خدامتج اتكلم ريلج؟؟؟

[بدابد]

السلام
اشلونكم؟
حبيت اسالكم خدامتكم اتكلم ريلج اباي شي ؟
واذا اتكلم ريلج ابشنو اتكلمه؟
ناطره مشاركتكم؟

 

[أغلى حبيبه]

لا ماتكلمه شكو اتكلمه

اذا تبي شي تقولي وانا اقوله

واذا بطه جبدي وارفعت ضغطي اقوله عشان يبرد جبدي

الخدم ماينطون وي كلش

 

[nanosa78]

اهمه اول مايون يجيسون النبض يشوفون اشلون طريقتكم عادي تكلمة بس انتي تعلمينها ما تكلمة الا للضرورة موعلى اي شي خاصة اذا كانت صغيرة والله يكافينه شرهم

 

[أم طه الحولة]

لا شكو تكلمه اذا تبي شي تيي تقوللي وانا اعلمه باللي تبيه وما اعتقد اصلا انها تحتاج منه شي اهو شخصيا اذا اكو شي انا موجودة

 

[^مهااااوي^]

بصراحه المفروض انها ماتكلمه واي شي انتي موجوده والمفروض ان تكون تخاف تكلمه وتهابه والله خير حافظ من مشاكلهم

 

[^مهااااوي^]

بصراحه المفروض انها ماتكلمه واي شي انتي موجوده والمفروض ان تكون تخاف تكلمه وتهابه والله خير حافظ من مشاكلهم

 

[بدابد]

مشكورين على الردود
بس انا خدامتي كله اتروح اتكلم ريلي اذا تبي شي وهذا الشي امضايقني وكلمتها واااااااايد انها ما اتكلمه واي شي تبي تيي اتكلمني اتقولي ما ابي انا ابي اكلم بابا
شسوي يننتني؟

 

[الكويتـ80ـية]

أقول أخيتي كوفنيها هذي شكلها تحر و تفت الجبد ... الله يعينج و نصيحه
نبهي ريلج ما يكلمها و يزفها ... ديري بالك أخيتي الدنيا فيها بلاوي.. اللع يكافيج شرها

 

[انا كويتية]

انا ريلي اهو اللي ما يكلم الخدام الحريم ولا الرياييل ............. ولا اهما يكلمونه الا اذا اهو يبي شي....... اهو ما يحب ..... وأي احد يكلمه منهم يقوله اسأل المدام يعني
<<<<<<<< انا المحفوظة
ماله خلقهم

 

[@ الرسامة @]

ساعات اتكلمه والشغلة هذي تلوع جبدي

 

[شهدQ]

بصراحه انا اتولى مسئولية الخدم بس اذا بغت شي مااعرفه اقولها روحي لبابا كلميه والسايق اهو يكلمه بامور الشغل والسياره ومااعطيه مجال يفتح باب نقاش بيني وبينه ويقط الكلافه شغل يعني شغل واذا عنده شي يكلم معزبه

 

[amal-el7elwa]

مشكورين على الردود
بس انا خدامتي كله اتروح اتكلم ريلي اذا تبي شي وهذا الشي امضايقني وكلمتها واااااااايد انها ما اتكلمه واي شي تبي تيي اتكلمني اتقولي ما ابي انا ابي اكلم بابا
شسوي يننتني؟

هاذي يسمونها قوات عين
و لا حتى تخلينه اهو يطلب منها شي على طول
جذيه يتعلمون اللي معاج في البيت انهم يتجاوزونج
حتى اليهال راح يستغنون عنج في بعض الامور
حتى لو كانت تافهه
انتي ملكة البيت
مو اهي!
قولي لريلج لا يعطيها ويه اذا يتله و انتي غافله عنها
انا سوتها فيني لما كنت اتسبح
انتهزت الفرصه و راحت تقول له ابي كرت جديد
و على حظها طلعت من الحمام مكرمه
وقفت بالممر و كشرت عن انيابي و ما رحت الدار لاحد ما حست على نفسها و اطالعها جنى ينّي
نزلت راسها بالقاع تفكر
حسبت انها تفشلت
و الا قوات عين
ال... رفعت راسها و قامت تساله سؤال يديد
اهني يه دور زوجي
سمعته صيحتي و هو اللي حس فيني
جان يقوم و يجلعها
و انا قلت له جدامها انا ما بيها تكلمك
ابي تقولي اولا
و من يومها يقول لها قولي حق ماما...
و من يومها انا ما عاملتها زين و اهي تدري ليش
يعني لا تطوفينها حقها
و تكلمي مع زوجج في الدار و فهميه ان هالشي مو في مصلحتج
و ان سلطتج راح تخف عليها و انها لازم تهابج
اصلا حتى المعاش مالها لازم تاخذينه من زووجج و تسلمينه لها بايدها علشان لا تتجاوزج له!
و سلالالالالالالالالالالالالالالالام

اوه تعبت

 

[amal-el7elwa]

و همن علميها تكون محتشمه في البيت و ان بابا متضايق من وجودها
لبسي الحجاب عدل
غطي ايدج
لما بابا في الصاله انتي قعدي داخل
و هاكزاااااااااا

 

[supermarket]

عدل كلام اموله

خاصة اللبس قوليلها بابا يقول سوي حجابج عدل

نزلي جمومج علشان تعرف ان الريل مو عاجبه وضعها المايل

 

[@ الرسامة @]

امل الحلوة

ومنج نستفيد يابعد جبدي

 

[سبائك]

صح فعلا كلام سليم

ريلج المفروض ما يعطيها ويه كلش

آنا أذكر اول ما تزوجت لاحظت ان ريلي مطيح الميانه شوي مع خدمهم ببيتهم

وهذا الشي ضايقني حيييييييييل وما خليتها بقلبي

على طول أول ما أنفتح الموضوع قلت له انت ترضى اطيح الميانه جذي مع سايق أهلي؟؟؟؟؟؟؟؟؟

ومن عقبها الحمدلله ماله شغل بالخدم وكل شي يبيه يقول لي آنا اقول لهم

 

[mooomooo]

لا ماتكلمه اكيد

بس انا اللي عندي تسلم قود مورنق سير بس هذا حدهاا


بس اذا تبي اي شي تكلمني انا

عموما اهوا مايعطي ويه للخدم الحمدلله

 

[love love]

انا مايبت خدامه لانه بس اثنين بالشقه

بس اذا يبت خدامه امي تشتغل بالشقه ريلي مايكلمها اصلا
بس اذا علت قلبي اقولها بابا مايرضى تخاف


اخليه مايكلمها علشان تخاف منه


وبعدين شكو تقولج انا بكلم بابا طراق عطيها بيكفها منو يشتغل عند منو

والي بيعدل هالموقف ريلج خل يزفها زفه قشره علشان تخاف منه واذا يت تكلمه خل يجعمها

 

[sara-25]

[]والله حبيبتى انتى غلطانه انا كلنت عندى خدامه قبل لا اتزوج كانت خدامة البيت وحضرتها كل ما اكلمها تبى تكلمه واشوف نضرتها مو شى حقه وانا تحملتها سنه وقامت تربط عصاعص جان وكلما تبى شى تكلمه وضحك وسوالف وزوجى على نيته وامسكها واكوفنها حلفت حق زوجى الى اسوى فيها سجن غوانتامو زين ما ذبحتها لا تعلمينها على المصاخه انتى راعية البيت واهو ماله شغل بالخدم وعطيها العين الحمرا احسن واذا انحاشت خليها تولى بيتج وزوجج اهم الخدامه تروح واتى وما تدرين شنو بقلبها ديرى بالج

 

[omneyaty]

انا عندي ثنتين القديمه تموت خوف من زوجي مؤدبه ومحترمه


فاي خدامه تيي معاها تتعلم منها


والمهم ان زوجج ما يعطيهم ويه هذا الاهم


اذكر من زمان يبت خدامه كانت مشتغله بلبنان وتوها بسم الله ما صار لها مده

كنت بالدوام والايتصل على ريلي معصب يقولي شمسويه بالخدامه ليش طاقتها واخترعت بسم الله ما سويت شىء


واطلع بسرعه للبيت والا حضرتها داشه عليه وشاكية له الحال وطبعا جذابه


الظاهر انها على بالها ريلي وصخ وقالت استغل الفرصه ابجي ويحن على


بصراحه خانقتها خناق ما صار ووديناها المكتب


الحمد لله الله عوضني بالخادمه اللي عندي تروح وترد على