مشرفة القسم ( جارة القمر )
ناس كثيرة مننا تستصعب عمل خبز الصاج
اما لقلة الوقت او لانها تجد راحتها في الجاهز
عطني بـ 100 فلس خبز والسلام
بس ريحة الخبز لمن تطلع من مطبخ بيتنا تثير الحواس و تجعل افراد العائلة في حالة انتظار وتأهب
ما أبي احكي اكثر عن الخبز ورائحة الخبز
بس نصيحة لوجه الله تعالي
تعلموا تسووا الخبز يجيكم يوم تدورون عليه ما تلقونه وما راح تنفعكم غير خبرتكم
ما ابي اطول عليكم بس اللي اقوله انكم محتاجين الى
3 اكواب طحين
2 ملقثة كبيرة زيت
1 ملعقة كبيرة حليب بودرة
1 ملعقة صغيرة ملح
1 ملعقة صغيرة خميرة فورية
1 كأس ماء فاتر
الطريقة
بالاول راح تخلطوا المواد الجافة كلها مع بعض
بعدين نضيف الماء الفاتر بالتدريج مع التقليب
لين ما توصلوا لمرحلة انكم لازم تعجنوها باليد
العجية راح تكون لينه ، رجاء لحد يضيف اي شي ثاني لا طحين ولا غيره تركوا العجينة على حالها
أخذوا فوطة نظيفة وغطسوها في ماء فاتر ـ عصروها عن الماء بعدين غطوا العجينة بالفوطة وتركوا العجينة تخمر في مكان دافئ مو اقل من ساعة زمن
بعد الساعة راح تشوفون ان العجينة نفشت
ألحين تنقلونها على سطح نظيف مرشوش بالطحين وتقلبوها على بعضها لين ما تحصلون على عجينة ما تلتصق باليد
راح تقطعون العجينة لقطع شبه متساوية وتحولون القطع لكرات
تاخذون كرة من العجينة وتمدونها بأصابع اليد على السطح ولا تنسون اضافة الطحين علشان لا يلصق لكم العجين
وخلوا بالكم ترا العجينة ناعمة كثير
