خدامتنا طلعت منحاشه وعليها قضيه ومسفرينها من 10 سنوات ...!!!

[درب السنع وينه؟]

بنات حدي منقثه ومااااني عاااارفه شلون اتصرف الكل مسافر وماااعندي أحد يساعدني ... خواااتي ماااراااح أطول عليكم بدش بالموضوووع على طوول......
يبنا خدااامه يديده ولما ينا نسوي لها إقااامه قالوا مايصير ...!!! لأن خدامتكم طلعت منحاشه من معازيبها من 10 سنين وعليها قضيه وبديرتها مغيره اسمها وجوازها ودخلت الكويت علبو أول مره...ولما رحنا المكتب نبي نردها وناخذ فلوسنا لقينا وايد ناس تبي ترجع فلوسها ماااندري اذا نفس المشكله لكنهم يبووون فلوسهم وبس.... والهنديه اللي تدير المكتب تقول انا ماقدر أعطيكم فلوسكم بلغوا الشرطه انها انحاشت .... (عفيه ضمير)
بنات عفيه شنو الحل ....؟؟؟ ​

 

[ام خالد 78]

والله مادري عسى الله يعينكم

 

[بتبوتااا]

شي يعور القلب والله لي متى هالمكاتب تنصب على افاناا

مالج حل الاا انكم تبلغون المخفر او تودونها السفاره واهم يسفرونهاا والله يعوضكم ,,

 

[درب السنع وينه؟]

وينكم ...؟؟؟ :krkrkr:

 

[زهرااا]

لا حول و لا قوة الا بالله

 

[ضوءالقمر]

انا عندي خدامة منحاشة صار لها 10 سنين يمكن اهي ههههه
انا اقول سالو محامي احسن اذا وديتيها المخفر والا السفارة يخلونج انتي تسفرينها حطي بالج والا دورو راعي المكتب عطوها اياه

 

[@ نجمة العطااا @]

اول شي سوووا بلاااغ نصب واحتيال او مادري شغله جذيه بالفخر على المكتب وتالي ودوها المخفر واخلوا المسؤولية عنها
اهم ياخذون بصماتها ويدورون معزبها الاول واهم يسفرونها انتم مالكم خص فيها
وفلوووسكم اما يردها المخفر او الله يعوض عليكم


شنو اسم المكتب ؟؟ عشان ما نطلب منه

 

[فقدتك يانور عيني]

والله هالخدم بلاويهم بلاوي

 

[viva la glam]

الله يعينج

 

[عسولة الكويت]

الله يعينكم
امانة شنو اسم المكتب عشان مانتعامل معاه ؟

 

[$ AmoShka $]

انا مع خواتي
يعني قدموا بلااغ او رفعو قضيه عالمكتب نفسه
وان شالله تتوفقون وربي مايضيع حقكم
يعني سوي اي شي تقدرين عليه انج مثلا تردين فلووسج
بس اقولج الحل
انه خلاص الي صاار صار والفلوس تروح وتيي
واعتبريها دفة بلى عنكم
وربي يعوضكم
وسوي الي يريحج والله معااج وسوي استخااره وشوفي شنو تسوين ترفعين قضيه او تنسين الموضوع

 

[على وجهها سمة الأبرياء]

والله مادري

 

[لوكي 22]

لا حول و لا قوة الا بالله
حتى بهذي وراهم مشاكل
الله يعينكم والله

 

[قهوة عربية]

الله يعوض عليكم

ماأدري بس مكاتب الخدم بالهم طويل

وانتي قدمي بلاغ بالمخفر وشوفوا شيصير

بس الصورة الشخصية تخرع .....ليش ؟؟!!
من صج من صج خرعتني .....وضحكتني بنفس الوقت

 

[eng.q8]

روحوا المخفر المتخصص بسوالف الخدم
بمخفر بيان الدور الاول او الثاني وقولولهم شوفوا يمكن يساعدوونكم

 

[روزيتا]

انا مع الاخت روحوا بيان مخفر العماله وبلغى عن المكتب وغصب عليهم يردون لكم فلوسكم

 

[^kloOot^]

حبيبتى مخفر بيان العماله المنزليه فوق اشتكوا عليهم

وبس


وانشالله حقكم مايضيع

 

[برونزية رشيقة]

شسم المكتب السسسسسسسسسسسسسسكة هذا ؟؟؟؟

 

[meen_ana]

الله يكون بعونج من جذيه يقولون لج اذا تبين خدامه لازم مكتب ثقه

 

[اليازيه2000]

الله يعينكم