شنو جنسة خدامتج اولا
ثانيا
اول شي علميها على النظافة والطهارة والتنظيم اهم شي هذاا النظافة والطهارة حتى نظافتها اهي وطهارتها بعد ويكون شكلها نظيف ومرتب
خليها كل يوم تتسبح ويبي لها ادوا التنظيف
ثاني شي مثلا علميها اشلون اتغسل الحمامات اعزج الله بالطريقه الصح انها ما تنيس وما تغسل اي كلام لا تفرك عدل مدل الزوايا وكل مكان
وترتب الاغراض وما تخلي الحمام اغراضه مو مرتبه
بعدين عليمها اتنظف المطبخ وترتب اغراض الادراج وتحط كل شي بعلمج حتى لو تي اتغير مكان شي اتقولج وعلميها اشلون اتنظف المطبخ كل يوم يكون نظيف وريحته حلوه من معطرات او ادوات مطهرات وجذي والغاز يتنظف كل يوم حتى لو حطت قصدير جيكي على شغلها
خليها تتعلم اشلون اترتب المواعين والاغراض ملوت الكبتات والثلاجه
علميها الكبير وره والصغير جدام مثلا الثلاجه خلي كل شي مرتب وباكياس نايلون وكل شي يكون عدل مدل
علميها كل يم وترك تغسل ملابس ولا تكودهم واليوم الي تتركه تكوي فيه اللابس وعلميها طريقة الغسيل العدل مدل وطريقة الكوي العدل مدل
علميها اذا حابة اترتب غرفتج بس يفضل جدامج او انتي قاعده بالصاله ولا تدخل غرفتج بدون اذنج وقفلي غرفتج لما تبين تطلعين
الرجاء عدم الاعتماد الكلي على الخادمة ويفضل لو انج تساعدينها دايما افضل لج ولها
ومو كل شي تقطينه على الخدامه يبيلي ماي يبيلي شاي يبيلي قفشه ولا يبيلي صحن انتي قومي
ولم اتخلصين انتي رتبي السفرة معاها وشيلي معاها عشان اعيالج يتعلمون مثلج
اف وايد تعبت بس ما خصت
ابيكم تقولونلي شلون اعلمها النظام والنظافه وكل شي يتعلق بالتعامل مع الخدم؟؟
