خريجة حقوق

[tastya]

السلام عليكم بنات
انا خريجة حقوق وسجلت بالديوان شهر 11
رقمي بالديوان فوق ال200
وهالموضوع حدة مأزمني ومأزم الكل هني
وطبعا مجتمعنا مو ملقوف كلش كل مااروح مكان اول سؤال توظفتي ؟ :eh_s(10):
بغيتكم اول شي تطمنوني على وضعي اني ما راح اقعد بالبيت سنين نفس ماسمعت
ثاني شي شنو افضل الاماكن لخريج الحقوق اللي معدله على قده مثلي بالسبعينات :eh_s(22):
ثالث شي يأثر حملي على قرار توظيفي
وسامحوني ادري قرقت على راسكم وايد بس مالي غيركم يفهمني

 

[Lays BL.ketchup]

وضعج طبيعي جدا
لكن وضع الديوان مو طبيعي
كل اللي تخرجوا العام من الحقوق مانزلت اساميهم بالديوان لي الحين حتى اللي ارقامهم في البدايه
اذا حابه تتوظفين الحين - احس مكان الخاص يا بالمحاماة او بالشركات الخاصه

بس اتمنى الدفعه اليايه يركزون فيها على خريجي الحقوق لان الموضوع طول وايد
وان شاء الله عقب هالدراسة والتعب والصبر ننحط بخوش مكان

وان شاء الله البنات يفيدونج اكثر :eh_s(7):

 

[السمبتيك]

بيي معقوله !! حقوق ورقمج 200

انا نفسج حقوق تخرجت قبل 3 سنين
اول ماتخرجت سيده طلع اسمي بالجمارك
رحت رفضت
جان يحطوني الشهر الي بعده سيده بالداخليه
رفضت حطوني سيده بالتربيه
رفضت اليوم الي بعده حطوني بالصه

انا معدلي الحمدالله واايد عالي فعازه علي نفسي اني اشتغل بوزاراة
حطوني بوزارة النفط وبالتعليم العالي
سويت ربط حق الماليه والحمدالله انقبلت

واخر شي مارحت ولا مكان من هالاماكن واشتغلت محاميه بمكتب

الحمدالله الشغل زين وماشي الحال احسن من وزارة وروتين وبصمه وحاله ولوعه

اذا خذيت سنوات خبره كافيه راح اقدم على مكان زين واحسن هالوزارات الداثره


ان شاالله اختي ماطولين لان اغلب الحقوقيات يرفضون الوزارات فيكون في احتياج ان شااللع

وبالنسبه للحمل عادي تتوظفين بس الفحص الطبي ماتسوينه كله ماتسوين الاشعه
واول ماتولدين ان شالله بالسلامه تكملين الفحص الطبي عادي

 

[Angel_store]

اب اب اب

 

[عادت ذكرياتي]

غرييييبة


أعرف وحدة خريجة حقوق قبل سنتين تقريبا وعلى طول طلع اسمها ما شاء الله بالعدل...


الله يوفقج

 

[Om fhoood]

نفس وضعج انا وموقفة الحمال لاني سألت شخص يشتغل بالديوان قالي الحمال يأجل الوظيفة

مشكلة المعدل والله يعني ننتحر عشان والله معدلاتنا مو عالية

عموما انا حاليا قاعدة افكر بالقطاع الخاص

 

[Om fhoood]

نسيت اقولج انا مسجلة شهر 9 وللحين رقمي 211 وسألتهم هناك قالولي باجي وايد جدامج وايد

 

[tastya]

بنات مشكورين على الرد و الرفع ماقصرتوا
الديوان مأساااااااااااااة يبيله نفضة عدلة ماكو احد بالديرة يتوظف بتخصصه لا وعقب الف سنة وين قاعدين !! الله المستعان
ريحتوني من جهة ان في نفس حالتي
والله يوفق الجميع وننقبل بمكان سنع ونفتك والله ينولكم الي ابالكم

 

[سمو ذاااتي]

غريبه انا بكمل سنتين وترشحت اكثر من مره وارفض ودي اسوي ربط علي الاسكان بس متردده واايد لان هالمكان بالواسطه بس

ليش تقعدون بالبيت جذي تدربي بمكتب محاماه لين الله يرزقج بالمكاناللي تبينه

موفقه يارب انتي وكل المسجلين بالديوان

 

[قهوه ساده]

انت رايحه الاسكان قالولي ماناخذ من الديوان اذا نبي انزل اعلان بالجريده

 

[tastya]

الظاهر التاخير من حل المجلس والحكومة قبسنا على الديرة
الله يوفق الجميع ويطمن قلبنا