خطتي لتقوية ولدي بالعطلة

[مدرسة مكروفة]

السلام عليكم شلونكم خواتي
ولدي بروح ثانية ابتدائي
ان بهالعطلة حطيت خطة لتقوية ولدي بعدة جوانب أول شي الصلاة كل مره احرصه على الصلاة طبعا الصلاة لكم عليها بس ابي يتأسس عليها بقدر الإمكان .
شريت الولدي من مكتبة المثنى كتب تقويه بالقراءة بالإنجليزي وايد حلوة word family.
عندي دفاتر احطله مسائل math‏ ‏.عشان ما ينسى الرياضيات.
شهر  بدخل دورة لغه انجليزية تبدي بتاريخ /
بايميدست او المعهد البريطاني.
طبعا ماراح انسى اللغه العربية اني أكتبله جمل ويقراها و اخليه يكتبلي جمل .
حبايبي استغلو العطله بشي مفيد خلو عيالكم يلعبون ويستانسون بس خصصوا وقت بسيط للمراجعه . شرايكم

 

[السنعة2]

مشكوره على التذكير يسلمووووووووووووووو

 

[مدرسة مكروفة]

شدعوة وحدة ردت و علقت وين الباجي

 

[الحراير]

انا نفسج بداية العطله دخلت ولدي القاعده الحلبيه بكل المواد والله ولدي ماستفاد شي واللحين كل مااقوله تعال ادرسك يعاند ويبجي

 

[manarah]

والله كلامج حلو بس وين اللي يطيع ؟! انا ولدي من اييبله طاري مراجعه سوالي مناحه

 

[سيدة الكويت]

جزاج الله خير

خل البنات يستفيدون

 

[G!RLooNa]

اممممم جنج وايد شاده عليه؟

 

[Iron]

تسلميــــــــــــــــــــــــــن يالغاليه00
كلامج صحيح بس وين الى يطيع0000
ما يصدقون تخلص الامتحانات ما يعطونج ويه00

 

[سيدة الكويت]

الأخت تتكلم عن العطله الطويله

بس اخذوا افكار منها

 

[حلم الطفولة]

مشكوره ,, موفقه ان شالله

 

[حروف من ذهب*]

العطله هذي ما اضن اسوي شي اما الكبيره يمكن

 

[om al ghaleen]

مشكووره حببيتي ع التذكير
كلما قلت لولدي تعال اراجع لك قالي ماما احنا بعطله خلينا نستانس
بس الحين قمت العب معاهم وادخل الدراسه باللعب علشان لاينسون

 

[عهود الحب]

خلوا الدراسة شرط لشغلة معينة
مثل مرحلة قبل مرحلة
يعني نقدر نطمر السلم ست درجات ؟ لا طبعا
لازم نصعد درجة درجة
اوكي نفس الشي الدراسة
راح ندرس كذا من صفحة كذا الى كذا
وبعدها نقدر نروح للمكان الفلاني [ سينما شي مطعم اي شي ] المهم يفهموون ويربطون الوناسة بالدراسة
ادرس اذن راح استانس
ما ادرس الي امي طلبته مني ماراح اروح للمكان الي انا ابيه


طبعا هالكلام ينفع مع كل الاعمار
باختلاف اسلوب الخطاب
بس


الي طفلهم شبعان وملان من كل شي ماراح يطيعهم

 

[دانة الدنيا@]

مشكووووره حبيبتي باخذ افكار منج