخلي مع شلال وانا خذيت الخارجي

وبالنسبه لجزيره بيننج ارشح بارك رويال الصراحه اينن وجزيره لانكاوي سكني في وستن لانكاوي الفيلا اللي عالبحر اتينن وما تطلعين منها وهذه صورتها من النت لأن صوري شخصية

لا يطووووفج حدها كووووول ورومانسيه :hjy5jewf:
اما المطااااااااااااااااااااااااعم - الصراحه ماليزيا كل مطاعمها روعه ولا تنسين ابمجمع صن واي لاجون ونديـــــــز روووعه وابشارع العرب مطعم ناب الايراني اينن

 

[أحلى^حياه]

gardenia
بسئلج صن واي لاجون شنو بالضبط وايد اسمع عنه؟
هل هو فندق او منطقة أو منتجع ؟؟؟ لاني دورته مع الفنادق ما لقيت
واذا تعرفين اسمه بالانجليزي عشان احجز بالنت

وشكرااااااااا

 

[أوتار الحنين]

Angel sunway lagoon pyrmid بجنن عنجد لاااااااازم تنزلي فيه ليلتين لإنه غاية في الروعة وهو عبارة عن فندق ومنتجع وثيم بارك ومجمع تجاري كبر الأفينوز مع بعض الفاصل بين المجمع والفندق باب داخلي ومن الباب الرئيسي للمجمع بتنزلي على المنتجع عبارة عن حمامات سباحه للأطفال وللكبار ومدينة ألعاب حلوة وفي بعد قفص النمور وشلالت وأروع شي لعشاق المغامرة الجسر المعلق موجود تحت في الثيم بارك طولة تقريبا كيلو بتمشي عليه وتحته بحيرة عجييييييييييييييييب وبالنسبة للإفطار إفطار الفندق منوع وحلو أكلهم أغلبه شرق آسيا لكن لذيذ ويستحق وداخل المجمع في مطاعم واااااااايد متنوعه صيني هندي إيطالي أمريكي عربي كل شي موجود عندهم رهيب رهيب رهيب ونصيحة لازم تروحيلهم وهدا عنوانهم
http://www.sunwayhotels.com/

 

[دمع القلوب]

يووووه يووووه يووووه يا ماليزيا
رحتلها مرتين وما مليت ولا راح امل
يا حلوها
شوفي اختي بقولج شي راح تذكرينه بالسفره واهي عباره عن نصيحه
استمتعي بكل ثانيه بماليزيا وبما انها اول روحه لج لهالديره فراح تكون رحلة العمر وما رح تنسينها<<<<<حدي متاثره
ثاني شي وهو الاهم قومي من الصبح نزلي تريقي بالفندق وشوفي الجو الرهيب
وكثرررررررررررري من الصور >>>>>>نصيحه ما رح تندمين عليها
لا تخلين مكان ما تروحيله
تمشي بالشوارع شارع شارع>>>>> مو قلتلكم متاثره وحيل بعد
انا استغربت من البنات ما اذكرو فندق تايم سكوير
ومجمع تايم سكوير يجججججججنننننن للهدايا
ونصيحه لا تخلين شي بخاطرج ما تاخذينه من جناط ونعول واكسسواراااات وملابس ولقينزاااات وترااااااجيهم تجنن ورخيصه
واخذي معاج انتي فلوس واااااجد مو تقولين رجلي ما رح يقصر
يمكن تكونين واقفه بمكان ورجلج مو عندج وشفتي شي وتعلق خاطرج فيه
ولااااا يطوفج شي مثل اماكن المساااااج للرجول بعد الفرااااره بالسوق سوي لرجولج مساج
ولاحظي اهتمام الماليزيات والصينيات هناك برجولهم ونظافتها
يعني لاااا يطوفج المحلاااات هناك وبكثره يسوون تنظيف للرجول
اللي اهم عباره عن صالووووون
امممممممممممم وبعد
اي واشتري لنفسج صنااادل وساعاااات والله خاصه النعووووول عجيبااااات وبرخص الماي
مثل ما قلتلج لا تخلين شي بخاطرج
عشان لما ترجعين ما تندمين ولما احد يسالج قولي وبثقه من ماااااليزيا>>>>> امووووت بهالحركاااات




هذي بس مقدمه ونطريني بكملج بكره لووووووووووول اضحك
والله اقول لزوجي بنروح هالسنه يقوووول لااااا شلون يا ربي اقنعه
بنااااات ادعولي اكون بماليزيا اذا مو السنه هذي السنه الجااااايه والله راضيه
وانشاء الله تروحين وتردين بالسلامه وان شاء الله تكون رحله ما تنسى من حلاااااتها
وبالتوفيق ان شاء الله
وتحيااااااتي لج