" خصـــــــــر " متعوب عليـــه

[حبنا الله عليه]

ذهلتوا من العنوان

اقصد الصوره موخصري

المهممممم اول مره اشرف اهني وبموضوع بالنادي الصحي

مومن زين الجسم لالا بس راضيه والحمدلله والشكر

بس مصيبتي الكرش والخصر شبه معدوم

خاصةً حزة الدوره انتفاخ موطبيعي ادري انه شر لابد منه بس عاد انا بشكل يغث اكره عمري وبالآونه الأخيره حدث ولاحرج وبما ان لكم قراءات وخبره أكثر مني بالرياضه فودي تساعدوني برياضه ولاجهاز مجرب يساعد على تخفيف ونحت الخصر ( قويه :eh_s(1): ) ويطير الكرش راضيه لو بالنص بساحس اهني بفضاوه .


وانا بانتظاركم .. وشكرا سلفاً

 

[bnt q8 in usa]

تبين نصيحتي وبحكم الخبره وهم بحكم زوجي دكتور بالسوالف هذي كتخصص


اول شي:امشي ودايما شفطي بطنج وانتي قاعده وانتي تاكلين تري شي سهل
مو صعب صدقني وبعدين ببتعودين حتي وانتي تكلمين الاوادم لاشعوريا تلاقين نفسج شافطه بطنج

والشي الثاني:توقفين ثابته وتفتحين ريلج شوي وتسوين تمرين الخصر
وخلي عصايه طويله وري رقبتج فهمتيني شنو اقصد
وسوي التمرين كبدايه 30 مره مدة 3 ايام وتالي زيدي ليمن توصلين 200 مره

وشوفي تري هالمنطقه عند المرءه بصعوبه تضعف فيبله صبر يعني
ودايما ركزي علي تمارين الخواصر في وايد بس ماني عارفه اشرح لج

اهم شي طولة البال وصدقيني خصرج بيصير مثل خصري 25 وساعات 24 ماشالله لااله الا الله

 

[me'3tarba]

والله ماكو على المشي :eh_s(15): :eh_s(15): :eh_s(15):

 

[بوران]

bnt q8 in usa شكثر يبيله على ما تبين النتيجة ؟؟
شنو اهي تمارين الخواصر؟؟
ياليت تعطينا تمارين تشد عضلات الظهر خصوصا اللي يم الزنود فهتيني؟؟؟

مو سامعة عن تمارين القرص الدوار ينفع حق الخصر و لا لأ؟؟؟

 

[bnt q8 in usa]

اهلين بوران شلونج حبيبتي

عمري هالمنطقه يبلها صبر يعني تبين النتيجه من شهر ونص الي 3 وفي ناس اذا كانت كبيره 6 اشهر

بالنسبه للتمارين تعرفين توقفين وتفتحين ريلج شوي وتلفين يمين يسار
وانتي شافطه بطنج

وهم القرص الدوار بس سويه من غير جهاز
وهم في الميلان الي تميلين علي اليمن مره ومره علي اليسار
بس مثل ماقتلج زيدي بالمرات ليمن توصلين كل تمرين 200

شوفي انا اسوي تمرين البطن 200 مره من دون توقف هذا مايه من فراغ
بالتدريج طبعاا

 

[حبنا الله عليه]

شكر خاص bnt q8 in usa بس عفيه وضحي الرياضه ماعرفتها شلون ؟؟

ويسلمو لللجميع على المرور

 

[bnt q8 in usa]

ابوي انتي:توفقين جذي Aمثل حرف الايه وبعدين تلفين يمين ويسار عرفتي
جنج بتسوين دايره بس نص وسويه مثل ماقتلج اول مره 30 لمدو 3 ايام بعدين زيدي وصدقيني بتشوفين خصر لاصار ولاسوه بس اهم شي الصبر مثل ماقتلج اصعب اماكن صعبة النزول عند المره الارداف والخواصر

وتقدرين وانتي تلفين تكون فيه عصايه وري رقبتج وتلفين بحاول ادورلج تمرين يوضح هالشغله

 

[سكـ الليل ـون]

مثل ما قالت بنت الكويت على طووووووووووووووول أشفطي بطنج
والتمرين اللي قالت عنه صج عجييييييييييييب وعن تجربه
وأنا كنت أسويه من غيييير عصا


وفيه موقع دايم أدخل عليه حلو للتمارين ولكل مناطق الجسم

وهذا التمرين لعضلات البطن السفلى , يساعد على تسطيح البطن
http://www.ayoubdiet.com/articles/details.asp?id=68


وهذي تمارين خاصه لعضلات البطن , تفيدج أكثر
http://www.ayoubdiet.com/articles/default.asp?id=14



البنــــــدري​

 

[PearL]

اى كلام بنت الكويت صح حاولى تشفطين بطنج دايم

على سيره الخصر والكرش انا ملاحظه شغالتنا النيباليه

دايما تربط خصرها بقطعه خام والا ملفع ما تبيه .. لاحظت انه التربط يساعد على نحت هالمنطقه

 

[حبنا الله عليه]

حبيباتي كلكم

تسلمون يارب وألف شكـــــــر

 

[بنت الحزن]

ابببببببببي جذي شلون

 

[Chocolate Milk]

صج متعووووب عليه

 

[Harmony]

شكراً لكي اختي الكريمه على هذا المشاركة

 

[ghalaty]

صح كلام بنت الكويت أنا مرات اسوي تمرين العصا بس نتايجه مذهله تهبل

 

[الكويتـ80ـية]

شكراً لكي اختي الكريمه على هذا المشاركة

 

[الغاليه نونو]

شفط البطن جربوووه والله تماااااام انا جربته والحين تعودت علي طوول اشفط كريشتي اول الايام تحسين بصعوبه شوي بس تالي بتتعودين

بس تمرين بوعصايه ماجربته بجربه واشوف مع ان عندي خصر وحليو بس مشكلتي الارداف شويه يبيلهم ترميم ههههههههههههه

 

[bnt q8 in usa]

نونو رمميهم قبل لايصيرون طبقات طبقات وتحتاجين حق هدام
جربي الطريقه الي قلتها وبيصير خصرج احلي من خصر دينا وحياتج

 

[حبنا الله عليه]

يسلمو على هالتفاعل للبحث عن الخصور

:eh_s(1):

 

[نيوفه]

​

بنات صج والله تمرين الـA صج صج حلوووووووووو
وشكراً لكي اختي الكريمه على هذا المشاركة

 

[julanar]

النوادي الصحي عندهم تمارين وأجهزه تساعد على نحت الخصر