خبيران لندن هيلب اول مره بسافر حق لندن

[أبله رورو]

:eh_s(7): شلونكم حبيباتي خبيرات لندن


ابيكم تساعدوني اول مره بروح وماعرف ولا شي بلندن


حجزت التذاكر على الاماراتيه ب 1250
اربع اشخاص من تاريخ 27- 8
الى 4-9


والسكن بوايت هاوس من موقع بوكينج هذا الرابط

http://www.booking.com/hotel/gb/whi...039720d9ca3322f6d8;label=postbooking_confpage

خذيت غرفه حق اربع اشخاص ب 418 مع الريوق الي تعرف بموقع بوكينج اقدر اقولهم يغيرون موعد الوجبه لان راح نكون صايمين
مستواه بالتقيم داخل الموقع 8 فاصله 1

يبعد مسافة ربع ساعه عن شارع اكسفورد
و10 دقايق عن الهايد بارك

مادري هل موقع بعيد ولا زين انا المهم عندي يكون قريب وسعره مناسب شرايكم في يعني راح اتعب من المشي ولازم تكسي ولا شنو الطريقه


بنات قريت عن الباص مال لندن للتنقلات وان زين وارخص من التكسي شنو طريقته اشلون اروح له هل في محطه حق الباص اروح لها ووين موقعها وارقام معينه

انا راح اقعد 8 ايام يعني وين اروح فيهم شنو اسوي ابي استغلهم انا مابي سوالف ماركات وجذي لا ابي اتسوق بالاماكن العاديه ابي ازور اهم معالم وتكون قريبه مني

شنو المطاعم هناك اشلون اسعارهم جم يكفينا مصرف اذا مابي اشتري ماركات

الي حجزت من بوكينج انا دفعت بالموقع عن طريق الكي نت مالت الوطني وما انخصم شي

يعني لما اروح ياخذون الفلوس مني كاش ولا من الكي نت

بليز بنات قولولي اسامي محلات واماكنهم بالضبط الي تعرفونه


وبعد في الفيزا قريت شي في فيزا شنو طريقتها ومتى اسويها ووين وشلون


والله يفتح على كل وحده ترد علي وتسافر انشاءالله كل سنه لندن:eh_s(7)::ggdw:

 

[jen2n]

:eh_s(7): شلونكم حبيباتي خبيرات لندن


ابيكم تساعدوني اول مره بروح وماعرف ولا شي بلندن


حجزت التذاكر على الاماراتيه ب 1250
اربع اشخاص من تاريخ 27- 8
الى 4-9

تروحون وتردون بالسلامه ان شاء الله تكون سفره ممتعه :eh_s(15):


والسكن بوايت هاوس من موقع بوكينج هذا الرابط

http://www.booking.com/hotel/gb/whi...039720d9ca3322f6d8;label=postbooking_confpage

حسب المكتوب بالموقع ان موقعه بمنطقه بيندقتون طبعا هذي المحطه قريبه من شارع اجورد رود هذا يسمونه شارع العرب كل المطاعم الحلال والعربيه فيه تمشين 10 دقايق من شارع اجورد رود تلقين اكسفورد وطبعا هذا السنتر اللي فيه تسوق

خذيت غرفه حق اربع اشخاص ب 418 مع الريوق الي تعرف بموقع بوكينج اقدر اقولهم يغيرون موعد الوجبه لان راح نكون صايمين
مستواه بالتقيم داخل الموقع 8 فاصله 1

والله وايد ماخذ عليكم يعني باليوم 418 والا حق كل الايام

اذا حق اليوم في فندق كمبرلاند بالسنتر يوميته حق الشخص الواحد بــ 50 دينار مع الريوق

يعني لو 3 اشخاص بالغرفه الوحده ياخذ عاليوم 150 !

يبعد مسافة ربع ساعه عن شارع اكسفورد
و10 دقايق عن الهايد بارك

ايه منطقه بيندقتون مو بعيده عن شارع اكسفورد بس يبيلها الواحد عند القدره على المشي

مادري هل موقع بعيد ولا زين انا المهم عندي يكون قريب وسعره مناسب شرايكم في يعني راح اتعب من المشي ولازم تكسي ولا شنو الطريقه

لا بعيد ولا قريب زين بس سعره اذا على اليوم غالي بصراحه انصحج بكمبرلاند جباله كل شي وقريب من كل شي المشي ما يتعب اذا كنتي متعوده وبعدين الجو وايد حلو ويساعد على المشي


بنات قريت عن الباص مال لندن للتنقلات وان زين وارخص من التكسي شنو طريقته اشلون اروح له هل في محطه حق الباص اروح لها ووين موقعها وارقام معينه

بصراحه انا افضل الاندرقرواند يعني القطار اللي تحت الارض لان سريع وطريقته سهله واي مكان تبين تروحين له يعني اسم المحطه يقولون لج ان هذي المحطه اما الباص لازم كل شوي تسألينه احنا وين ومتى بنوصل ومن هالاسئله ودايما على الباصات زحمه ولما تبين تروحين اي مكان لازم تعرفين رقم الباص اللي يوديج عشان تروحين فعشان جذي افضل الاندرقراوند وتقدرين تشترين بطاقه الايوستر من السفاره عندنا بالكويت بــ 16 دينار حق اكثر من اسبوعين حتى الرحل السياحيه اشتريها من السفاره احسن اما سالفه التكاسي فغاليه حيل يعني مشوار بو 5 دقايق ياخذ منج 5 دنانير!!!

انا راح اقعد 8 ايام يعني وين اروح فيهم شنو اسوي ابي استغلهم انا مابي سوالف ماركات وجذي لا ابي اتسوق بالاماكن العاديه ابي ازور اهم معالم وتكون قريبه مني

طبعا شارع اكسفورد شارع فيه الغالي والرخيص من ناحيه المحلات

ارقى شارع ريجنت سترين روعه

عندج نايتس بيردج روعه

هاي ستريت كينغستون حلووو

مجمع ويست فيلد بشبرد بوش

امممممممم كوفنت جاردن

يعني لندن بشكل عام تسوق اكثر من سياحه وطبعا صحيح اغلب المحلات عندنا لكن للاسف مو نفس البضاعه :eh_s(11): انا توني راجعه وما ودي ارجع كنت بس عندي اشغال راح تتعطل اذا مدددت
والجو لا يعلى عليه ووقتكم حلو ومناسب تخف الزحمه وتبدي التشكيلات اليديده تنزل

تصدقين قعدت اسبوعين وما رحت كل مكان ودي ارجع:eh_s(16):

شنو المطاعم هناك اشلون اسعارهم جم يكفينا مصرف اذا مابي اشتري ماركات

المطاعم كلها باجورد رود شارع العرب احنا 7 اشخاص باليوم يطلع علينا 100 باوند يعني تقريبا 50 دينار

الي حجزت من بوكينج انا دفعت بالموقع عن طريق الكي نت مالت الوطني وما انخصم شي

يعني لما اروح ياخذون الفلوس مني كاش ولا من الكي نت

يمكن ياخذون من الكريدت كارت والا ما اعرف بسوالف الحجز عن طريق النت اشلون!

بليز بنات قولولي اسامي محلات واماكنهم بالضبط الي تعرفونه

امممم بريمارك صاير وايد حلو ورخيص

ويلز نيو لوك دورثي بيكر اوربا اول ساينت انثروبلوجي ميلين كير نكست ريفر ايلاند كوس ووايد محلات كل محل يقول الزود عندي اول ما ييت لندن ما عجبني شي بس بعد ما افتش عدل بقطعه قطعه تحلصين شغلات وايد

ترا سوالف الماركات في مكان ماركات نص القيمه اسم بيستر فيلج لا يطوفج يعني تحصلين شغلات حلوه


وبعد في الفيزا قريت شي في فيزا شنو طريقتها ومتى اسويها ووين وشلون

والله ما اعرف الطريقه


والله يفتح على كل وحده ترد علي وتسافر انشاءالله كل سنه لندن:eh_s(7)::ggdw:

لما تروحين لندن ودج تروحين كل سنه بس زهبي الفلوس لووول ويقولون مافي اي شي يضاهي لندن غير نيويورك بس عيبهم بالصيف امريكا حر مو نفس لندن بالصيف تقولين اشتا وهالمطر الحلو

وان شاء الله راح تستانسون وايد بالرحله

 

[أبله رورو]

مشكووووووووره يا احلى ابله جنان:eh_s(17):

وايد افدتيني الفندق الله يسلمج 418 حق كل الايام يعني رخيص عشانهم مسوين عرض حق جم غرفه عشان جذي اخترته كان ودي بكمبرلاند بس غالي شوي


تشوفيين ان الف تكفيني مصرف لي بروحي


والاندرجراود اخاف اضيع هههههه شلون اعرف القطار وين رايح يعني مكتوب عليه او شنو؟؟والتذكره الي اشتريها من سفاره هذي حقنا اربعتنا ب 18 ولا بس حق شخص


المحلات هذي اغلبها موجوده بالافنيو الي كتبتيها بس يمكن تختلف البضاعه


واااااي حدي متشوقه اب اب اب

بنات قولوي شلون اسوي الفيزا ومتى


بغيت اعرف وايد قريت عن الهايد بارك يعني اهي حديقه عاديه ولا فيها شي

وابي اعرف القصر مال الشرطه البريطانين الي يونسون الي يلبسون احمر وين اشووفهم ههه ودي اجابلهم واقعد اضحك فيهم

 

[الزين 85]

رفع لعيونج

 

[jen2n]

مشكووووووووره يا احلى ابله جنان:eh_s(17):

تسلمين حبيبتي انتي الاحلى :eh_s(22):

وايد افدتيني الفندق الله يسلمج 418 حق كل الايام يعني رخيص عشانهم مسوين عرض حق جم غرفه عشان جذي اخترته كان ودي بكمبرلاند بس غالي شوي

اممممم اوكي حلو حق كل الايام بس ترا معطينه 5 ونص من 10 وترا مو مكيف وبعض المرات تصير الغرف قمته وحاره او تييهم ساعات موجة حر فتأكدي من التكييف

اهوا كمبرلاند غالي وغرفه عاديه بس موقعه جدا ممتاز

تشوفيين ان الف تكفيني مصرف لي بروحي

الف دينار والا باوند ؟لان انا ما كفتني بصراحه الف باوند لووول

لان فلوسهم استغفر الله مافيها بركه بسرعه تخلص

والاندرجراود اخاف اضيع هههههه شلون اعرف القطار وين رايح يعني مكتوب عليه او شنو؟؟والتذكره الي اشتريها من سفاره هذي حقنا اربعتنا ب 18 ولا بس حق شخص

الاندر قرواند فيه اكثر من خط وبكذا لون يعني بكونسيرج الفندق لما تقولون له نبي نروح حق متحف الشمع بالاندر قراوند راح يطلع لكم خريطه ويقول لكم وين تروحون وشلون وترا سهل حيييل بس يبيله شويه دقه وتركيز واهوا ب16 دينار مو 18 وحق الشخص الواحد لازم حق كل واحد بطاقه وهذي البطاقه مو بس حق الاندرقراوند يصير حق الباصات والتيرامات بس القطارات لأ اسعارها بروحها غير


المحلات هذي اغلبها موجوده بالافنيو الي كتبتيها بس يمكن تختلف البضاعه

صحيح بس روحي شوفي البضاعه اهناك وقارني

احنا اهني نكست ولا بيزه وما نشتري منه وايد اهناك طق عصي لووول وعطوات نكست تييينننن ورخيصه وبضاعتهم جوده وحلوه حيل لا تقولين والله هذا المحل عندنا بالكويت ما ابي ادخل لا والله دخلي وشوفي الفرق وقبل السفره روحي الافنيو وروحي هالمحلات واهناك لما تروحين لندن شوفي وقارني


واااااي حدي متشوقه اب اب اب

والله راح تستانسين بالسوق بس يبيله همجه لوووول

بنات قولوي شلون اسوي الفيزا ومتى


بغيت اعرف وايد قريت عن الهايد بارك يعني اهي حديقه عاديه ولا فيها شي

حديقه عاديه وفيها بحيره بالنص

وابي اعرف القصر مال الشرطه البريطانين الي يونسون الي يلبسون احمر وين اشووفهم ههه ودي اجابلهم واقعد اضحك فيهم

قصر برمنجهام اللي يبدلون فيه الحرس هذا تروحين له بالباص المكشوف يوديج حق معالم لندن كلها بس اول شي قبل ما تركبين قوليله عن وجهتج الاولى وين ويوديج وهم بالنزله تروحين اي باص مكشوف وتقولين له وين تبين تروحين بس طبعا في شركات مختلفه وقوليله اي مكان تبينه وينزلج عنده

 

[أبله رورو]

مشكوووووووووووووره وايد وايد ابله جنوووونه وانشاءالله تسافرين لندن كل سنه :yaaaaaarb:

 

[أبله رورو]

الزين مشكووووووره حبيبتي على الاب انشاءالله تسافرين كل سنه لندن شرايكم بدعواتي


اااااااااااااااااااااااب

 

[jen2n]

ان شاء الله الله يسمع منج لوووووول

 

[أبله رورو]

بنات ماتدرون متى ياذن المغرب ومتى ياذن الفير عندهم لان راح نكون صايمين

 

[jen2n]

المغرب 9 وربع بس الفير ناسيه جم

 

[أبله رورو]

اوووووووله شكلنا بنموت يوع

 

[jen2n]

لا مع السوق والتمشي تنسين الاكل لووول

 

[مخدددده]

ابله رورو شككلنا بنتلاقاا هناكـ

احنا وراكم بيوم

موفقه حبيبتي

 

[ترف بابا]

حبيبتي لندن سهلة وبتعرفين لها بسرعه
اول ما توصلين المطار شوفي مكان فيه الخريطه مالت لندن ملونة وجدا سهله - عشان اذا ضيعتي على طول تعرفين انتي وين واقفه
بعدين فندقكم موبعيد حيل عن الهايد بارك والمشي اكثر شي انصحج تعتمدين عليه لان راح تستشكفين وتفهمين الديره
لاتنسين تروحين لندن اي -- عين لندن-- بعد ماتزورين قصر بكنجهام
والاسواق دام انتي 8 ايام عليج بشارع اكسفورد ارقى المتاجر فيه وشارع الريجنت (انتي قولي للتاكسي ريجنت ستريت وبس اهو يوصلج هناك ) حده راقي وكله ماركات وفيه هارودز وهارفي نيكولز سوق ديانا المفضل
آآآآآه وبتشوفين هذي السوقه ولا بلاش !!!!!!
ونصيحة لاتستخدمين التاكسي احسن طلعي تذكرة اسبوع حق الباصات وخلاص ارخص
اما الاكل ما يحتاج - تبين في اكل جاهز بمارك وسبنسر والسوبرماركت
وفي مطاعم عربية - لاتحاتين
وبالنسبه للفيزا انا مرة طلعتها بنفس اليوم ومره طلعناها بعد 14 يوم - ما دري السنه هذي شلون!!!
سألي بالسفارة ومن الحين احسن
والله يردكم بالسلامه
وننطر التقرير