خطبة رجل كبير في السن

[pizza]

عزباء عمري 28 سنه ..

رأيت كأنني رايحه الحج وكنت بالسياره مع اختي الكبيره , وكأنني مخلصه الطواف حول الكعبه وباقي لي السعي حول الصفا والمروه ,, فتذكرت ان بطاقتي المدنيه مو معاي فقلت لأختي ماراح يخلوني اسعى الا ابطاقتي المدنيه ,, فكأني رديت الكويت عشان اييب بطاقتي المدنيه من غرفتي ودورتها دورتها بكل البيت مالقيتها ,, جان اسمع صوت أمي كأنها تحاجي ريال وتقوله انتوا ناس طيبين وماراح نلقى ناس أحسن منكم ,, ولمن طليت لقيتها تحاجي ريال من عائلتنا يصير لنا من بعيد بس مالنا احتكاك معاه وعمره بالخمسينات تقريبا وكأن بطاقتي المدنيه معاها بتعطيه عشان يخلصون الاجراءات وجذيه ..

فقعدت أبجي بغرفتي وأقول لخواتي مااابي أتزوج ريال كبير ,, حيل كبير علي ماابيه ...

وبعدها بفتره بسيطه ,, حلمت ان هم فيه ريال كبير بالسن بس ما اعرف شكله وكان كاشخ كأنه متقدم لي وقاعد مع اخواني بالديوانيه واخواني كانوا كاشخين ويحاجيهم وكانوا كلهم مركزين معاه ومنصتين له ,, وشفت نفسي ابجي بغرفتي واقول لخواتي مااابيه رياال كبير ,, وااايد أكبر مني مااابيه​

 

[مفسرة الاحلام]

ان صدقت الرؤيا زواج لك اما من احد ابناء هذا الرجل او من احد معارفه والعلم عند الله