خبيرات ميونخ تعالوا

[Zen&7ala]

قوه بنات

انا قررت اروح ميونخ و السفر انا و ريلي و لمده 10 ايام

اول شي ابي اقعد يوم واحد بميونخ وراها ابي اخذ سياره وين تنصحوني اروح؟؟

و اخر يومين بقعد في ميونخ

يعني عندي تقريبا 7 ايام وين اروح فيها ؟ ابي شي حلو رومانسي هادي

سفرتي شهر 9 بس ابي ارتبها الحين

 

[om yousefany]

وايد حلوة احبها ميونخ اكثر من باريس ولندن احس وايد لوية وازعاج ومن كثر ماتشوفين دوخين اما ميونيخ انا اقولج هادية وبعدين بتشوفين قصر الملك عندهم بالصيف يخلونه متحف للسياح عجيبة فيها اشياء وايدة وبالنسبة للسيارة اذا انتوا بتستخدمونها خليكم على الرولز لان ماادري معقدين مو نفس امريكا هدد

 

[معلمة انجليزي]

حبيبتي مدام او مرة ميونيخ اذن لازم الرحلة المعروفة
ليلة بميونيخ - 4 ليالي بزيلامسي - 3 ليالي بفيينا - ليلتين بميونيخ
زلامسي جنة وحلوه وفيينا شوي حارة مو باردة مثل زيلامسي بس حلوة
او تخلينها ميونيخ انترلاكن بسويسرا وبعدها جنييف بس هم جنييف حارة وانترلاكن باردة حيل ورائعة

 

[دلوعة أبوهآ]

روحي زيلامسي وفيينا كلهم قريبين من بعض ..

 

[أم أنور]

روحي سالزبورغ وعندج كابرون بعد
او سمني بكابرون وافتري انتي كل يوم مكااااااان

 

[Zen&7ala]

بنات انا رايحه ميونخ و زلامسي و فينا و سالزبرغ بس ما رحت اماكن رمانسيه او حلوه


ابي غير هالمناطق !!

 

[Samurai]

زين تبين الرومانسيه

من تجرتبتي يمكن تعجبج او لأ

انا سكنت في قريه شوانقوا schwangau تبعد ساعه و٤٣ دقيقه من ميونخ في شاليه صغير لشخصين خمس نجوم شاليه رومانسي ومنطقه رومانسيه جدا يمها بحيره تتمشين فيها وتشوفين غروب الشمس. واجري قاري واخذي فيه لفه بالقريه ويمها قريه اكبر اسمها فوسين Fussen حلوه وعندها بعد بحيره اكبر شوي

واذا تبين قمة الرومانسيه بما المده قصيره اجري سياره كشف من صجي والله صدقيني اهي مره بالعمر وعلى قولة يارا خدني معك بالجو الحلو


هذا موقع الشاليه واحنا شاليه ١
Lunamia 1
http://www.lunamia.com/9.html


وتبعد ٣ كم عن الحدود النمساويه مري منطقة سيفيلد حلوه وراقيه

 

[معلمة انجليزي]

حبيبتي اذا رايحة زلمسي هالمرة غيري وروحي سويسرا يعني انترلاكن وروحي ستراسبورغ الفرنسية
يقولون نفس البندقية بس ابرد

 

[FeShinGoOo]

ميونخ مافيها شي مو حلوه وحر توني راده منها اتظيق الخلق ومن كثر ماهي ممله ماكنت اطلع من الفندق وهم حر انتي جيكي عالجو وقت الي بتروحين على الياهو ويذر

من راي روحي سويسرا صج روعه ورومانسيه وطبيعه وجو وشعب

 

[Samurai]

ام ابيها الحمدلله على السلامه
بشرينا شلون سفرتج

شسويتي ما سويتي


عاد احنا اخر ليله بميونخ كان برد ومطر وهوا

 

[laila84]

ميونخ مايكفيها يوم واحد ... يعني حطي افبالج ميونخ 3 ايام .. لان كبيره وكلها سوقه ومطاعم ومتاحف ... وعلي طاري النتاحف اذا تحبين في متحف هتلر يمدحونه وايد .. وفي متحف ثالث قريب من ميونخ بس للاسف ما اذكر اسمه ... انا عن نفسي سكنت اب شتامبرغ .. منطقه هاديه مافيها غير الطبيعه ... بس كنت بشكل شبه يومي انزل ميونخ

 

[ام مهاوش]

مادري ماتعجبني ميونيخ كئيبه وتضيق الخلق ومافيها الا السوق وجوها حار

 

[عبير-الشرق]

يالغاليه ليش ماتروحين كابرون هاديه وحلوه وقريه انسبروك الي فيها مصنع شوارفسكي حلوه طبيعة هالقريه منها تغيرين وتشوفين اماكن جديد وميونخ فيها بحيرات حلوه تروحين لها بالاندروجراند فيه مطاعم وكافيهات ورحله بالقوارب والجو هناك براد وعجيب

 

[om_dodo]

ااااه ياحلو ايام زلامسى
عسى العوض فى مقبلات الليالى