خطبني واحد عنده بنت وخايفة

[متفائلة خيرا]

السلام عليكم ورحمة الله وبركاتة
انا مطلقة وتقدملي الحين واحد مطلق وعنده بنت بس بنته ويا امهاااا وماشافها ابد وعمر البنت الحين 3 اشهر وماشافها
والرجل يمدحون اخلاقة ودينه وحامل كتاب الله بس مايشتغل ومايملك الا قوت يومه وشكله عادي اسمر
وطويل ومتين شوي ومتخرج من معهد كمبيوتر ويسكن في ضواحي بيته صغير وعنده سيارة
وسبب طلاقة من زوجته لانها فري ومو متدينه وغير متحفظه
انا الحمدلله متحفظه وحجابي شرعي بس مشكلتي الللي هيا
انو عنده بنت ويسكن بضواحي واخاف الوضع المادي ياتر علي مااعرف محتاره ويسكن بضواحي وانا اخاف ما اتاقلم معها
فكرت وقولت ان الله هو الرزاق بس بنته و بيته بعيد خايفة من الزواج
زواج المره التانية اصعب بكثير اسال الله ان يفرج عليا وعليكم
ايش رايكم

 

[Perfume]

حبيبتي
شنو يعني مايشتغل وما يملك الا قوت يومه ؟

 

[granted]

مايشتغل؟؟شلون بيتزوج عيل شلون بيصرف عليج وعلى بنته ؟
وحطي ببالج انه ممكن زوجته تتزوج وتقط بنته عليج
شوفي استخيري انتي عادي عندج تسكنين بنفس مستواه المادي ً
الله يكتبلج الي فيه الخير و يوفقج يارب

 

[الأميرة جوري]

مافهمت شنو الضواحي ؟؟

 

[عـيّــآره]

مادري من كلامج حسيته ساكن في بيت شعر شنو يعني ضواحي

انتي شكلج مو مقتنعه لابشكله ولا بحالته الماديه

على وصفج شكلها الاولى انفصلت منه والسبب الامور اللي كتبتيها

وبعدين انتي تقولين انه انفصل عنها لانها مو ملتزمه وفري واللي ملتزم ويخاف الله

عمر بنته 3 شهور وماشافها نهائيا


شي غريب


لو كنت مكانج مابوافق ما اطلع من تجربه فاشله عشان ادخل تجربه افشل

والله يقدم لج اللي فيه الخير ​

 

[أسرار الجمال]

لو منه خير ما فاته طير هذا شكله مرته الاولى رهقا قاعدته بويها شنو يتزوج وما يشتغل استخيري احسن

 

[مدّهره !]

المصيبه العظمى إنه ماايشتغل !!!!!!


ونفس ماقالت عياره يخاف الله ودين وماااشااف بنته 3 شهور ؟؟؟؟

 

[M!SS.LOBY]

استخيري

 

[متفائلة خيرا]

ضواحي اقصد انه بعيد عن سنتر المدينة شوي وعنده بيته بروحه واهو شيخ يرقي ناس ويشتغل في عيادة للحجامه
ودخله بسيط جدا جدا مايملك الا مصروف يومه اهو قال عن نفسه انه مايميلك الا مصروف يومي
بالنسبة لبنته امها خدتها عندها وماتبيه يشوفها ورفضه ان ابوها يشوفها
انا بصراحه متردده اللي عجبني فيه دينه واخلاقة وقولت الرزاق الله
وقولت لهم اجلو الموضوع مو مستعده وخوفت ومافي سبب يخلني اوافق عليه الا شيئ واحد يخليني افكر انه يخاف ربي وانسان خلوق وطيب واقول لنفسي ان انا مطلقة
جزاكم الله خير

 

[زوجة عزيز]

مادري من كلامج حسيته ساكن في بيت شعر شنو يعني ضواحي

انتي شكلج مو مقتنعه لابشكله ولا بحالته الماديه

على وصفج شكلها الاولى انفصلت منه والسبب الامور اللي كتبتيها

وبعدين انتي تقولين انه انفصل عنها لانها مو ملتزمه وفري واللي ملتزم ويخاف الله

عمر بنته 3 شهور وماشافها نهائيا


شي غريب


لو كنت مكانج مابوافق ما اطلع من تجربه فاشله عشان ادخل تجربه افشل

والله يقدم لج اللي فيه الخير ​

معاها والله السالفه فيها شي خاشه اهو عليكم وشكلج حكمتي على طليقته من كلامه اهو ترا طبيعي بيحط العيب بطليقته بدايته كلش ماتبشر بخير

 

[سماء الاحساء]

الله يسهل أمرك ماخاب من استخار ولاندم من استشار

 

[انسام الكويت]

بنات أهي مو كويتيه فعشان جذي ضواحي عندهم مثل القربه اذا ما خاب ظني

وشغله على مجهوده باليوم يعني مو مثلنا وظيفة ونستلم كل شهر رتب

اهو يشتغل هاليوميه يعني وضعهم فير عنا ... حبوبه اهم شئ استخيري الله وشوفي المميزات اللي فيه

وأهو دام ملتزم وشيخ دين فأكيد مراح يظلمج او يقصر معاج والبنت موعايشه معاكم مع أمها فماله داعي للخوف

اهم شئ أستخيرك ربك

 

[نبضي لك]

أستخيري

وحطي عيوبه ومميزاته قدام عينك

وشوفي وش ترتاح له نفسك

الله يوفقك

 

[نـعـومـه]

استخيري

 

[ظبية بوظبي]

طيب هالفري الي كانت مرته ليش خذته وهي عارفه انه ملتزم دينيا اكثيررر
وكيف قبلت به على وضعه المادي الضعيف
جد شكلها طايشة ما تفكر

شوفي اذا حابه تختارينه زوج لازم تكونين مشتغله لان ماديته جدا ضعيفه وتسبب الهم

 

[امـ خــزامـى]

انا لو لاقدر الله بمكانك وافكر فيه بشكل جدي مثلك

اول شي بسويه بقوله عطني رقم اهل زوجتك

بتكلم مع زوجتك واسمع من الطرفين

اذا الرجال واثق من عمره بيعطيك اذا رفض مستحيل اوافق عليه

والله يوفقك ويرزقك

 

[نونه المنكوشه]

استخيري وادعي ربج وان شاءالله ربي يختارلج الخيره

 

[M!ss CoLoRz]

من كلامج مبين إنه الريال مو زين

أول نقطة قلتي متدين وحافظ كتاب الله ...انزين وبنته؟؟ اهوه مسؤول عنها ولا فكر يجوفها!!!!!! يعني ظالم يعني بخيل يعني ما في قلبه رحمة إذا من لحمه ودمه ما افتكر فيها عادي باجر يقطج

ثاني نقطة ودامه متدين وملتزم من البداية خذ وحدة ما تناسبه وفري ليش؟؟!!!! معقولة هالنقطة ما وقفتي عندها!!!

ثالث نقطة ما يشتغل!!!!!!

فكري مليون مرة

 

[al-musk]

إذا متردده لا تتسرعين وتوافقين واذا ظروفه ماتناسبج فمنتي مضطره توافقين_ عليج بالإستخارة

 

[Patcholli]

انحشششششششششششششششششششششش