خدامات نص دوام

[اسومة التونسية]

السلام عليكم
لو سمحتوا بنات من تعرف كم رواتب الشغالات نص دوام يعني من 6 الصبح ل 2 العصر بس
و شغلها يكون تمسك بنتي عمرها 6 شهور
و تنظف البيت يادوب صالة و غرفة و مطبخ و حمام كرمكم الله يعني شقة صغيرة

و شنو احسن جنسية
و تنصحوني اجيب شغالة بهالطريقة و الا اودي بنتي الحضانة و خلاص
و اتوهق انا في التنظيف

 

[M!SS.LOBY]

الله يخليه لج ويعوضج ربي خير
أخذي خدامه نص دوام عندج الجنسيه الهنديه أو السيلانيه نص دوام بحدود 40 دينار أو 50 دينار تنظف البيت تساعدج بالغسيل الملابس تجهز الغداء وتمسك بنتج وهذول الجنسيتين احسن منهم ما في وحتى ما عندهم مشاكل

 

[الكويت حياتي]

يريت اللي تعرف. خدامه. تحط. رقمها

 

[لمساتـي]

انا ابي بعد

 

[PuPa^^SWeeT]

والله حلوة الفكرة



من ويين تطلبووونهم

 

[عاشقة الاسلام]

نصيحه ودي بنتج حضانه احسلج لان الخدامه اللي راح تيبينها ما تعرفينها فشلون تحطين بنتج بيدها وشلون تثقين بوحده ماتعرفينها واختي ةانتي عارفه وشايفه مشاكل الخدامه اللي صارهم اكثر من سنه بالبيت
فشلون تثقين بوحده ماتعرفينها تحطين بنتج بيدها
فنصيحه لج ودي بنتج حضانه ولما تردين من الدوام حطيلج خدامه نص دوام حق تنظيف البيت اذا ماتقدرين تنظفينه بنفسج

 

[M!SS.LOBY]

يعني الحين الخدامه اللي بالبيت خطره
والحضانه حبوبين مشاءالله ؟؟؟؟
أحب أقولج الخطر موجود بكل مكان واذا على الحضانات ما نبي نتكلم أهم أهل المشاكل

 

[اسومة التونسية]

شكرا بنات على التفاعل
بس انا بنتي تعودت انها تكون دايما في حضني يعني ماسكتها
وفي الحضانة يكون في وايد عيال و ماراح يهتمون فيه
و غير هذا جربت مرو وديتها الحضانة
استغفر الله العيل كلهم منيمينهم غصب والله انهم يصيحون من غير صوت من الخوف
و غير هدا يسخنون الرضاعات في الميكروويف
انا لحقت على الفليبنة كانت راح تعطي بنتي حليب حار نار
و غير السب و الضرب وقت الاكل
فقلت شغالة ارحم
اجيبها قبل لا اداوم باسبوعين عشان تتعود عليها بنتي و اعلمها شاللي ابيه
و الله يستر

 

[manoooram]

ان شالله البنات يفيدونج

 

[الأميرة جوري]

لرفع

 

[ناتشوو]

من وين تاخذونهم
انا احصل ارقام هني بالمنتدى
واخذهم
وهم يقولون جم ياخذون باليوم
ومو كل يوم
لي دقيت تجي
واعرف نظام مؤقته شهر من المكاتب
وتاخذ ١٨٠ تقريبا


بس نصيحة
لا والف لا
تحطينها عند خادمة
لاتهرفينها
ولا تعرفين مستوى النظافة
ولا الضمير
بحضانة كويسة
حطيها
ارحم
ولا اخذي احازة
مايستاهل الدوام تخلين بنتج بيد غريبة بروحهم

 

[الباسمه]

من وين تاخذونهم
انا احصل ارقام هني بالمنتدى
واخذهم
وهم يقولون جم ياخذون باليوم
ومو كل يوم
لي دقيت تجي
واعرف نظام مؤقته شهر من المكاتب
وتاخذ 180 تقريبا


بس نصيحة
لا والف لا
تحطينها عند خادمة
لاتهرفينها
ولا تعرفين مستوى النظافة
ولا الضمير
بحضانة كويسة
حطيها
ارحم
ولا اخذي احازة
مايستاهل الدوام تخلين بنتج بيد غريبة بروحهم

معاها بكل كلمه قالتها
حطي بنتج بحضانه ادارتها كويتيه والحين اغلب الحضانات حاطين كاميرات تشوفين بنتج باي وقت

او اخذي اجازه واخذي خدامه حقج مو مؤقته وعلى ماتتعود على بنتج بعدها داومي


الله يعينا على تربيتهم يارب ويحفظهم لنا والله يسهل امرج حبيبتي

 

[فـراوله]

أنا بعد أبي خدامه مؤقته لو يومين بالاسبوع على الاقل بس تغسل وتكوي
بس حتي هذيلا انقرضوا والمكاتب نصب بالشهر من 150 لي 180 من وين
لنا فلوس حق كل هذا


​

 

[فـراوله]

رفع



رفع