خريجات علوم اداريه الله يعافيكم

[هدى النصرالله]

السلام عليكم
يعطيكم العافيه خريجات الاداريه وغيرهم
ابي مساعده وياليت الي تدخل ادفيدني وراح اتفيدين غيري
انا طالبه بالاداريه
ابي اعرف شلون الانجليزي معاكم الي ماتعرف انجليزي شلون اعرفت انجليزي هل دخلت معهد ولا تعلمت من المواد الي ادرستها
وابي اعرف الي تخصصت محاسبه هل سهله موادها ودراستها بالانجليزي ولا لاء وشلون الامتحانات واجهتي صعوبه بسبب الانجليزي

 

[هنـــد]

حبيبتي انا ماعرف عدل بالانجليزي ومشاءالله تخرجت من الكليه

مو كل المواد تعتمد عالانجليزي ودراستنه بالنسبه لي سهله

 

[Om_Ksha]

انا كنت اعرف انجليزي شوي فمشيت الحمدلله .. و مواد المحاسبه حلوه و سهله للي يتمرن و يحل مسائل .. بس اللي حزه الحزه بياكلها :\ بس حلوه المواد و سهله بس جم ماده اللي غصيت فيهم بس الحمدلله عدينا و خلصنا كل شي و موفقه

 

[frawlah_83]

رد : خريجات علوم اداريه الله يعافيكم

لاعادي بتعلميين مع الوقت واصلا في مواد لغه انجليزييه ادربج على الانجليزي عدل فلاتحاتيين وبالنسبه حق المحاسبه بالعكس واايد حلو وسهل ومثل ماقالت ام كشه يبيله انج اول باول وتحليين قد متقدريين تمارين ومسائل اما اذا بتخلين الدراسه ليله الامتحان او قبل بيوميين لا فبتاكليينها .. الكليه سهله وموادها سهله بس يبيلها شوي مجابل وتركييز

وموفقه ان شاء الله وسلميلي على الكليه حدي ولهت عليها

 

[Miss_Accountant]

رد : خريجات علوم اداريه الله يعافيكم

انا انجليزيتي زوينه بس الحمدلله مشيت وتحسنت واااايد والمحاسبه يبيلها أول بأول اتحلين مسائل ما بنفع التكود
اهيا مو صعبه بس يبيلها مجابل وحطي في بالج مو كل الي تخرجوا فلتات بالانجليزي بس الوحده شوي شوي تتعلم
ومواد الانجليزي 106 126 146 وايد فادتني
وموفقه حبيبتي

 

[~..عـذروب خـلـي..~]

اممممم

انا بعد ابي خلفيه عن الاداريه


فيدونا بنات


اب

 

[nonosha]

السلام عليكم
يعطيكم العافيه خريجات الاداريه وغيرهم
ابي مساعده وياليت الي تدخل ادفيدني وراح اتفيدين غيري
انا طالبه بالاداريه
ابي اعرف شلون الانجليزي معاكم الي ماتعرف انجليزي شلون اعرفت انجليزي هل دخلت معهد ولا تعلمت من المواد الي ادرستها
وابي اعرف الي تخصصت محاسبه هل سهله موادها ودراستها بالانجليزي ولا لاء وشلون الامتحانات واجهتي صعوبه بسبب الانجليزي

عليكم السلام
كان الانجليزي زين والصراحة صرت احسن شوي من المواد اللي درستها بس ما احتجت معهد ولا شي

وكل المواد دراستها بالانجليزي .. والمحاسبة سهلة بس مثل ما قالت ام كشة تحتاج تحليين وتدربين عدل .. ومواد الحل ما تواجهين صعوبة بالانجليزي

بس النسبة للمواد النظرية (ادارة )ما حسيت ان واجهة صعوبة وايد بس كانت تاخذ مني وقت اكثر لان احتاج الصراحة اترجم الكلمات شوي .. تاخذ وقت اكثر بس مو معناته ان صعب