خبيرات ماليزيا محتاجة مساعدتكم.....

[Ms. luxury]

السلام عليكم ....

بنات الي يعرفون ماليزيا .... عندي بعض الاسئله...:

- عندي طفلين 4 سنوات و2 سنه .... تصلح ماليزيا معاهم ؟؟ لان معاي عربانة اطفال طبعا حقهم... يعني تصلح حق اليهال ولا يتعبون وتعبوني؟؟؟؟

-افاموزا اشلون جوهم ؟؟ رطب مثل كوالالمبور ... ولا حلو؟؟؟؟

-في مدينه قريبه من كوالالمبور اسمها فريزن هيل ... يقولون جوها حلو وطبيعه وشي... فيها فنادق؟؟ واشكثر يسوى اقعد فيها؟؟؟ اسبوع زين؟؟؟؟

- لنكاوي جم بينها وبين كوالامبور؟؟؟ واشلون جوها رطب؟؟؟وجم يوم تسوى؟؟؟ وشنو الي يميزها؟؟؟

وبس مشكورين ..... عاد انتظر اجاباتكم عفيه لا تكشتون:tomato2:

 

[أحلى همبه كويتية]

بصراحة ما رحت لها
بس ما حبيت أطلع بدون رد
الله يوفقك بالسفرة وتستانسين

 

[FoOosHiia]

افاموزا اشلون جوهم ؟؟ رطب مثل كوالالمبور ... ولا حلو؟؟؟؟
لا وايد رطب اكثر من كوالالمبور بس حلوة و تونس

في مدينه قريبه من كوالالمبور اسمها فريزن هيل ... يقولون جوها حلو وطبيعه وشي... فيها فنادق؟؟ واشكثر يسوى اقعد فيها؟؟؟ اسبوع زين؟؟؟؟

تيننننننننن لا اتطوفينها بس وايد عليها اسبوع 3 ايام زين لانه ما فيها مجمعات بس طبيعة

 

[Ms. luxury]

مشكورين .......... بس ما قلتو لي بالنسبه للاطفال؟؟؟؟

 

[الغاليه]

هلا حبيبتي

بالنسبه افاموسا رطبه وايد بس فيها برامج حلوه يعني انا رحتلها الساعه 10 ما طلعت منها الا 10 بليل وفيها عروض حلوه حق اليهال


بالنسبه حق اليهال اهم يتعبون بالسفر بس مدام ما خذه عربانه احسن لانهم راح يتعبون من المشي

انا كنت ما خذه عيالي معاي

واهم شي تاخذينه معاج المروحه الصغيره وكود بطاريات لانها وايد انفعتني

واي شي تبيين انا حاضره

 

[miss-pink]

انا ماافضل تاخذين يهال معاج لان ماليزيا تحتاج وايد تمشين وتتنقلين علشان تستمتعين
وبالنسبه للجو متقلب يعني شمس غيم مطر كول بنفس اليوم
وبالنسبه حق جزيرة لانكاوي انا رحت من كوالامبور الى جزيرة بيينج تقريبا ساعه بالطياره وكنت بروح من من هالجزيره حق لانكاوي بالمركب قالولي تقريبا ساعتين بس مارحت لان الجو كان ممطر وقتها

 

[عروس الدنيا]

السلام عليكم ....

بنات الي يعرفون ماليزيا .... عندي بعض الاسئله...:

- عندي طفلين 4 سنوات و2 سنه .... تصلح ماليزيا معاهم ؟؟ لان معاي عربانة اطفال طبعا حقهم... يعني تصلح حق اليهال ولا يتعبون وتعبوني؟؟؟؟

-افاموزا اشلون جوهم ؟؟ رطب مثل كوالالمبور ... ولا حلو؟؟؟؟

-في مدينه قريبه من كوالالمبور اسمها فريزن هيل ... يقولون جوها حلو وطبيعه وشي... فيها فنادق؟؟ واشكثر يسوى اقعد فيها؟؟؟ اسبوع زين؟؟؟؟

- لنكاوي جم بينها وبين كوالامبور؟؟؟ واشلون جوها رطب؟؟؟وجم يوم تسوى؟؟؟ وشنو الي يميزها؟؟؟

وبس مشكورين ..... عاد انتظر اجاباتكم عفيه لا تكشتون:tomato2:

ماليزيا اصلا للاطفال .... لان بكل داعوس في اكوابارك و في زوو و سفاري و حديقة سمج و حديقة طيور ... امشي و عدي

تصلح لليهال انا رحتها و معاي عربانة توم عادي الوضع

افاموزا حر اكثر من كوالالمبور ... و حدها 3 ايام اذا بروحج ما معاج عايله ثانيه

ما اعرف فريزن هيل

لنكاوي يقولون صخه روحي بيننج احسن لج 4 ساعات بالسياره
و في طيران اريح لج

و بينانج جوها مثل كواللمبور مع زيادة الرطوبه

 

[Ms. luxury]

مشكورين حبيبباتي .... استفدت من ردودكم وايد....

بس في سؤال اخير..... برايكم جم يوم تسوى الرحله الى ماليزيا ككل ... 15 الى 20 يوم زين؟؟؟؟

 

[ArEEj]

مشكورين حبيبباتي .... استفدت من ردودكم وايد....

بس في سؤال اخير..... برايكم جم يوم تسوى الرحله الى ماليزيا ككل ... 15 الى 20 يوم زين؟؟؟؟

زين واجد
قسمي رحلتج
3 ايام سلانجور فندق الاحصنة الذهبية او صن واي لاقون
3 ايام بييانج هوليدي ان او بارك رويال او باي فيو بيتش
3 أيام لنكاوي فندق برجايا لنكاوي بيتش
واسبوع او 8 ايام بكولالمبور
جذى تمام تفرين ماليزيا بوقت حلو
وتكونين استمتعتى بكل مكان جم يوم
رحلة موفقه

 

[brettey]

ميزه ماليزيا انها حلوه للاطفال وافا موسى جوها ابرد من كوالا لمبور وطبعا لا تنسين جبل جنتنج قعدي ليلتين فيه وركبي التلفريك وفيه ملاهي بيستانسون عيالج
سفره موفقه ان شاء الله

 

[Fa6oM]

افاموزا رطوبه وايد .. بس اعرف وحده ودت عيالها تقول صج رطوبه بس من الوناسه ماحسوو بالجو
لنكاوي جزيره وتروحيلها طيران داخلي ساعه الا ربع .. اهي حلوه وهاديه اذكر يوم واحد افترينا فيها كلها ورحنا الاكواريوم ومجمع وتعشينا وردينا الفندق ..
مليزيا تينن حق الكبار واليهال وكل مكان فيها رطوبه وعادي تدشين المجمع الجو رطوبه وشمس تطلعين منه تلقين مطر لول .. الا جنتينق منطقه جبليه وبارده وضباااب ..

 

[eng.q8]

لا حرام ما تاخذينهم معاج
اصلا كل مكان بدشين يتقولين ياليت يايبتهم
وصدقيني لما بتردون يبنامون من الللعب والوناسه وراح تستانسين معاهم
وسفره ممتعه ان شالله