خدامتي عندها سحر وش اسوي؟

[لابسة البرقع]

يا بنات انا لقيت عند خدامتي شي ملفوف و مربوط شفته والا داخله شكل البودره او الرمل و يوم سألتها عنه قالتلي ان هذا شي اهم يستخدمونه يتطيبون فيه و انا اخذته منها و ما عارضت و كانت خايفه و مدري وش اسوي فيها محتاره اخليها او اوديها انا متخوفه منها من انها تضرنا و اهلي يقولون خليها هذا عادي كل الخدم عندهم هالشكل يجيبونه معاهم علشان يحميهم هذا اعتقادهم و مدري من اصدق الله يحفظنا و يستر علينا من شرها

 

[عاشقة الاسلام]

أعرضيه علي شيخ دين وهو راح يعرف اذا سحر او لا
واذا انتي موا مرتاحه منها وشاكه فيها وديها المكتب أحسلك

 

[لابسة البرقع]

رفع

 

[مهره بلا خيال]

أوافق أختي عاشقة الإسلام..

 

[لابسة البرقع]

شكرا لكم

 

[توكلت على الله 22]

وانا مع الاخوات

الله يعينااااااااااا ع الخدم

 

[عسل سل]

مثل ماقالو وديه عند شيخ عشان اذا سحر يفجه
وبعدها سفريها علىىى طوووووول (((بس قولي حق المكتب انا لقيت عندها سحر وجذي عشاااان مايعطوونها ناس ثاانين وتضرهم حرااام)))))

 

[* بنت المطر *]

وريه ناس تعرف بهالاشياء احنا هنيه مانقدر نفيدج صدقيني حرام تظلمينها وتسفرينها تاكدي اول

 

[الربع الخالي]

يبه شاكه بشي أقلعيها للمكتب


ولا تسوي فيج وبعيالج

 

[قـــــمرهم]

يبى وديه عند شيخ وهو يعرف وانا لو اني مكانج على طووول مكتب بدون لاتدري بشي والله ينخاف منهم

 

[.. آبيك لي ..]

فنآقر للمكتب ,

ولآ تثقين فيهآ ~

 

[الحلللوه]

الله يكفيكي شرها

 

[๓ίşś зśŏłả..!]

الله يكافينا شرهم
مع البنات الاحسن انج تودينه لشيخ دين
اهوه بيعرف احسن منا

 

[منو انت]

من صجج بدون تردد وديه شيخ يشوفه ويقرا عليه بعدين هذول عندهم فكره السحر عادي ممكن سحر مايضرج بس سحر يخليج تحبينها يعني مهما تسوي غلط عادي عندج تصيرين مثل النايمه وعيونج مغمضه عن بلاويها وبكل الاحوال شي مو زين

ياربي من هالخدم الله يكفيج ويكفينا شرهم يارب

 

[اصيله بنت البدو]

وللحين تسالين لايابنت الحلال لحقي على نفسج السالفه يبا موهينا وديها على طول المكتب وفتشيها
ولاتاخذ ولاشي منج وهالشي وديها للشيخ لحقي قبل لاتسوي شي ثاني والله يحفظكم