انا توني راده من اورلاندو شهر 2 كنت هناك ..
المنطقة حاااااااااااره جدا جدا .. احنا تونا رادين والجو لا يطاق وايد حر بالصيف ما انصح فيها كلش .. بس كمنطقة حلوة وكل شي فيها وما ادري اذا في دايركت بس احنا رحنالها ترانزيت ..
وبالنسبة حق السكن .. وايد سهل تلاقين سكن باورلاندو .. احنا خذينا فيلا .. كانت حلوووووة كبيرة وشرحة .. وفيها حمام سباحة ونظيفة وتلاقين طبعا فنادق والت ديزني نفسهم انا انصحج بالفنادق اريح لكم .. وسكان فنادق ديزني لهم خدمات خاصة .. ما تحاتين المواصلات باصهم يوديكم وايييبكم .. وغير الالعاب السبشل والخدمات الخاصة اللي تحصلونها بمدينة الالعاب نفسها ..
والأكل .. طبعا اكلهم اغلبه فيه كحول .. المنطقة فيها وايد مطاعم اسلامية حلال كنا نشتري من مطعم اسمه القدس ويمه بقالة عربية تلاقين فيها اكل حلال اللي تبينه .. وطبعا حق الرحلة يوم كامل كنا ناخذ ويانا خرابيط من الجمعية حق اليهال اذا ياعوا ..
وبالنسبة للسيارة كنا مأجرين ميني فان من المطار استلمناها .. وماعليها اي مشكلة والاسعار ثابتة تقريبا ومناسبة ..
وديزني نفسها كنا حاجزين حق 4 مدن منها .. الماجك والانيمال والهوليوود ونسيت اول مدينة رحنالها شنو كان اسمها .. وفي عندج اليونيفرسال ما مدانا نروح بس احلى المدن اهيه وتنفع للكبار لأن الاغلبية فيها العاب كبار
الماجك والانيمال والهولييووود حلوين والمكان عائلي .. والكل راح يستمتع .. طبعا كل مدينة فيهم يبيلها يوم كامل بس تطلعون من الصبح من اول ما تفتح .. والاهم من هذا سئلوا متى يصكرون .. لان في مدن تصكر مبجر ومايسوى تروحونلها بالايام العادية لو تروحون لها بالويك اند يقعدون لي وقت متأخر وتقدرون تلحقون عالالعاب كلها
اذا تبين الرحلة بالتفاصيل والتكاليف دزيلي عالخاص عشان اسأل ريلي واقولج
ولاتنسين اهم شي عزج الله الجواتي المريحة .. طول اليوم مشي وتعب
