خطيبي والأغاني

[هيونه الأموره]

السلام جيت هذا القسم لان أكيد لكم تجرب
فحبيت استفيد منكم خطيبي مدمن اغاني عطوني طريقة اخليه يتخلص منه او يقلله:bbbiu:تكفون ساعدوني​

 

[بتبوتااا]

الله يهديه ان شاءالله وياقلبي بعد الزواج والعيال راح يخف ولما تكونين عنده بتشغلينه عن كل شي

 

[سفيره الكويت]

خليه يسمع بالاوقات الرومانسيه وبالسياره حاولي تقللين نسبه سماعه للاغاني كثرتها مو زينه

 

[شادن33]

عطيه فتاوي سماع الاغاني او قوليله
وترا صج الاغاني تخلي القلب في قسوه سبحاان الله حالها حال كل معصيه تتراكم ع القلب
الله يهديه

 

[قطوووة]

لاتجين له بطريقة مباشرة

اول شي ادعي الله يهديه
وحاولي تشغلين قران بالبيت

وتدريجي راح يخف ان شاء الله

 

[Gifts&Occaions]

بعد الزواج بيكون ماعنده وقت يسمع اغاني وايد

 

[G!RLooNa]

الله الهادي

ابوي قبل كله حاط على الاف ام و لي خذا سياره امي عقب تتحلطم عليه لان يغير اذاعه القرآن اللي مثبته عليها و يحط الاف ام ،، الحين ما يحط غير اذاعه القرآن حتى اذا ركبت سيارتي و شغلت الرادو محطوط على اذاعه القرآن ادري ان ابوي ماخذها مع ان ابوي ترا مو متدين لا عادي .. و الله يهدي ريلج و يهدينا معاه

 

[اميره1980]

خليه على الاقل و هو معاج تحطون عللى اذاعة القران بالسيارة
قوليله ان اذا انتي وياه لا يحط اغاني مو ناقص ذنوب علشان يشيلج انتي بعد ذنب سماع الاغاني

شوي شوي بيتعود على القرآن الكريم و راح يسمعه بالسيارة حتى لو انتي مو وياه
ربي يهديه ان شاء الله

 

[أم زنوبة]

صح انا معاها ^^^^

لمن اركب السيارة مع ريلي ما يشغل يحترم وجودي بس بروحة ذنبة على جنبة

وفي البيت اذا اغنية مسلسل او اي شي يقصر بسرعه

واول زواجنا ماكان جذي بس شافني اتضايق تغير بس حبة حبة

 

[ElN00R]

اول. شي ترى خطيبج اكبر منج وعارف الحكم الشرعي ومختار انه يسمع بارادته هو يبي جذي ما ينطر يخطب وتي خطيبته يلا انا بغيرك وبخليك تقطع الاغاني خلي هو بروحه بيقطع الحين فراغه تالي ينشغل بعدين هو مطول على الاغاني ٢٤ ساعه ومطوف صلاته والناس في المسيد ؟

 

[al-musk]

باجر ينشغل ..وانتي عوديه ان لي قعد معاج مايسمع وشوي شوي يتعود

 

[لمى الهاجري]

اشتري له اشرطة اناشيد دينية

 

[ابـيـض واسـود]

خطيبي كان يسممع على خفييييف , بس اشوه اهوا خواف بس قلت له الله مايوفقناا اذا قعدنا نسمع وتركهم والحين يوز فيني شيطان بسمع واهوا يزف حرام ماحراام

 

[((غلاي))]

مع الوقت يتركهك ان شاء الله و الله يهديه

و لمن تكونين معاه بالسياره قولي مابي اسمع اغاني ابي اسمع صوتك و اسولف معاك
و اشوي اشوي يتركهم باذن الله

 

[هيونه الأموره]

مشكورين بس أنا اب طريقة اخليه يتركه يقلل منه

 

[سكوتي بذوقي]

اعطيه سي دي محاضره عن سماع الأغاني

علشان يعرف عقوبتها وإن شاء الله يتركها

 

[* بنت المطر *]

حبيبتي الاغاني فزه بعد الزواج راح يتركها من نفسه فماانصحج تضغطين عليه ادعيله بظهر الغيب والله يستجيب منج ان شالله