خبيرات منتجع سيشل ( تفضلوا )؟

[الفجر البعيد222]

السلام عليكم
شلونكم بنات ؟؟؟

ما عليكم أمر اذا عندكم فكرة عن سيشل
اليوم رحت حجزت سويت ( ما ادري اسمه استديو ) غرفة وصالة وتكرمون حمام الشخص 45 دينار
وانا حجزت حق شخصين

ابي اسألكم اذا شايفين نظام الاستديو شلون صاير كبير ولا صغير ؟ وفي مطبخ تحضيري او ثلاجة و مكرووويف ؟
لاني ما ابي اشتري الماجله واتوهق

وبعد اذا بدخل شخص ثالث معانا يصير ؟
انا سألت وقالولي الاشخاص اللي ييون زيارة ب 5 دنانير بس اذا بيقعد معانا لثاني يوم يصير ؟

وبعد ابي اسأل عن حمام السباحة في للنساء بس ؟ ومغطى ؟

ومشكورين
وسامحوني اذا طولت عليكم

 

[وردة الكون]

هلا والله اختي

بانسبه للاستديوو انا رحتله الصيف الي طاف بس احنا خذينا غرفنين وحماممين وصالة و كنا بالدور الي فوق
وفي حمام سباحه للحريم بس

وبالنسبه للزياره اتوقع 5 دنانير ما تذكر (بس ترى عادي يطوفون لما تتدخلين من غير 5 واايد سويناه االادراة عن الباب واايد طيبين وعادي مو مثل الشاليهات الباجيه )

واذا بيتن اي معلومات بعد عن سيشل انا حاضر

 

[الفجر البعيد222]

مشكورة حبيبتي وردة الكون

بس الاستديو كان في ثلاجة ؟

 

[وردة الكون]

كان فيه مطبخ تحضيري صغير في ثلاجة وجوله

واي معلومات ثانيه انا حاضر (لا تستحين )

 

[jury2003b]

المنتجع وايد حلو بس الله يعينج عل المناظر الي راح تجوفينها مايوهاااااااااااات علي كيف كيفج لا وبوخيط بعد وفيج خير اتكلمينهم ياكلووووووونج عم بعينهم انشالله ماتجوفون هالمناظر المؤرفه لي رحتو

 

[احلى عسل]

هههههههههههههههههههههههههه اي والله شبعنا هناك شوف .......

 

[العود الأصلي]

ايه والله الله يعينج علي المناظر انا خذيت شاليه باربع غرف كامل بس شفنا الاستديو يكون فيه مطبخ تحضيري عموما المنتجع يهبللللللل

والله يهنيكم حبيبتي

 

[الفجر البعيد222]

يسلموووو بنات على الردود
وااااي شصبرني بعد اسبوعين انشاللله بنروح

 

[:: Diva ::]

نا الي اعرفه كل ما نحجز ما نحز ستيديو
بس في حمام سباحه خاااص بالحريم مو مغطى بس مو كاشف
يعني ودي معاج سن بلوك لو تبين لونج او سن تان للبرونز

بعدين هم الي اعرفه ان الريوق فري و ريوقهم حلو
و مطبخهم جاااااااااااهز بكل شي
بس اتذكر ان الثلاجه مو موايد بارده
و لو بتسوين باربكيو بياخذون عليج نسبه
لانهم بييبون لج الشوايه + الفحم + ماده سريعة الاشتعال

بعد شنو ؟
في جم و في صالة تسليه
و على الزيارات ما ادري



شوقتيني احجز لي ولريلي
طلع عليج 90 ؟
و الريوق ما قالوا لج شلون عليه ؟

 

[hugo]

حبيبتي انا رحتله شهر 3 الي طاف كان رووووووووعه الريوق مجاني بوفيه ومطعمهم اكله لذييييييييييذ صراحه بس الغدا والعشا بحسابه مو تبع الشاليه .. ونصيحه مني اخذ معاج بيبسي وماي لان حرام البيبسي الواحد عندهم جنه بدينار او دينار وربع كان اذاماني غلطانه وبيبسي علبه يعني حده ما يسوى .. يعني اخذي معاج ماجله بسيطه اذا انتي يايه على ويك اند عرفتي؟؟ كاكاو ماي قلاصات بطاط يعني خرابيط

 

[احلى عسل]

اي والله اختي احنا عايلتنا مو وايد كبيره يعني اكثر شي اليهال والله 6 كراتين ماي ويالله كفو وخصوصا ان هالايام حر واليهال على طول بالاحواض ...
اما الريوق بصراحه انا معجبني كلش ما رحت له الا مره وحده ...
بس هالله هالله بالماجله السنه وترا اهما يعطونج الغلايه مالت المايه يعني ما يحتاي تاخذين معاج ........
ان شاء الله تستمعتين هناك انتي واللي رايحه معاهم

 

[الفجر البعيد222]

مشكورين حبايبي ما قصرتو

اختي ديفا طلع الاستديو علي ب 130 لشخصين مع الريوق يومين

اما الغرفة لشخصين تطلع ب 90 ليومين مع الريوق بعد

بس احنا خذينا استيدو اوسع لنا

 

[mitfargha]

حبيبتي تأكدي منهم اذا فيه مطبخ تحضيري بالنوع اللي بتاخذينه..لأنه عندهم انواع شاليهات وايد و منهم السويت اللي مافيه مطبخ.....و عليكم بالعافية انشاءلله

 

[سنفورة]

حبيبتي انا جربت الغرفة ام شخصين ما ينفع تاخذين ماجلة ثلاجة صغيرة

بس الاستيدو اوكي

 

[العهووود]

اتمنى البنات يفيدوووووووووووونج ...ما حبيت املا بدون لا اعلللللللللللق ,,,تقبلي مروري