خطيبييييييييييييييييييبي

[عذارري]

السلام عليكم

يامتزوجات انا مخطوبه وزواجي باقي عليه يمكن 8 شهور

ومادري بيكلمني و ابغى رايكم اذا دق ارد اولا لاني محتاررره وايد:0bee2e8d89:

ابغى نصيحتكم ,,:eh_s(7)::eh_s(7):​

T]

 

[اميره بعيونه88]

زوجج ليش ما تردين عليه

الله يتمم عليج حبيبتي

 

[اينااس]

زووجك ليش مااتردين

هذى فتررت خطوووبه شحلاته

 

[Jo0ree]

اذا كاتبة كتابج ليش ما تردين علييه؟؟؟!!

 

[ثنايا الورد]

طبعا ردي اصلا فرصه تتعرفون على بعض اكثر وتعرفين بعض جوانب شخصيته وهو بعد ترى المكالمات
في الخطوبه لها طعمها الخاص ماراح تحسين بالهشي غير لما تدشين عش الزوجيه وتقولي وااااااي
ياليتها طالت فترة الشوق ومكالمات تالي الليل اقول بس يدق نطري يتحقرص اشوي عليج تالي ردي لوووول
يعني شسمه حمااااس هههههه​

 

[مياسه الحساسه]

^^^
هههههههههههههههههههه
حبيبتي لو مالكين انتي زوجته يحقله يكلمك ويزوركم ويجلس معاك
موفقه

 

[om3wd]

لا تكلمينه نصيحه
خليها بعد زواج يكتشفج وحده وحده قبل الزواج مو حلوه يكون كاشف كل اوراقج ويروح حتى حيا البنت منج اول يوم وكل ريال بالدنيا يحب زوجته فيها حيا واهو يكسر حياها
اما لما تكلمينه قبل الزواج بكوت محسوب عليج كل شي حتى انتي تبين تصنعين
وانتي كيفج الاختيار لج :$

 

[اميره1980]

اذا مالجين كلميه و طلعي وياه بعد
روحو استانسو و عرفو بعض و تقربو من بعض قبل العرس

 

[الشهد كله]

طالما إنج مخطوبة يعني مو مالجة !!!!!!!!!!!!

إذا أهلج موافقين تكلمينه كلميه وإذا أهلج مو موافقين تكلمينه لا تكلمينه:rerrerek:

عالأقل عشان يكونون بالصورة :eh_s(7)::eh_s(7)::eh_s(7):​

 

[sosowaty]

لا انا وحدة ما احب الوحدة اتكلم ريلها وقت الخطوبة راح يحس انها ثقيله و احلا شي ان اثنيناتكم راحح تتشفقون لطرف الثاني
هذا احلا شي.سويته قبل عرسي

 

[ya al3rosa]

ااااااب

 

[pusy cat]

خطيبج قصدج كاتب كتابه عليج ؟؟

اذا اي معناته هذا زوجج وحلالج وحلو ان تتعرفون على بعض بهالفتره بس اهم شي اثقلي لان هالمرحله مرحلة اختبار لج

اذا شافج خفيفه بيقول هذي مو تكانه اكيد متعوده تكلم من قبل

اذا دق ردي عليه عادي واذا كنتي تستحين قوليله خل بينا مسجات احسن وهالله هالله بالثقل سويله تشويق

 

[دآنة آلرشآيده]

الف مبروك
الله يسخركمـ لبعض
بس عآدي ردي عليهـ​

 

[لوفيه]

احلى فتره والله ماانسااااااها لو شنو

بس الأهم تبقى البنت حياويه وكله ساكته عشان يصير عنده حماس اذا قالت موضوع طويل

يتم ساكت يسمع صوتها

وتحافظ على الهممممس لا تعلي صوتها

 

[shy rose]

عاااااااااادي كلميه
مافيها شي
في الفترة هذي تتعرفون على بعض اكثر

 

[zaina alotibi]

مبروك الملجة ....
اي حبيبتي دام مالجين ردي عليه وكلميه لا حرام ولاعيب ...

 

[أم توتو]

بالعكس كلميه في حاله انج متملكه ترى بعدين راح تتحسفين لان احلى ايا ايام الخطوبه الدلع والكلام الحلو عشان تاخذين عليه بس بحدود بدون دخله وطلعه بحدود المعقول الله يتمم عليج ويوفقك ربي

 

[عذارري]

الله يبارك فيكم حبيباتي ويعطيكم الف عافيه على النصايح

ان شاءالله برد بسس بنقعه شوي ههههههه