خريجات كلية العلوم الادارية-جامعة الكويت(قسم المحاسبة)

[frawlah_83]

وييييييين اعلان الهيئه اي صوب صاير @@

 

[frawlah_83]

كاهو لقيييته بس اللحين التقديم لازم حضور شخصي !!! يعني اذا طرشت احد راح اردوونه ؟ حاطين اصير عن طريق الويب سايييت دشيت في مكان حق تعبئه الىبلكيشن بس ماكو ماكو عشان ارفق الاوراق الي يبونها !؟

 

[frawlah_83]

كيوووووووته بتروحين تقدمين

عادي تسالين لي بلييييز اذا وحده مسافره بتقدم اشلون اصير ادز احد بدالها ? وهم سالي التقديم بالويب سايت اشلون طريقته اشلون ارفق السيره الذاتيه و باجي الاوراق

 

[q8ia_cutaa]

Enshalah halyomen bro7 w bs2lch wala yhmch :*

 

[^^ROSE^^]

بالتوفيق بنات
ان شاء الله عقب رمضان كلنا مداومين يارب

 

[frawlah_83]

مشكووره كيوووت ماتقصريين :*

رووز الله يسمع منج ان شاءالله

 

[frawlah_83]

بنات شركه وفره للاستثمار الدولي تعتبر حكومه ولا خاص ؟ ناس قالوا الحكومه تملك فيها فما ادري منزلين اعلان بالقبس يبون موظفين

 

[^^ROSE^^]

ماكو شركه استثماريه حكوميه
بس في وايد شركات الحكومه تملك فيهم اسهم
قدمي وشوفي بعدين شسالفتهم

اتوقع نوعها يكون نفس زين جذي ان الحكومة لها فيها حصه كبيره بس تظل شركه خاصه
مادري ترى قاعده افتي من اليوع هههههههههههه

 

[frawlah_83]

ههههههه اهم شي الافتاء من اليوع لوووووول شخبار رجيم النقاط ؟

اي بقدم بس المشكله كلهم متسلطيين لازم التقديم عن طريق الحضور الشخصي انا حاطه اوراقي عند خالتي وبقولها تمر عليهم وان شاءالله عاد يرضوون

 

[iNoor]

بنات شركه وفره للاستثمار الدولي تعتبر حكومه ولا خاص ؟ ناس قالوا الحكومه تملك فيها فما ادري منزلين اعلان بالقبس يبون موظفين

توني ياية بقول لكم عنه

http://alanba.com.kw/ArchivePDF/PDF/2011/07/04-07-2011/09.pdf

 

[frawlah_83]

مشكوره فرش جارديويت بغيت انزل الاعلان في موضوع بس انا شايفه الاغلبيه مايبون خاص فما نزلته ويبون خبرات مو حديثي تخرج معنه في وظيفه وحده مو طالبين لها خبره

 

[^^ROSE^^]

لووووووووووووول يسلم عليج الريجيم

الله يسلمج قاعده اقرا من مواقع شكثر الكل اجمع ان عشان تنزلين باوند واحد شحم لازم تحرقين 3500 سعره حراريه
الي ينزل نص كيلو يوميا او حتى 3 كيلو بالاسبوع هذا كله انسجه وماي وبيروح فيها الجسم
فالخطه ان الواحد يقلل 500 سعره عشان ينزل بالاسبوع نص كيلو شحم
وقايلين ممكن تقللين 300 سعره و تلعبين رياضه تخليج تحرقين 200 سعره
وطبعا اذا زدتي يكون احسن
بس النزول الطبيعي اللي بيخليج تخسرين فات مو شي ثاني هو نص كيلو بالاسبوع
من عذر شركات التغذيه ماتنزلين معاهم الا جم كيلو بالشهر

في مواقع اللي يحسبونلج شكثر يبيلج عشان تنزلين وزن
جربت هالموقع
http://calendarscripts.info/weight-loss-calculator.html
و حطيت ابي 20 كيلو بثلاث شهور

جان يطلعلي وورنينغ مو زين و دينجرز وحاله
جان ازيد 4 شهور نفس الشي
لين حطيت 5 شهور يالله قالي اوكي
يعني 20 اسبوع كل اسبوع كيلو

فالحين قلت بتبع طريقه ال 500 كالوري اللي استغني عنها يوميا
اول شي طلعت جم كالوري يبيلي عشان يظل وزني مثل ما هو طلعلي 2402
وعشان اضعف بخمس شهور لازم اخذ بس 1387
هذا وانا حاطه ان الاكتيفيتي 3 الى 5 ايام رياضه


واساسا ريجيم النقاط طلعلي يبيلي يوميا 22 نقطه
النقطه=70 كالوري التوتال 1540 كالوري باليوم

انا بمشي على 1300 او 1200

هو كل الخوف من رمضان
ودي اضعف الحين شوي قبل رمضان لان كل سنه امتن فيه

 

[frawlah_83]

يعني شركات التغذيه شغلهم مضبوووط وحتى رجيم عيادات التغذيه بالصباح كلهم ماينزلونج اكثر من كيلو ونص بالاسبوع ومرات تنزلن اقل واذا انتي وايد متينه ممكن تنزلين بالاسبوع كيلوين او ثلاث

انا العام برمضان اشتركت في لوفات ووايد ارتحت لا تخربط ولاشي وشكلي هالسنه ان شاء الله بسوي نفس الشي

 

[^^ROSE^^]

اي تصدقين طلعوا هم اللي شغلهم عدل
انا قلت عقب رمضان ان شاء الله اشترك يا اما هيلث كومباني او دايت سنتر
خل ينزلوني على مهلهم
بس الصباح لا فراوله 700 غرام باسبوعين احباط لووووووووول
مع ان في بنات نزلوا معاهم بس انا مادري شفيني
ترى ريجيمي كان 1500 كالوري مكتوب عليه
احس وايد يمكن من جذي

 

[Om_Ksha]

Hii bnat eshlonkm

Rjem elnga6 7daaa y3wr elras :/ ana bro7 ashtrk elyom bdiet care aw lofat

 

[^^ROSE^^]

جنه دايت كير احلى اكله
يالله شوفي جم تنزلين وقوليلي
افكر عقب رمضان اشترك مو الحين
ادري بروحي برمضان ان ماتفطرت تشريبة امي و صب القفشه ما اعده فطور

 

[leolady31]

السلام بنات شلونكم
انا طبعا غطيت عن المنتدى كنت مشغوله بسوالف التوظيف
طبعا مثل ما توقعتوا انرفضت من ديوان المحاسبة من ورا وحده يايبه واسطه اقوى طبعا اهي مو نفس معدلي اقل (لوووووووووول شر البلية ما يضحك )

بس الله عوضني و انقبلت بثاني احسن مكان اهو النفط انقبلت بال kpc فيعني قلبي ما عورني وايد بس الصراحه انا كلش ما كنت اؤمن ان الواسطه تظلم وايد طلع صج الحقيقة مرة
ما اقول الا الله لا يوفق اللي وقف بطريج اي متفوق عن اختيار المكان اللي يبيه لان عيب الامير يكرم المتفوقين والوظايف ترفضهم

بس ال مؤسسة مميزاتها حلوه والحين بيزيدونهم يعني its good

بس هذه اخباري انتوا اشلونكم شخباركم

 

[^^ROSE^^]

عالبركه ليو الحمدلله الله عوض صبرج خير
تستاهلين كل خير
وترى الله وحده اللي عارف اي مكان اللي فيه الخير لج فلا تتحسفين على شي

بالنسبه للمعدل ترى هو مو كل شي
حتى ايام الجامعه اخر كورس كان دكتور يقولنا اللي معدلهم 2.67 الى 3.2 يبونهم اكثر من اللي معدلاتهم قريب 4
طبعا مو معناته محد يبيهم
قالنا البنك الوطني دازين يبون خريجين معدلهم 2.67 لي 3.2 اكثر من جذي مايبون
ومرة دكتور امريكي قال جامعه ستانفورد اللي هي تنافس هارفرد عالمركز الاول عالميا
مرة من المرات ماقبلت ولا واحد من اللي معدلاتهم 3.9 و هالطقه
وفي ناس يايبين بالجيمات فل مارك تخيلي 800 من 800 ورفضوهم
يقولون مانبي ناس عباقره بالدراسه
نبي اللي حشته مطبات بس هم كمل و مشى
والنسبه الاكبر حاطينها عالمقابله بسس

شيلي من بالج ان المعدل لان عالي لازم الواحد ياخذ الوظيفه اللي يبيها
المعدل يفيد بشغله وحده بهالحاله
اذا كان بالمقابله يقنعهم
مو باجابته الصحيحه عالاسئله لا بانه يكون واثق و مو مرتبك

اذكر في ماده فاينانشال اناليسز الماده كلها تحليل شركات و بريزنتيشن
الدكتور سألني سؤال و جاوبته غلط بس لسبب ما عبالي اجابتي صح
وقعدت اصر على رايي ان صح و اشرحله
حطلي فل مارك و خذيت a
في بنات قالوله ان ترى هي مجاوبه غلط احتروا لانه محد خذا a الا انا وثنتين زلمات انا صرت الزلمه الثالثه لوووووووووول
قال بس هي ما ارتبكت ولا خافت و ظلت واثقه من نفسها و فكرتت بأشياء تدعم اجابتها
مو مشكله غلطتها بتتعلم منها بعدين بس اهم شي الثقه

بس حبيت اوضحلج هالشغله لان اعرف بنات معدلاتهم اعلى منج وفي 4 نقاط بس بالمقابله يخورونه اللي يايب نقطتين يتحجى احسن منهم
تبينهم ياخذونهم عشان المعدل ومكرمهم الامير؟ طبعا لأ
المعدل مو كل شي وسألي اي احد صاحب شركه يبي يوظف اذا كان همه الاول المعدل
هم يبون شخص بمستوى مو اقل من جيد جدا فقط والباقي الواحد يثبت نفسه بالامتحان والمقابله

 

[^^ROSE^^]

اذا انتي انرفضتي من قطاع الاستثمار ترى اللي انقبل واحد مو وحده معانا بالجامعه و متفوق ومعدله وايد عالي ماشاء الله+ذكي ويايب درجه عاليه بالامتحان والمقابله
ابعد مايكون عن الواسطه هو ولد خالة رفيجتي ودين و متواضع وكنت متوقعه ان لو قدم بياخذونه بدون واسطه لان الكل بالجامعه يعرفه


وشيلي من بالج فلان خذا رزق فلان و لا وظيفه فلان
الارزاق يوزعها رب العالمين

 

[^^ROSE^^]

يابنات شنو اتفطر؟
بين اني اصير خوش بنيه واخذ ارابياتا و حلو تك من دايت كير
و اني اكل يريش يم يم يم
او اطلب برجر كينغ
طبعا بين اليريش والبرجر كينغ اليريش بيفوز بدون كلاام لوووووووول