مساكم ورد
الموضوع باين من عنوانه
انا قريت اهني موضوع عن المساج الصيني وانه ينحف
ويظبط الجسم ... ومن الاختيارات المتعدهه
قلت ماكو الا ريكورفي لاني مجربته باكثر من جلسة مساج ريلاكس
وريفسولوجي وجربت الحمام المغربي والبرافين و و و و و
وبعد مراسلات مع اختي مستشاره قانونيه
توكلت على الله ورحت ... هالحجي كان يوم الاثنين اللي طاف
المهم كنت رايحه ومعاي الــ60 ,,,على اساس ابي اسوي 5 جلسات
تنحيف للبطن ...
يوم دشيت والا عندهم عرض ... 12 جلسه 100 دينار
يعني خاصمين لج 20 ... سألت المزيونه اللي بالريسبشن شنو الجلسات ؟
قالت لي 5 تنحيف بطن
2 ريفسولوجي
2 تبيض الجسم
2 تنعيم الجسم
وجلسة مساج ريلاكس
المهم جان اسوي الاشتراك .. وبلشت الجلسات
وانا اورليدي مخففه بلعه وكل يوم عقب مااخلص المساج
اروح الممشى مع خالتي وناخذ لنا مشي ساعه
وارد البيت .. اشغل الجهاز اللي فيه سيور تهز البطن جان تعرفونه
واخليه نص ساعه .. وبعدين ادش اسبح
المهم .. ادري طولت عليكم
قبل يومين رحت السوق مع امي و خواتي
جود انا مخلصه مشترى بس شفت بدلتي مالت العيد
ومن اللقافه قالت امي دشي قيسي المقاس اللي اصغر
طبعا انا يا بنات قياسي 46 ... :eh_s(22):
تدرون بغى يوقف قلبي بغرفة القياسات
42 وفيها وساعه شوي :eh_s(1):
امبيه قمت اصارخ بالمحل القياسات حيل اختلفت
وانا حيل مستانسه .. من اول رمضان لي الحين نزلت 6 كيلو
بالمشي وصكت الحلج .. وكملتا بالمساج جسمي حيل حيل تنسق
وباستقبل العيد باحلى حله ... :eh_s(15):
هالايام طايحتله بالعبي الوساع علشان افاجئ الناس بالعيد
الفال لكم بنات
وابي اشكر مستشارتي القانوينه على تشجيعها
