خرعونيي

[kefi cute]

بنات أنا خلاص بيولدوني قيصري
لانه راس البيبي مو راضي ينزل
وانا بجريه ودشيت المنتدى خرعوني الي تقول الكرش يظل كبيرر وشكل البطن يخرع والعوااار وماتتحركين
وااااااااااااايد خفت ونفسيتي تعبت
قولولي شكل البطن يظل كبيرر ومترهل حييل
وصج العوار يذبح ومااقدر أتحرك
ويشقون البطن كله ويبين لخيااط حييل
او نفس الدوده الزايده.....ًً؟؟؟؟؟؟؟

 

[جنون أنثى]

حبيبتي الله يقومج بالسلامة
أنا والده قيصري والحمدلله ما كان في تعب الا اول يومين و بعدين تصيرين زينه و جرح القيصرية صغير حيل يمكن طول صبعج او أطول شوي
بس ديري بالج مو اي دكتور يضبطها ووخري عن الحريم ترا ميانين و شغلهم بربسة بخياط القيصرية
صج انصحج بدكتور اشرف مرسي بالسيف خياطة ماشاءالله حلووووووووووو بالطبيعي و القيصري والله على ما اقول شهيد
وبالنسبة حق الكرش والبطن الكبير لايقصون عليج
اذا انتي محافظه و ما تلطين هالعيوش و العيين و حياتج نشيطة ماراح تشوفين الكرش
والله يسهل عليج يالغالية*

 

[بيبي سبايس]

الله يسهل عليج حبيبتي لاتحاتين انا والدة قيصري مرتين ماكو عوار والبطن كريييشة صغيرووونة مو بطن عود

 

[اخت خالتهم]

شخباري البطن يكون مترهل والا يشقون البطن كله
شفتي الرحم من تحت صوب الكتكوت اهني يشقون شقة صغيره يطلعون البيبي و يردون يخيطونه

بس حاولي ما تحملين الا عقب على الاقل ست اشهر لو انتي تحبين انج تحملين على طول


و لكن نصيحه خل يصير عمره سنتين او ثلاث

والله يوفقج ومااتخاافيش

 

[*ماي الورد*]

الخياط يصير بخط البكيني مايبين اذا كان الخياط مضبوط
اذا انتي بجر و ضعيفونة ان شالله ماراح يطلع لج كرش
الكرش يطلع و يترهل من بعد الولادات المتعددة و قلة الحركة و الرياضة
العوار يستمر يومين و يخف كلما مشيتي اسبوع ان شالله يروح كله

 

[Beyoncee]

الله يقومج بالسلامه ويسهل عليج انا مجربه القيصريه يعني تبيلها راحه أقل شي إسبوع
والخياط تجميلي ما راح يبين والكرش بكل الحالات لازم تراعين أكلج والجسم يبيله وقت عشان يرد نفس قبل
والحمال الثاني يبيله فترة أقل شي سنتين
وما عليج الا العافية

 

[kefi cute]

حياتي مشكورين طمنتوني فديتكم والله

 

[ملاك ^ الحب]

لا حبيبتي لاتخافين اول يومين العوار بس بعدين عادي

والكرش لازم تحافظين وكل شي يرد مثل ماكان

 

[المسكـ]

اللي تحافظ على نفسها حيل يتم لها كرووووشه صغيروووووونه ماتبين بس اللي ماتحافظ لا تترهل البطن حتى بدون قيصري وان ولدتي اخذي مشد القيصري من الصيدليه وشربي الاعشاب اللي تشيل الدهون من البطن وهالله هالله بالرجيم السنع وان شالله ماتشوفين كررش