خدامه ثانية .... نفس الجنسيه ومن اهلها ...ولا جنسيه ثانيه ..شرايكم ؟؟؟؟ احترت

[غيمه ظميانه]

:s142:

بنات انا مفكره أجيب خدامه ثانيه عالدوامات عشان الطباخ والتنظيف والخدامه الثانيه لليهال


فمحتاره حدي اخذ نفس الجنسيه ولا غيره

وخدامتي سيلانيه وقالت ان عندها وحده من اهلهم ودها تجي وتقول انها زينه واول مره تشتغل

انتوا شراييكم اخذ من اهلها ولا على قولتهم ((شطر اللحم عن اللحم لايخيس))

ساعات اقول يمكن يصيرون على قلب واحد ويعاونون بعض

وساعات اخاف يتوحدون فيني وفعيالي

ابي رايكم

واللي عندها خدامتين يصيرون لبعض تحط تجربتها .......


بليز :eh_s(22):

 

[<<لمار>>]

انا من راى نفس الجنسية احسن يتوالمون مع بعض وماياذونج بالغيرة والنجرة وكل وحدة تطلع عيب الثانية بس لى صاروا على قلب واحد بترتاحين من صيحتهم

 

[**مناير**]

ما ادري صراحه انا ما جربت بس احس اذا زفيتي وحده بتحقد الثانيه يعني بيتعاونون عليج اذا طنقروا

انا اعتقد كل وحده جنسيه مختلفه وايد احسن

دام عندج سيلانيه قدمي على فلبينيه

 

[cheese cake 84]

مادري يبي من اهلها اذا هذي اللي عندج زينه لان الخدم صايرين ارف اعوووذ بالله فشي تعرفينه احسن من ماتعرفينه واذا تبينها حق الطباخ يبي فلبينيه عالاقل انظف

 

[ام ورود مول]

ما انصحج ابدا تجيبين وحده من نفس الجنسية ومن اهلها بعد
راح يتضامنون مع بعض...اذا زفيتي وحده الثانية تطنقر وياها...غير انهم راح يتسترون على بعض..من بوقات وسوالف ثانية

اخذي وحده من جنسية ثانية احسن لج

 

[غيمه ظميانه]

مشكورين ماقصرتوا

بس هم للحين محتاره بين جذي وبين جذي

وخدامتي بالعكس حليوه ماشفت منها شي

واهيا تقول ان اللي تصير لها تبي تشتغل عن ناس معرفه لانها اول مره

فحدي احترت

والفلبينيات تعقدت منهم احس ما يحبون الجهال اللهم اذا جاهل وااحد من غير طباخ تحب جذي يعني عايله صغيره ماتحب اللجه
مو مال كراف


والاندونيسيات مستحييييييييل


مفكره يا نيبال يا الهند ياسيلان شراييكم

ولا مو كاسر قلبي غير الجهال ولا كل شي مايهم ومقدور عليه ما احاتي الا الجهال

 

[احلى البنات25]

انا نصحتي جيبي الي تعرفها خدامتج عند امي اثيوبيه ما شاءالله اهي وبنت خالتها روعه جيبيها توكلي على الله الخدم الحين واحد في الميه صير زينه

 

[قطوة@@]

رد : خدامه ثانية .... نفس الجنسيه ومن اهلها ...ولا جنسيه ثانيه ..شرايكم ؟؟؟؟ احترت

ييبي اللي تعرفها خداكتج

على الاقل ثقه

 

[حجيه هيونه]

امي يابت وحده وبعد فتره يابت اختها الصغيره


والصغيره لج عليها مو مضبوطه شوي تبي تنتحر شوي مادري شنو لين قعدت مره لقت الاثنين منحاشين لووول


والله امي مسكينه كلش اهي والخدامات ماكو حظ كله افلام معاهم

 

[ام الدرر]

عن تجربة حبيبتي ييبيها جنسية غير
اختي خذت هنود خوات ابد سووا بيتها جمعية يتقضون منها ويبادلون مع الجيران
يابت فيليبينيات قامت وحده تشتغل ووحده تريح تنام وعقب يبدى شفت الثانية وعقب قامت وحده منهم تشتغل وتغطي على الثانية مالها خلق الشغل
انا عندي فيلبينية ونيبالية والحمدلله لا مشاكل ولا مناجر وماشين سيدة وقايمين بشغلهم​

 

[miss mama]

مو عن تجربه لكن احساس الافضل جنسيات مختلفه عشان لا يتوحدوون فيج ويسوون فيها نظام الفزعه !!

انا عندي اندنوووسية صج شايله عيالي بس حقيرة بمعنى الكلمة وما استبعد انها مسويتلي سحوووره

توني اليم سويت طلب سيلانيه وقلت تعاون هالتعبانه الي عندي لانه على كيفها عبالها يوم دلعتها اني اخاف منها صارت كل ما تطنقر تقول ابي اسافر !!!!

قطيعه تقطعهم قسم بالله من كل قلبي اتمنى يقطعون هالجنسية من ديرتنا