خروؤف أسـوؤد ..$

[MzOoOn 22]

السلآم عليكم ..

انا اليوم تقريبا عقب المغرب تحلمت حلم جدا غريب ...
وكان عقب ما قالت لي اختي بالواقع دقت علي وقالت لي ان احد من جماعتنا توفى ومن الخرعه تيبست ونمت وكان عقب المغرب ..

كان بحديقه بيتنا خروف اسود واقف وكبير ورزه مايتحرك .! وانا اشوفه مانتبهت .!
وعقب جنه بحوش بيتنا اختي تنشر ملابس لمنو مادري بس غاسلتهم وتنشرهم ع خروفين وهم واقفين ماتحركوا وكبار وانا استغربت شهالقوه عند اختي وشهالهدوء الي على الخرفان الي تنشر الملابس عليهم !؟
وهم كنت انا ارمشي بحوش بيتنا واسب واقط نقزات بصوت جدا عالي ع مرت اخوي لانه درايش شقتها مبطله فانا اعلي صوتي ابيها تسمعني ...|(( لانه في بالصج مشاكل معاها ..))

وهم قبل هالحلم بنفس اليوم متحلمه ببنت حلوه عنونه بالمهاد امسكها واقول بنتي بنتي واروح وارد عليها .. وبس وعقب دقت اختي قالت لي عن وفاه احد اهلنا وعقبها حلمت بحلم الخروف الاسود الكبير ..


والله كريم ويستر .!

متزوجه موظفه حامل بالخامس .. واختي مو متزوجه وطالبه ..

 

[مفسرة الاحلام]

ماشاء الله تبارك الرحمن

ان صدقت الرؤيا خطبيبين يتقدمون لاختك وقد تتكلم عليهم وتعلق عليهم بانهم مو عاجبينها او شي زي كذا

وايضا الرؤيا تبين حاله التوتر الذي بينك وبين زوجك اخوك وانتي السبب وليس هي

فقط والله اجل واعلم

اختي من حسن اسلام المرء تركه مالا يعنيه اتركي زوجه اخيك فى حالها هي بتتركك صديقيني

والله يوفقك ويسر امرك ويسعدك ويرزقك بما تتمنين