خطا السونار فى جنس البيبى

[pinky cat]

مرحبا حوامل شلونكم
انا حامل بالشهر السادس , من اول ما حملت سويت سونار مره بالشهر الرابع وقالولى بنت
وسويت بالشهر الخامل قالولى 99% بنت ,,,,,, امس سويت سونا بالصدفه لانى كنت تعبانه وانا الحين اخر السادس ,,, والدكتوره قالتلى ولد ,,,,,, بصراحه حيل انصدمت ما صدقت الدكتوره وقلتلها شوفيلى اياه مره ثانيه
شافته وقالت الف بالميه ولد الاعضاء مبينه ,,,, منو صارها مثلى قالولها بنت بعدين بين ولد ,,,,, بصراحه انا شريت ملابس بنت اخاف ارجعهم واجيب ملابس ولد ,,,,, ولما اولد اجيب بنت ,,,, بليز شنو تنصحونى بصراحه حدى مصدومه

 

[+ Gloom +]

رد : خطا السونار فى جنس البيبى

حبيبتي لا تحتارين رديهم واخذي الوان محايده واذا تبين الالوان سوي سونار رباعي الابعاد الملون وشوفي الاعضاء وتأكدي ويارب يرزقج اللي في بالج ويعوض علي بالتوم الصااااالح

 

[om al ghaleen]

...,, يلا آن شاء الله ولد لانه بالسادس اتوقع آوضح
انا شريت آلوان محايده آصلا الموٌلود حلآته آوف وايد وابيض لآنه هاللونين يرمز للملآك "
خلي الملآبس واخذي اللوٌن الآبيض عن الخسساره : d

\\

 

[كويتيه مذهله 87]

واااي قهر
أنزين سوي سونار ربااعي علشان يوروونج عدل شسمونه اذا ولد خلاص اذا لي الحين الفاتوره عندج رديهم واخذي الوان محايده

 

[Miss-_-Fl0wer]

سوي سونار رباعي الابعاد عشان ابين وتتاكدين انشالله واالله يرزقج كل خير يارب

 

[مواصله]

رد : خطا السونار فى جنس البيبى

من راي البنت سوي سونار رباعي لانه واااضح حيييل

 

[جذابه بنت ذيابه]

رد : خطا السونار فى جنس البيبى

نفس اختي

قالو لها بنت وراحت شرت للبنوته لين قالت بس خسرت يمكن 270 دينار
من سنتر بوينت ,, ويوم جت السابع قالو لها ولد وفعلا جابت ولد
ردت الاغراض وشرت ملابس اولاد فيهم ,,


والحين اسمله عليه ولدها عمره سنتين

 

[ام ريان2008]

ان شاء الله يكون ولد وتفرحي فيه ..
وانا سمعت ممكن البنت يغلطوا فيها وتطلع ولد
بيكون اعضاءه ما اكتملت النمو او صغيره و يفكروها بنت
الله يتمم على خير ...

بوكره موعدي عند الدكتور وانا كمان دخلت السادس
يا رب يكون ولد ...

 

[a7la_7b]

الله يتمم عليج ويرزقج بالذريه الصالحه انا رفيجة اختي كله يقولولها بنت ولما ولدت طلع ولد عادي تصير هالاخطاء وكل شي بيد ربج

 

[أشبـاهـ المطـر]

ممكن اسم الدكتوره الي قالوج انها بنت ؟؟
والي قالج ولد بعد اذا ممكن

بصراحه انا سونار ماغلط معاي بنتي الاولى
وهالمره مرتين قالوا لي بنت والله كريم

 

[توته توته ..]

يارب ولد وتفرحي فيه وتشوفيه عريس

انا حامل في 3 اشهر وقالت لي الدكتورة احتمال بنت

يارب يكون ولد

انتى ياقلبي في السونار وين راس الجنين يمين ولايسار في الشهر الثالث


وكم كان نبضه في الشهرين الاولى تكفين ردي

 

[توكلت على الله 22]

ان شاء الله ولد

ياااااااااارب انا ولد انا بالسادس ورحت اخذت سوناااااااار والى الان بنت ماتغير شي

ربي كريييم ان شاااااء الل ويرزق كل من تتمنى الولد بالولد

 

[دانة بعين بحاري]

سوي سونار رباعي عشان تتاكدين

 

[حنوووونهـ]

بنات ماادري ليش كثرانه مواضيع اخطاء السونار هالفتره
احسن شي تشترون الوان محايده لان الخطأ وارد ليش تشترون وتحسفوون حرام
بس مع هلاجهزة المتطوره جذي للحين موجود الخطا
انا قالو لي 80% بنت وماادري جهزت لون محايد احسن شي
الله يرزقنا مانتمناه يارب

 

[حنوووونهـ]

انتي بأي اسبوع الحين ياليت تردين

 

[شقحاا]

الله يرزقج باللي تمنين

يمكن توام ههههه

 

[كويتية ورديه]

واااي ياحسرتي انا شريت لبس وردي لووول فيني بنت و 3دكاتره قالوا لي @@ وليييييييييه شسوي اذا طلع ولد خلاص بلبسه وردي

 

[ZajiL]

الله يرزقج الي فيه الصالح ومثل ماقالوا البنات الرباعيه مايغلط

 

[فاقده حنان ابوه]

رايي من راي البنات سوي سونار رباعي

واذا ولد اكيد رجعيهم

....

 

[M!sS_D!oR]

ربي يتمم عليج بنت ولا ولد كلهم نعمه من الله الحمدلله
وبالنسبه للملابس عادي لاتردين شي من نصيبه واخذي الوان ثانيه وزيديهم ولله يتمم عليج حبي
ويرزقج بالولاده السهله ياكريم