خصم في مكتبة الظمني

[عنيّد]

السلام عليكم

بنات توني اتصلت على مكتبة الظمني ، بسئله عن طريقة التوصيل

قالي متوقفه لأنه الحين المكتبة مسوية

خصم 60%

قلت له متى ترجع الخدمة ؟ قالي احتمال ماترجع لأنه الحين مسوين تصفية وعندهم بحول 4 آلاف كتاب بمواضيع مختلفة


تلفونهم
23727899

عنوانهم
المنقف - شارع المطافي - عمارة فيها صالون شاديه - بالسرداب

مواعيد العمل
يومياً 9 صباحاً إلى 10 مساءً
الجمعة 1 ظهراً إلى 10 مساءً



غوووووووووووووووووووووصوا بالمكتبة

 

[^AyOoTa^]

لي متى ؟

 

[عنيّد]

الى ماشاءالله

لأنه لما سالته متى تردون خدمة التوصيل ، قالي يمكن ماترجع لأنه المكتبه مسويه تصفيه (الي فهمته انهم يسكرونها خلاص!)

 

[ناتشوو]

والله خوش مكتبة
انا رحت لها مرة
مغامرة مع اخوي
عبارة عن مخزن كتب

 

[rawona]

وناسه والله يبيله!!!



بس حسافه لاني على وش سفر << ما اقدر اروح بعيد علي وبعدين اعرف نفسي لووووووول اذا دخلت ماراح اطلع هيهيهي


ان شاءالله اذا رجعت ضروري امرها :tek:​

 

[.]

صج وناسه..

خبري فيهم انه تنزيلاتهم لي 16-6 ..

رفيجتي قالوا بيمددون قلت مو معقوله..

عاد صج تسوا انصحكم بنات تروحون لها..

رحت مرتين اول مره حسابي طلع 21 ومع الخصم صار 8..

و2 مره 50 ومع الخصم صار 20..

خذيت سلسلة ماوراء الطبيعه كامله ب14 وشي بس شلت منها 4 اعداد لاني ماخذتهم قبل واهي شامل العدد المصور والاعداد الخاصه المهم قبل التنزيلات جنه كانت ب35 فرق ..

ومشكوره ع الخبريه..

 

[F.A]

حسافه بعيده علي
بس مشكوره

 

[عنيّد]

بنات انا ماعمري طلبت منها ولا اعرفها الا من المنتدى

كتبهم بس عربية ولا اكو اجنبية ؟


حديييي خاطري أروحها ، بقول حق اخوي عساه يتبرع ويوديني

 

[غيدآء]

عنيدايه عندهم عربي وانجليزي .... اذكر كان عندي دليل الكتب حقهم وعقب قطيته على بونه اكتفيت منهم كتب بس اذا مسوين تصفيه مثل ما تقولين يبيله نرووح لهم عاااااد المنقف ماشالله قريبه عندنا لووووووووووووول ...

بقش كل قصص اجاثا والي يعجبني اخذه بعد....


وان شالله اخوج يتبرع ويوديج....

 

[lolwah]

اي صوب بالمنقف ؟ و شنو يمهم ؟

 

[Stylist]

خوش خبريه
مشكوره

 

[brat]

مشكورة رحتلها مع ريلي عقب ما سمعت عن التنزيلات بالمنتدى

بس للأسف ما عنده كي نت وريلي كان عنده كاش بس خذيت سلسلة ما وراء الطبيعة كلها والجزء الأول من سفاري والجزء الأول من سلسلة ثانيه حق د. أحمد توفيق نسيت اسمها وبعد كتاب. طلع علي ب١٤

وقال التنزيلات لي ١٦-٧ يبيله روحه مره ثانيه إذا ريلي وداني.

وحسافه يسكرونها

 

[عنيّد]

بنت جابر ،، تسلمين ع المعلومه

lolwah ،، أنا حاطه عنوانهم ! اذا مادلين دقي عليهم ويوصفلج أكثر ، أو البنت الي تدل لاتبخل علينا بالوصف اكثر ^_^

brat ،، خوش زين قلتيلي لاني ماكنت ناويه ع الكاش ، بس جذي خلاص نحسب حسابنا


حدييييييييييي تشوقت :eh_s(1):

 

[Little_Queen]

لااااااا يسكروووووووووووونها لاااااااااااا


خل الحق اروح اخمطلي كتببببببببببببببببببببب ... خلصت امتحانات بعد ما عندي حجة

و بيتنا بالمنقف !


عاد كنت متضايقه انه تنزيلاتهم بتخلص وانا ماخلصت امتحانات ليلحين بس الحمدلله


بس اذا بيسكرونها ........... حرام !

 

[KittyCat]

شنو نوع الكتب الموجوده؟؟؟ عندهم كتب جرير؟؟؟

 

[عنيّد]

ليتل كوين ،، تأجرونا بيتكم ليلة ؟ :dddds: قلت للاهل المكتبه بالمنقف بروح قالوا بيييييييييه المنقف بعييييده :eh_s(1): اشدعووووه عاد مالي شغل باجر بينزل راتبي وبروح المكتبه يعني بروح :eh_s(14):

ماعمري طبيتها ، وماعندي فكره عن كتبها ، ياليت تعطونا فكره عامه

وبالنسبه انهم بيسكرونها ، ترى مومتأكده ، انا قلت لكم بالضبط الحوار الي دار بينا بالتلفون واستنتاجي الي اتمنى انه يكون غير صحيح :tomato2:

 

[.]

شوفي خل اقولج شتحصلين فيها..

سلاسل احمد توفيق (فانتازيا -ماوراء الطبيعه -سافاري)
ترجماته (روايات عالميه للجيب- رجفة خوف)

في سلسلة صرخة رعب..
سلاسل نبيل فاروق (زهور-ملف المستقبل-رجل المستحيل-جواسيس-كوكتيل 2000)

في مكتب 19 جنه مادري منو صاحبها..

اغلب روايات المصريه للجيب موجوده هم في فلاش وسماش وميكي وسوالف الكتب المصريه للتعليم اللي عليهم بنت ولد..

في موالفات يوسف السباعي واحسان عبدالقدوس-المنفلوطي وغيره بس اغلبهم خلصوا حسافه..

في كتب عن الام والطفل..

هذا اللي اذكره واي كتاب بخاطرج اتصلي عليهم تاكدي اذا موجود او لا..

 

[.]

اي تذكرت في كتب دينيه بعد بس ماثبت ع اساميهم..

 

[LeeMa q8]

المكتبه للحين موجوده ولا تصكرت ؟!

 

[أنثى اليمامة]

موجوده اتصلت عليهم من فتره ، كانوا موجودين
​